واٹس ایپ ہیک ہونے پر صارفین کیا کریں؟ سائبر کرائم ایجنسی نے اہم ہدایات جاری کردیں
اشاعت کی تاریخ: 14th, December 2025 GMT
نیشنل سائبر کرائم انویسٹی گیشن ایجنسی نے واٹس ایپ صارفین کو خبردار کرتے ہوئے کہا ہے کہ اگر اکاؤنٹ تک رسائی ختم ہو جائے یا شبہ ہو کہ کوئی اور واٹس ایپ استعمال کر رہا ہے تو فوری طور پر اکاؤنٹ دوبارہ رجسٹر کیا جائے۔
یہ بھی پڑھیں: پاکستان میں واٹس ایپ ہیکنگ سمیت سائبر جرائم میں 35 فیصد اضافہ
این سی سی آئی اے کی جانب سے جاری ایڈوائزری میں بتایا گیا ہے کہ ہیکنگ کی صورت میں سب سے پہلے واٹس ایپ ان انسٹال کریں اور دوبارہ انسٹال کرکے اپنا فون نمبر درج کریں، جس پر ایس ایم ایس کے ذریعے 6 ہندسوں پر مشتمل کوڈ موصول ہوگا، یہ کوڈ فوری طور پر درج کریں۔
ایجنسی کے مطابق کوڈ درج کرتے ہی واٹس ایپ ہیکر کے موبائل سے خود بخود لاگ آؤٹ ہو جائے گا کیونکہ ایک وقت میں واٹس ایپ صرف ایک موبائل پر ہی فعال رہ سکتا ہے۔
یہ بھی پڑھیں: واٹس ایپ ہیکنگ سے وائس کلوننگ تک، آن لائن فراڈ کے نت نئے طریقے
ایڈوائزری میں مزید کہا گیا ہے کہ اگر ہیکر نے ٹو اسٹیپ ویری فکیشن آن کر رکھی ہو اور پن معلوم نہ ہو تو واٹس ایپ 7 دن انتظار کا کہہ سکتا ہے، تاہم اس صورت میں گھبرانے کی ضرورت نہیں۔
نیشنل سائبر کرائم انویسٹی گیشن ایجنسی کا کہنا ہے کہ ایس ایم ایس کوڈ درج ہونے کے بعد ہیکر کا کنٹرول ختم ہوجاتا ہے اور انتظار کے اس عرصے میں کوئی بھی اکاؤنٹ استعمال نہیں کرسکتا اور نہ ہی پیغامات پڑھ سکتا ہے۔
یہ بھی پڑھیں: واٹس ایپ صارفین کو نوسربازوں سے بچانے کے لیے میٹا کی منصوبہ بندی
صارفین کو ہدایت کی گئی ہے کہ مشکوک سرگرمی کی صورت میں فوری دی گئی ہدایات پر عمل کریں تاکہ ممکنہ نقصان سے بچا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news این سی سی آئی اے پاکستان نیشنل سائبر کرائم ایجنسی ہیکنگ واٹس ایپ.ذریعہ: WE News
کلیدی لفظ: این سی سی ا ئی اے پاکستان نیشنل سائبر کرائم ایجنسی ہیکنگ واٹس ایپ واٹس ایپ
پڑھیں:
بسنت کے لیے پتنگ سازوں کی رجسٹریشن فیس مقرر، انتظامیہ کی ہدایات جاری
لاہور میں بسنت کی تقریبات کے سلسلے میں ضلعی انتظامیہ نے پتنگ سازوں اور ڈور بنانے والوں کی رجسٹریشن فیس طے کر دی ہے۔ حکام کے مطابق ہر پتنگ ساز اور ڈور مینوفیکچرر کو رجسٹریشن کے لیے ایک ہزار روپے فیس ادا کرنا ہوگی۔
اضافی طور پر، کائٹ فلائنگ ایسوسی ایشن کے لیے پانچ ہزار روپے فیس مقرر کی گئی ہے۔ ضلعی انتظامیہ نے کہا ہے کہ پتنگ ساز اور ڈور مینوفیکچررز رجسٹریشن کے لیے فارم اے، جبکہ کائٹ ایسوسی ایشن کے لیے فارم سی بھرنے ہوں گے۔
پنجاب حکومت نے بسنت منانے کے لیے 6 سے 8 فروری تک مشروط اجازت دی ہے، اور ضلعی انتظامیہ اس دوران شہریوں کی حفاظت اور روایتی سرگرمیوں کے نظم و ضبط کو یقینی بنانے کے لیے اقدامات کر رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر