جی میل صارفین کے لیے انتباہ: 18 کروڑ سے زائد پاس ورڈز ہیکرز کے ہاتھ لگ گئے
اشاعت کی تاریخ: 29th, October 2025 GMT
دنیا بھر کے جی میل صارفین کو ایک بڑے سائبر حملے کے بعد خبردار کیا گیا ہے جس میں تقریباً 18 کروڑ 30 لاکھ ای میل اکاؤنٹس اور ان کے پاس ورڈز لیک ہو گئے ہیں۔
یہ بھی پڑھیں: جی میل صارفین خبردار، گوگل کا ڈھائی ارب اکاؤنٹس کو عالمی سائبر حملے پر الرٹ جاری
رپورٹس کے مطابق یہ ڈیٹا لیک اپریل میں پیش آیا تھا، تاہم حال ہی میں سائبر سیکیورٹی ویب سائٹ ہیَو آئی بین پاؤنڈ نے اس کی نشاندہی کی۔ ویب سائٹ کے بانی ٹرائے ہنٹ کا کہنا ہے کہ یہ معلومات مختلف ویب سائٹس سے جمع ہونے والے ایک بڑے ہیک کا حصہ ہیں۔
لیک ہونے والا ڈیٹا صرف جی میل اکاؤنٹس تک محدود نہیں بلکہ ان تمام لاگ اِنز کو بھی متاثر کر سکتا ہے جو جی میل پر مبنی ہیں۔ اس سے ہیکرز کو صارفین کے دوسرے آن لائن اکاؤنٹس تک بھی رسائی حاصل ہو سکتی ہے۔
صارفین کو ہدایت کی گئی ہے کہ وہ فوری طور پر اپنا جی میل پاس ورڈ تبدیل کریں اور ٹو فیکٹر آتھنٹیکیشن فعال کریں تاکہ کسی بھی غیر مجاز رسائی کو روکا جا سکے۔
یہ بھی پڑھیں: جی میل میں اب لمبی ای میلز پڑھنا نہایت آسان، مگر کیسے؟
گوگل کے مطابق ٹو اسٹیپ ویری فکیشن اکاؤنٹس کے تحفظ میں اضافی دیوار کا کام کرتی ہے اور اس سے چوری شدہ پاس ورڈ کے باوجود ہیکرز کو داخل ہونا مشکل ہو جاتا ہے۔
ہیَو آئی بین پاؤنڈ ویب سائٹ اب تک 917 ویب سائٹس اور 15 ارب سے زائد متاثرہ اکاؤنٹس کا سراغ لگا چکی ہے۔ صارفین اپنی ای میل درج کر کے جانچ سکتے ہیں کہ آیا ان کا اکاؤنٹ بھی متاثرہ فہرست میں شامل ہے یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
gmail we news پاسپورڈ جی میل سائبر کرائم ہیکرز وارننگ.ذریعہ: WE News
کلیدی لفظ: پاسپورڈ جی میل ہیکرز وارننگ جی میل
پڑھیں:
ملک کے مختلف علاقوں میں شدید دھند، فضا بھی آلودہ
ملک کے مختلف علاقوں میں شدید دھند، حد نگاہ متاثر ہونے پر موٹروے ایم ون رشکئی سے پشاور، ایم ٹو ہرن مینار سے ٹھوکرنیاز بیگ، ایم تھری فیض پور سے رجانہ، ایم فائیو ملتان سے ظاہر پیر اور روہڑی سے رحیم یار خان تک بند کردیا گیا۔
لاہور سیالکوٹ موٹروے مین ٹول پلازہ سے سمبڑیال تک بند کی گئی ہے، موٹروے پولیس نے غیر ضروری سفر نہ کرنے کی ہدایت کی ہے۔
دوسری جانب ملک کے مختلف شہروں کی فضا انتہائی آلودہ ہے، فیصل آباد 574 ایئر پارٹیکولیٹ میٹر کے ساتھ ملک کا آلودہ ترین شہر ہے۔
عالمی ماحولیاتی ویب سائٹ کے مطابق ، لاہور 310 ایئر انڈیکس کے ساتھ دنیا کے بڑے آلودہ ترین شہروں میں دوسرے نمبر پر ہے۔
گوجرانوالہ کا اے کیو آئی 322 ریکارڈ، محکمہ ماحولیات پنجاب کی ویب سائٹ کے مطابق حافظ آباد کا اے کیو آئی 380 ، مظفرگڑھ کا 372 ریکارڈ کیا گیا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر