وجے ورما سے بریک اپ کے بعد تمنا بھاٹیہ پہلی بار کس فلم میں جلوہ گر نظر آئیں گی
اشاعت کی تاریخ: 17th, April 2025 GMT
فلم ’’نو انٹری‘‘ کے سیکوئل کے لیے ہدایتکار بالآخر ایک ہیروئن کا انتخاب کرنے میں کامیاب ہو ہی گئے۔
بھارتی میڈیا کے مطابق فلم ’’نو انٹری 2‘‘ کا اعلان تو 4 اپریل 2024 کو کیا گیا تھا جس کے لیے ارجن کپور، ورون دھون اور دلجیت دوسانج کو فائنل کیا گیا تھا۔
نو انٹری میں ہیروئنز میں سے ایک کا کردار بپاشا باسو نے ادا کیا تھا تاہم نو انٹری 2 کے لیے خاتون اداکارہ کی تلاش جاری تھی۔
جس کے لیے ادیتی راؤ حیدری کے ساتھ متعدد دیگر ہیروئنز کے نام بھی زیر گردش تھے۔
تاہم اب تمنا بھاٹیہ ممکنہ طور پر مرکزی خاتون اداکارہ کے طور پر فلم کا حصہ بنیں گی۔
مقامی نجی چینل نے دعویٰ کیا کہ سیکوئل میں تمنا بھاٹیہ کا کردار فلم میں اسی طرز کا ہوگا جیسا کہ فلم نو انٹری میں بپاشا باسو کا تھا۔
تاحال تمنا بھاٹیہ یا فلم پروڈیوسر بونی کپور کی جانب سے فلم کی کاسٹ میں اس نئے اضافے سے متعلق کوئی ردعمل سامنے نہیں آیا۔
اگر تمنا بھاٹیہ کا نام فائنل ہوجاتا ہے تو فلم نوانٹری2 کی شوٹنگ کا آغاز جلد ہی ہوجائے گا۔ پروڈیوسر بونی کپور کے مطابق فلم 26 اکتوبر 2025 کو ریلیز کی جانی تھی۔
یاد رہے کہ 2005 کی فلم ’’نو انٹری‘‘ میں انیل کپور، سلمان خان اور فردین خان نے مرکزی کردار ادا کیے تھے جب کہ خواتین کاسٹ میں سلینا جیٹلی، لارا دتہ، ایشا دیول اور بپاشا باسو تھیں۔
دوسری جانب تمنا بھاٹیہ نے حال ہی میں اجے دیوگن کے ساتھ فلم رینجر کی شوٹنگ کا آغاز کیا ہے۔ اب دیکھتے ہیں بریک اپ کے بعد تمنا بھاٹیہ کی پہلی فلم نو انٹری 2 یا پھر رینجرز ریلیز ہوتی ہے۔
.
ذریعہ
ذریعہ: Express News
کلیدی لفظ: تمنا بھاٹیہ کے لیے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار