بھارت: پاکستانی شہریوں کو اٹاری بارڈر کے راستے واپسی کی اجازت میں توسیع
اشاعت کی تاریخ: 1st, May 2025 GMT
اسلام آباد (اُردو پوائنٹ ۔ DW اردو۔ 01 مئی 2025ء) بھارتی وزارت داخلہ نے جمعرات یکم مئی کو ایک ترمیم شدہ حکم نامہ جاری کر دیا، جس سے بھارتی پاکستانی سرحد پر پھنسے ہوئے لوگوں کو بڑی راحت مل گئی ہے۔
اس حکم نامے میں کہا گیا ہے کہ پاکستانی شہریوں کو زیر التوا کلیئرنس کے بعد اٹاری میں انٹیگریٹڈ چیک پوسٹ کے ذریعے بھارت سے روانگی کی اجازت دے دی گئی ہے۔
یہ اجازت آئندہ حکم نامے تک نافذ العمل رہے گی۔ بھارت نے پہلے کہا تھا کہ اٹاری واہگہ سرحد 30 اپریل کو بند کر دی جائے گی۔پاکستان، بھارت کے مابین کشیدگی ختم کرانے کے لیے امریکی پہل
بھارتی وزارت داخلہ نے جمعرات کو جاری کردہ ایک سرکاری بیان میں کہا کہ نظرثانی شدہ حکم ضروری منظوریوں سے مشروط اور فوری طور پر نافذ العمل ہے۔
(جاری ہے)
اس بیان میں کہا گیا ہے کہ دیگر تمام مسافروں اور سامان کی نقل و حرکت اگلے نوٹس تک معطل رہے گی۔
وزارت داخلہ نے اپنے بیان میں کہا، ''مذکورہ بالا موضوع پر 24 اپریل 2025 کو وزارت داخلہ کے آفس میمو (او ایم) کو، جس میں اٹاری چیک پوسٹ کے راستے ہر طرح کے آنے والے اور جانے والے مسافروں اور انٹیگریٹڈ سامان کی نقل و حرکت کو بند کرنے کا حکم دیا گیا تھا، فوری طور پر ختم کیا جا رہا ہے اور جو لوگ یکم مئی 2025 سے پہلے سرحد پار کر کے آ چکے ہیں، وہ قانونی دستاویزات کے ساتھ واپس جا سکتے ہیں۔
‘‘کشمیر: پاکستان کے خلاف بھارتی اقدامات اور اسلام آباد کی جوابی کارروائی کی دھمکی
خیال رہے کہ پہلگام حملے کے ردعمل میں بھارت نے سندھ طاس آبی معاہدے کو معطل کرنے، اسلام آباد کے ساتھ سفارتی تعلقات کو مزید کم کرنے، اور مختصر مدت کے ویزوں پر آئے ہوئے تمام پاکستانیوں کو بھارت چھوڑنے یا قانونی کارروائی کا سامنا کرنے کی ہدایت سمیت کئی سخت اقدامات کا اعلان کیا تھا۔
بھارت میں موجود پاکستانی شہریوں کو تلاش کرنے کی مہمبھارتی خبر رساں ادارے اے این آئی کے مطابق اس وقت تمام بھارتی صوبوں میں مرکزی انٹیلیجنس ایجنسیوں کے ساتھ مل کر پاکستانی شہریوں کی بڑے پیمانے پر تصدیقی مہم چل رہی ہے۔
بھارتی وزیر داخلہ امیت شاہ نے گزشتہ ہفتے تمام یونین ریاستوں کے وزرائے اعلیٰ کو طلب کیا تھا اور ان سے کہا تھا کہ وہ اس بات کو یقینی بنائیں کہ کوئی بھی پاکستانی مقررہ تاریخ سے زیادہ عرصہ بھارت میں مقیم نہ رہے۔
کشمیر میں درجنوں سیاحتی مقامات بند، پاک بھارت کشیدگی عروج پر
اے این آئی کے مطابق ایک حکومتی اہلکار کا کہنا تھا کہ بہت سے لوگ دبئی یا دیگر بالواسطہ راستوں سے پروازوں کے ذریعے روانہ ہوئے ہیں کیونکہ پاکستان کے لیے کوئی براہ راست پروازیں نہیں ہیں۔ اس اہلکار نے کہا، ''ہمیں توقع ہے کہ مزید پاکستانی شہری روانہ ہوں گے، کیونکہ ریاستی پولیس اور مرکزی ایجنسیاں پورے ملک میں ان کی موجودگی کو سرگرمی سے شناخت کر رہی ہیں۔
‘‘موجودہ صورتحال پر گہری نظر رکھنے والے ایک اہلکار کے مطابق 29 اپریل کے بعد بھارت میں رہنے والے پاکستانی شہریوں کے خلاف سخت کارروائی کی جائے گی، کیونکہ ان کا قیام غیر قانونی تصور کیا جائے گا۔
قلیل المدتی اور سارک ویزے رکھنے والوں کو 27 اپریل تک نکل جانے کی ہدایت کی گئی تھی، جب کہ میڈیکل ویزے رکھنے والوں کے لیے آخری تاریخ 29 اپریل تھی۔
حکومت سے فیصلے پر نظرثانی کی اپیلیںبھارتی حکومت کے اس اقدام نے کئی خاندانوں کو منقسم کر دیا اور ماؤں کو ان کے بچوں سے الگ کر دیا ہے۔ گزشتہ تیس چالیس برسوں سے بھارت میں مقیم متعدد پاکستانی بھی ان افراد میں شامل تھے، جنہیں ملک بدر کیا گیا۔
فلاحی گروپوں اور سیاست دانوں نے بعض زمروں کو اس حکم سے مستثنیٰ رکھنے کی اپیلیں کی تھیں۔
بھارت کے زیر انتظام جموں و کشمیر کی سابق وزیر اعلیٰ محبوبہ مفتی نے مودی حکومت پر زور دیا کہ وہ ان پاکستانی شہریوں کو ملک بدر کرنے کے اپنے فیصلے پر نظر ثانی کرے، جنہوں نے بھارتی شہریوں سے شادیاں کر رکھی ہیں۔
محبوبہ مفتی نے ایکس پر ایک پوسٹ میں کہا، ''بہت سی متاثرہ خواتین ہیں، جو تیس چالیس سال پہلے بھارت آئیں، بھارتی شہریوں سے شادیاں کیں، اپنے خاندانوں کی پرورش کی، اور طویل عرصے سے ہمارے معاشرے کا حصہ رہی ہیں،ان کو ملک بدر کرنے کے فیصلے سے ''سنگین انسانی تشویش‘‘ پیدا ہو گئی ہے۔
ادھر بھارتی حکومت نے ایک اور ایڈوائزری جاری کی ہے، جس میں بھارتی شہریوں پر زور دیا گیا ہے کہ وہ پاکستان کا سفر کرنے سے گریز کریں اور اس وقت پاکستان میں موجود بھارتی شہریوں کو بھی جلد از جلد بھارت واپس آنے کی تاکید کی گئی ہے۔
ادارت : مقبول ملک
.ذریعہ: UrduPoint
کلیدی لفظ: تلاش کیجئے پاکستانی شہریوں کو بھارتی شہریوں وزارت داخلہ بھارت میں میں کہا گئی ہے
پڑھیں:
پاکستان نے نام نہاد آپریشن سندور کے بارے میں بھارتی رہنماوں کے بے بنیاد دعووں کو مسترد کردیا
پاکستان نے نام نہاد آپریشن سندور کے بارے میں بھارتی رہنماوں کے بے بنیاد دعووں کو مسترد کردیا WhatsAppFacebookTwitter 0 30 July, 2025 سب نیوز
اسلام آباد (سب نیوز)وزارت خارجہ نے کہا ہے کہ پاکستان بھارتی رہنماوں کی جانب سے لوک سبھا میں نام نہاد آپریشن سندور کے حوالے سے کیے گئے بے بنیاد دعووں اور اشتعال انگیز بیانات کو یکسر مسترد کرتا ہے۔
بھارتی پارلیمنٹ میں نام نہاد آپریشن سندور سے متعلق بحث پر میڈیا کے سوالات کے جواب میں ترجمان دفتر خارجہ نے کہا کہ یہ بیانات حقائق کو مسخ کرنے، جارحیت کو جواز دینے اور اندرونی سیاسی فائدے کے لیے جنگی بیانیے کو فروغ دینے کے خطرناک رجحان کی عکاسی کرتے ہیں۔ترجمان دفتر خارجہ کا کہنا تھا کہ دنیا جانتی ہے کہ بھارت نے پہلگام حملے کی کوئی قابل تصدیق شہادت یا معتبر تحقیقات کے بغیر پاکستان پر حملہ کیا، 6 اور 7 مئی 2025 کی درمیانی شب، بھارت نے جنہیں مبینہ دہشتگردی کا انفرا اسٹرکچر کہہ کر نشانہ بنایا، ان میں دراصل معصوم مرد، خواتین اور بچے شہید ہوئے۔
بھارت اپنے کسی بھی اسٹریٹجک مقصد کو حاصل کرنے میں ناکام رہا، اس کے برعکس، پاکستانی افواج کی جانب سے بھارتی لڑاکا طیاروں اور فوجی اہداف کو کامیابی سے نشانہ بنانا ایک ناقابل تردید حقیقت ہے۔بھارتی رہنماوں کو چاہیے کہ وہ اپنے عوام کو گمراہ کرنے کے بجائے اپنی مسلح افواج کے نقصانات کو تسلیم کریں اور سیزفائر کے حصول میں تیسرے فریق کے فعال کردار کو قبول کریں۔ترجمان دفتر خارجہ نے کہا کہ بھارت نے پہلگام حملے پر شفاف اور غیر جانبدارانہ تحقیقات کی پاکستانی وزیراعظم کی فوری پیشکش سے فائدہ نہیں اٹھایا، اس کے بجائے، اس نے جارحیت اور جنگی راستہ اختیار کیا اور خود ہی جج، جیوری اور جلاد بن گیا۔
اس پس منظر میں، نام نہاد آپریشن مہادیو سے متعلق دعوے ہمارے لیے کوئی اہمیت نہیں رکھتے، بھارتی وزیر داخلہ کی دی گئی تفصیلات جھوٹ سے بھری ہوئی ہیں، جس سے اس کی ساکھ پر سنجیدہ سوالات اٹھتے ہیں، کیا یہ محض اتفاق ہے کہ پہلگام حملے کے مبینہ ذمہ داران لوک سبھا میں بحث کے آغاز پر ہی مارے گئے؟
ترجمان دفتر خارجہ نے کہا کہ ہم بھارت کی جانب سے دوطرفہ تعلقات میں نیا معمول قائم کرنے کے مسلسل بیانات کو بھی دوٹوک انداز میں مسترد کرتے ہیں جیسا کہ ہم نے مئی 2025 میں اپنے مضبوط جواب سے واضح کر دیا، ہم آئندہ کسی بھی جارحیت کا منہ توڑ جواب دیں گے، ہمارے لیے دوطرفہ تعلقات میں معمول کا مطلب صرف اور صرف خودمختاری اور علاقائی سالمیت کا احترام اور اقوام متحدہ کے منشور کے اصولوں اور مقاصد کی پاسداری ہے۔
ترجمان دفتر خارجہ کا کہنا تھا کہ پاکستان پر مبینہ ایٹمی بلیک میلنگ کا بھارتی بیانیہ گمراہ کن اور مفاد پرستانہ ہے، جس کا مقصد اپنی اشتعال انگیزی پر پردہ ڈالنا اور الزام پاکستان پر تھوپنا ہے، یہ بات سب پر عیاں ہے کہ پاکستان نے بھارت کو اپنی روایتی عسکری صلاحیت کے ذریعے باز رکھا، اور یہ ظاہر کیا کہ ذمہ داری اور تحمل ہمارے رہنما اصول ہیں۔ہم بھارتی رہنماوں کی سندھ طاس معاہدے کے حوالے سے گمراہ کن باتوں پر بھی شدید ناپسندیدگی کا اظہار کرتے ہیں، بھارت کا معاہدے کو معطل کرنا بین الاقوامی معاہدوں کی حرمت کی صریح خلاف ورزی اور علاقائی تعاون کے بنیادی ستون پر حملہ ہے، بھارت کو اس یکطرفہ اور غیر قانونی اقدام پر فخر کرنے کے بجائے فوری طور پر معاہدے کی پاسداری کرنی چاہیے۔
ترجمان دفتر خارجہ نے کہا کہ بھارت کا مسلسل انحصار جھوٹ پر مبنی پروپیگنڈے، جنگی جنون اور ڈینگ مارنے پر ہے، جو جنوبی ایشیا کے لیے عدم استحکام کا باعث بن سکتا ہے، تاہم، ایک ذمہ دار ریاست کے طور پر پاکستان امن، علاقائی استحکام، اور تمام حل طلب مسائل، بشمول جموں و کشمیر کے بنیادی تنازعے کے حل کے لیے بامعنی مکالمے کے لیے پرعزم ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمالٹا کا بھی ستمبر میں فلسطینی ریاست کو تسلیم کرنے کا اعلان،فن لینڈ نے بھی تسلیم کرنے کا اشارہ دیدیا مالٹا کا بھی ستمبر میں فلسطینی ریاست کو تسلیم کرنے کا اعلان،فن لینڈ نے بھی تسلیم کرنے کا اشارہ دیدیا شبلی فراز کا چیف جسٹس کو خط، 9مئی کے مقدمات میں عدالتی کارروائیوں پر تحفظات کا اظہار آئی ایم ایف کی پاکستان کی اقتصادی شرح نمو حکومتی تخمینوں سے کم رہنے کی پیشگوئی خیبرپختونخوا کے سرکاری اسکولوں کے میٹرک نتائج مایوس کن، کئی اسکولوں میں تمام طلبہ فیل ہو گئے وفاقی پروگرام میں صحت سہولت کارڈ کو مستقل برقرار رکھنے کا فیصلہ حکومت کا شوگر سیکٹر کو ڈی ریگولیٹ کرنے کا بڑا فیصلہ، قیمتوں یا فروخت میں کوئی مداخلت نہیں کی جائیگیCopyright © 2025, All Rights Reserved
رابطہ کریں ہمارے بارے ہماری ٹیم
صوبے میں کسی آپریشن کی اجازت نہیں دیں گے، ادارے سرحدوں کی حفاظت کریں ، گنڈا پور