190 ملین پاؤنڈ کیس: عمران خان اور بشریٰ بی بی کی اپیلیں سماعت کیلئے مقرر
اشاعت کی تاریخ: 26th, April 2025 GMT
— فائل فوٹو
اسلام آباد ہائی کورٹ نے 190 ملین پاؤنڈ کیس میں بانیٔ پاکستان تحریکِ انصاف (پی ٹی آئی) عمران خان اور بشریٰ بی بی کی اپیلیں سماعت کے لیے مقرر کر دیں۔
بانیٔ پی ٹی آئی اور بشریٰ بی بی نے 190 ملین پاؤنڈ کیس کے فیصلے کے خلاف اپیلیں دائر کر رکھی ہیں جن پر اب اسلام آباد ہائی کورٹ میں سماعت 30 اپریل کو ہو گی۔
قائم مقام چیف جسٹس سرفراز ڈوگر اور جسٹس محمد آصف کیس کی سماعت کریں گے۔
خالد یوسف چوہدری کا کہنا ہے کہ 190 ملین پاؤنڈ کیس کے فیصلے کے خلاف اپیل آئندہ ایک دو دن میں اسلام آباد ہائی کورٹ میں دائر کر دی جائے گی۔
واضح رہے کہ 17 جنوری کے عدالتی فیصلے کے خلاف 27 جنوری کو اپیلیں فائل ہوئی تھیں۔
17 اپریل کو کیس جلد سماعت کے لیے مقرر کرنے کی درخواستیں عدالت نے منظور کی تھیں۔
احتساب عدالت نے 190 ملین پاؤنڈ کیس کا فیصلہ 17 جنوری کو سنایا تھا جس کے مطابق بانیٔ پی ٹی آئی کو 14 سال اور بشریٰ بی بی کو 7 سال قید و جرمانے کی سزا ہوئی تھی۔
.ذریعہ: Jang News
کلیدی لفظ: ملین پاؤنڈ کیس اور بشری
پڑھیں:
پی ایس ڈی پی کے تحت وفاقی تعلیم و پیشہ وارانہ تربیت ڈویژن کیلئے 18580 ملین روپے کے فنڈز مختص
اسلام آباد(نیوز ڈیسک)آئندہ مالی سال کے سرکاری شعبہ کے ترقیاتی پروگرام (پی ایس ڈی پی) کے تحت وفاقی تعلیم و پیشہ وارانہ تربیت ڈویژن کیلئے مجموعی طور پر 18580 ملین روپے کے فنڈز مختص کئے گئے ہیں جس میں سے 14 جاری منصوبوں کیلئے 18280 ملین روپے جبکہ 3 نئے منصوبوں کیلئے 300 ملین روپے کے فنڈز مختص کئے گئے ہیں۔
منگل کو جاری پی ایس ڈی پی کے مطابق جاری منصوبوں میں وزیراعظم کی ہدایت پر مقبوضہ کشمیر کے طلبا کیلئے 1600 سکالرشپس کیلئے 164 ملین روپے، این سی اے لاہور میں گریجویٹ بلاک کی تعمیر کیلئے 217 ملین روپے، پلاننگ اینڈ ڈویلپمنٹ یونٹ منصوبہ کے قیام کیلئے 30 ملین روپے، وفاقی دارالحکومت میں وفاقی نظامت تعلیمات کے زیر انتظام تعلیمی اداروں میں بنیادی تعلیمی سہولیات کی فراہمی کیلئے 900 ملین روپے، نیشنل انسٹی ٹیوٹ آف ایکسی لینس ٹیچرز ایجوکیشن کیلئے 300 ملین روپے، وفاقی دارالحکومت میں آئوٹ آف سکول چلڈرن کے داخلوں اور انہیں برقرار رکھنے کیلئے 262 ملین روپے، ایجوکیشن پروگرام کے استحکام کے مربوط اور جامع اقدامات کیلئے 290 ملین روپے،
ایف ڈی ای کے پرائمری سکولوں میں ای سی ای سنٹرز کیلئے 140 ملین روپے، سکلز ڈویلپمنٹ پروگرام کیلئے 600 ملین روپے، وزیراعظم یوتھ سکل ڈویلپمنٹ پروگرام کیلئے 4300 ملین روپے، پاکستان ایجوکیشن انڈومنٹ فنڈ کیلئے 1000 ملین روپے، کری، اسلام آباد میں دانش سکول کے قیام کیلئے 1800 ملین روپے، آزاد کشمیر، گلگت بلتستان اور بلوچستان میں دانش سکولوں کے قیام کیلئے 8000 ہزار ملین روپے مختص کئے گئے ہیں جبکہ نئے منصوبوں کیلئے ایچ الیون فور اسلام آباد میں آٹزم کی بیماری میں مبتلا بچوں کیلئے سنٹر آف ایکسی لینس کے قیام کیلئے 100 ملین روپے،
ملٹی گارڈن بی۔17 اسلام آباد میں ماڈل کالج برائے خواتین کے قیام کیلئے 100 ملین روپے اور ملٹی پروفیشنل کوآپریٹو ہائوسنگ سوسائٹی ایف۔17/2 اسلام آباد میں اسلام آباد ماڈل کالج برائے خواتین کے قیام کیلئے 100 ملین روپے کے فنڈز مختص کئے گئے ہیں۔
مزیدپڑھیں:پاکستان چین سے جے 35 طیاروں کے علاوہ کیا کیا خریدنا چاہتا ہے؟ بلومبرگ کی رپورٹ میں بڑا انکشاف
یہ سچ ہے کہ پولیس نے پولنگ روکی