وزیراعظم وزیرخارجہ کی قائدن لیگ کو بریفینگ : پاکستان کی طرف منہ کیا تو بھارت کا غرور خاک میں ملادینگے : نواز شریف
اشاعت کی تاریخ: 5th, May 2025 GMT
سندر (نامہ نگار/ تنویر سیال) وزیراعظم شہباز شریف اور نائب وزیراعظم و وزیر خارجہ اسحاق ڈار نے جاتی امراء میں مسلم لیگ (ن) کے قائد میاں محمد نواز شریف سے اہم ملاقات کی جس میں ملک کی موجودہ سلامتی کی صورتحال، پاکستان بھارت کشیدگی، اور قومی دفاع سے متعلق امور پر تفصیلی بریفنگ دی گئی۔ وزیراعظم نے نواز شریف کو حالیہ پاکستان بھارت کشیدگی کے تناظر میں ملک کی دفاعی تیاریوں اور کور کمانڈرز کانفرنس و قومی سلامتی کونسل میں ہونے والے فیصلوں سے آگاہ کیا۔ اس موقع پر نائب وزیراعظم اسحاق ڈار نے عالمی سطح پر پاکستان کی حمایت میں کی گئی سفارتی کوششوں اور ان کے مثبت نتائج پر بریفنگ دی۔ نواز شریف نے چین، ترکیہ اور آذربائیجان کی جانب سے پاکستان کی غیر متزلزل حمایت کو خطے کے لیے گیم چینجر قرار دیتے ہوئے کہا کہ دوست ممالک نے مشکل وقت میں پاکستان کا ساتھ دے کر دوستی کا حق ادا کیا، جو پاکستان کی خطے میں اہمیت کو اجاگر کرتا ہے۔ نواز شریف نے ابدالی میزائل کے کامیاب تجربے پر قوم کو مبارکباد دی اور کہا کہ "ملکی دفاع ناقابل تسخیر ہو چکا ہے، قوم سکون کی نیند سوئے"۔ ملاقات کے دوران وزیراعظم نے "پہلگام ڈرامہ" کو بھارتی چال قرار دیتے ہوئے کہا کہ بھارت کا مکروہ چہرہ عالمی سطح پر بے نقاب ہو چکا ہے۔ ان کا کہنا تھا کہ "بھارت نے پاکستان کی طرف منہ کیا تو اس کا غرور خاک میں ملا دیں گے۔ مودی کے جنگی جنون کو دنیا میں کہیں سے بھی حمایت نہیں ملی۔" وزیراعظم نے یہ بھی بتایا کہ سندھ طاس معاہدے کو یکطرفہ طور پر ختم کرنے کے بھارتی اقدام کے بعد پاکستان نے عالمی سطح پر اس کا بھرپور جواب دینے کی تیاری مکمل کر لی ہے۔ اس اہم ملاقات میں وزیر اعلیٰ پنجاب مریم نواز بھی شریک تھیں۔
.
ذریعہ
ذریعہ: Nawaiwaqt
کلیدی لفظ: پاکستان کی نواز شریف
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ