سیف علی خان کا بیٹا ابراہیم بچپن ہی سے کس اداکارہ کو دیکھنے کے مواقع ڈھونڈتا تھا؟
اشاعت کی تاریخ: 15th, April 2025 GMT
بالی ووڈ کے مشہور اداکار سیف علی خان کے بیٹے ابراہیم علی خان کا کہنا ہے کے دیپیکا پڈوکون ان کا پہلا کرش تھیں۔
سیف علی خان اور امریتا سنگھ کے بیٹے ابراہیم علی خان نے حال ہی میں بھارتی میڈیا سے گفتگو کی، جس میں انہوں نے اپنے بچپن اور والدین کے ساتھ تعلقات پر بات کی۔
انہوں نے اپنے بچپن کو یاد کرتے ہوئے کہا کہ وہ تقریباً 7 یا 8سال کے تھے جب انہیں پہلی بار یہ سمجھ آیا کہ ان کے والدین مشہور ہیں۔ اس وقت ان کے والد سیف علی خان برطانیہ میں دیپیکا پڈوکون کے ساتھ امتیاز علی کی فلم ’لو آج کل‘ کی شوٹنگ کر رہے تھے۔ اسی دوران ابراہیم کو اپنے والدین کی شہرت کا اندازہ ہوا۔
یہ بھی پڑھیں: کیا دیپیکا پڈوکون شاہ رخ خان کی فلم ’کنگ‘ میں مرکزی کردار ادا کریں گی؟
ابراہیم نے کہا کہ دیپیکا پڈوکون ان کی سب سے پہلی کرش تھیں۔ انہوں نے انکشاف کیا کہ جب وہ بچے تھے تو دیپیکا سے بہت متاثر تھے اور موقع تلاش کرتے رہتے تھے کہ انہیں فلم کے سیٹ پر دیکھ سکیں۔
انہوں نے کہا کہ ’میں سوچتا تھا، واؤ یہ دیپیکا پڈوکون ہیں۔ وہ میری پہلی کرش تھی۔ میں بہت چھوٹا تھا اور ان کا دیوانہ تھا۔ میں کہتا، مجھے دیپیکا کو دیکھنا ہے۔ اور تب ہی مجھے احساس ہوا کہ میرے والد واقعی بڑے ایکٹر ہیں۔ دیپیکا پڈوکون ان کے ساتھ فلم کر رہی ہیں‘۔
یہ بھی پڑھیں: ہانیہ عامر کی بالی ووڈ میں دبنگ انٹری کا دیپیکا پڈوکون سے کیا تعلق ہے؟
ابراہیم نے بتایا کہ ان کے والد ہمیشہ شہرت کے بارے میں کھلے دل سے بات کرتے تھے، جب کہ ان کی ماں امریتا سنگھ نے ہمیشہ زیادہ زمینی رویہ اپنایا۔ انہوں نے مزید کہا کہ ’میری ماں ہمیشہ مجھے ایسے محسوس کرواتی تھیں جیسے وہ بس ایک پیاری، شہری پنجابی ماں ہوں۔ میری ماں پنجابی ماں ہیں۔ تو میں بھی کافی حد تک پنجابی ہوں۔ یا شاید نہیں۔ مجھے نہیں معلوم۔ جو بھی ہوں، میں پاگل ہوں۔ وہ میری ماں کی وجہ سے ہے۔ انہوں نے دو پاگل بچوں کی پرورش کی ہے۔ میں اور میری بہن، سارا علی خان۔ وہ بھی کافی پاگل ہے۔ ایسا نہیں ہے کہ ہم دکھاوا کرتے ہیں، ہم واقعی پاگل ہیں‘۔
ابراہیم علی خان نے بالی وڈ میں اپنا ڈیبیو فلم ’نادانیاں‘ سے کیا۔ فلم میں ان کو اداکاری پر کافی تنقید کا سامنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابراہیم علی خان بالی ووڈ دیپیکا پڈوکون سیف علی خان.ذریعہ: WE News
کلیدی لفظ: ابراہیم علی خان بالی ووڈ دیپیکا پڈوکون سیف علی خان ابراہیم علی خان دیپیکا پڈوکون سیف علی خان انہوں نے کہا کہ
پڑھیں:
اداکارہ دیشا پٹانی کے گھر کے باہر فائرنگ کے واقعے کی ویڈیو منظرعام پر آگئی
بالی ووڈ کی اداکارہ دیشا پٹانی کے گھر پر فائرنگ کی سی سی ٹی وی ویڈیو منظر عام پر آگئی ہے۔
گزشتہ دنوں اداکارہ دیشا پٹانی کے گھر کے باہر فائرنگ کا واقعہ پیش آیا، جس کی سی سی ٹی وی فوٹیج منظر عام پر آچکی ہے۔ یہ واقعہ جمعہ اور ہفتہ کی درمیانی شب تقریباً 3:30 بجے پیش آیا، جب دو نامعلوم موٹر سائیکل سوار افراد نے دیشا پٹانی کے بریلی میں واقع گھر کے باہر اندھا دھند فائرنگ کی۔
سی سی ٹی وی ویڈیو میں واضح طور پر دیکھا جا سکتا ہے کہ دو حملہ آور موٹر سائیکل پر آتے ہیں، ان میں سے ایک شخص اداکارہ کے گھر کے باہر کئی گولیاں چلاتا ہے، جس کے بعد دونوں حملہ آور موقع سے فرار ہوجاتے ہیں۔ یہ ویڈیو نہ صرف بھارتی میڈیا بلکہ سوشل میڈیا پر بھی تیزی سے وائرل ہو رہی ہے جس پر اداکارہ کی مداحوں کی جانب سے مذمت کی جارہی ہے۔
یاد رہے کہ واقعے کے بعد بدنام زمانہ گینگسٹرز روہت گودارا اور گولڈی برار گینگ نے سوشل میڈیا پر ایک پوسٹ کے ذریعے اس حملے کی ذمہ داری قبول کی تھی۔
بھارتی میڈیا رپورٹس کے مطابق فائرنگ کی مبینہ وجہ دیشا پٹانی کی بہن خوشبو پٹانی کی جانب سے گینگ کے روحانی پیشواؤں، پریمانند مہاراج اور انیرودھاچاریہ مہاراج کے بارے میں مبینہ طور پر توہین آمیز بیان تھا۔ پولیس اس واقعے کی مزید تفتیش کر رہی ہے۔
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی