سندھ کی درخواست پر وزیرِ اعظم نے سی سی آئی اجلاس آج طلب کرلیا، شرجیل میمن
اشاعت کی تاریخ: 28th, April 2025 GMT
وزیرِ اطلاعات سندھ شرجیل انعام میمن نے کہا ہے کہ مشترکہ مفادات کونسل (CCI) کے اجلاس میں آج کینالوں کے معاملے پر فیصلہ کر لیا جائے گا۔ انہوں نے بتایا کہ حکومت سندھ کی درخواست پر وزیرِ اعظم پاکستان شہباز شریف نے 2 مئی کو ہونے والا سی سی آئی اجلاس آج ہی طلب کرلیا ہے۔
شرجیل میمن نے اپنے بیان میں مزید کہا کہ مشترکہ مفادات کونسل (CCI) کا اجلاس آج شام وزیرِ اعظم پاکستان شہباز شریف کی صدارت میں اسلام آباد میں ہوگا۔ سندھ کی درخواست پر ہونے والے اجلاس میں کینالوں کے معاملات پر تفصیل سے بات چیت کی جائے گی اور اس مسئلے کا حتمی حل نکالا جائے گا۔
مزید پڑھیں: متنازع کینالز منصوبہ: نواز شریف اور شہباز شریف کی پیپلزپارٹی کے تحفظات دور کرنے کی ہدایت
وزیرِ اطلاعات سندھ نے یہ بات کہی کہ اجلاس میں وفاقی حکومت کی مدد اور تعاون سے سندھ کے زرعی شعبے کی ضروریات کو پورا کرنے کے لیے ٹھوس اقدامات اٹھائے جائیں گے۔ سندھ حکومت کی جانب سے کینالوں کے پانی کے حوالے سے کئی اہم نکات پیش کیے گئے ہیں۔
ان کا کہنا تھا کہ بلاول بھٹو اور وزیراعظم شہباز شریف کی ملاقات کے تحت نہروں کا معاملہ ختم ہوجائے گا، اجلاس میں وزیراعلیٰ سندھ مراد علی شاہ سندھ کی نمائندگی کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CCI بلاول بھٹو سی سی آئی شہباز شریف مشترکہ مفادات کونسل.
ذریعہ
ذریعہ: WE News
کلیدی لفظ: بلاول بھٹو شہباز شریف مشترکہ مفادات کونسل شہباز شریف اجلاس میں سندھ کی
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی