بولیویا‘ سابق صدر کو مسلسل حراست میں رکھنے کے احکامات جاری
اشاعت کی تاریخ: 14th, December 2025 GMT
data-id="863a0a8" data-element_type="widget" data-widget_type="theme-post-content.default">
بولیویا‘ سابق صدر کو مسلسل حراست میں رکھنے کے احکامات جاری
لاپاز: سابق صدر کو بدعنوانی کے ایک مقدمے میں سماعت سے قبل مسلسل زیرحراست رکھنے کے احکامات جاری کردیے گئے ہیں۔
عالمی میڈیا کے مطابق بولیویا کی ملکی عدالت نے سابق صدر لوئس آرثے کو مذکورہ مقدمے کی سماعت سے قبل 5 ماہ کے لیے حراست میں رکھنے کا حکم صادر کردیے ہیں۔ رپورٹ کے مطابق استغاثہ کی جانب سے ایک رٹ دائر کی تھی کہ عدالتی کارروائی مکمل ہونے تک لوئس آرثے کو حراست میں رکھا جائے۔ درخواست میں استغاثہ نے اس بات کا بھی خدشہ ظاہر کیا تھا کہ سابق صدر کی جانب سے فرار ہونے یا تفتیش میں رکاوٹ ڈالنے کا اندیشہ موجود ہے۔
حکام کے مطابق جج ایلمر لورا نے لوئس آرثے کو اختیارات کے ناجائز استعمال اور خزانے کو مالی نقصان پہنچانے کے الزامات میں ابتدائی طور پر قصوروار قرار دیا۔ادھر دوسری طرف دفاع نے موقف اختیار کیا کہ لوئس آرثے کینسر کے مرض میں مبتلا ہیں اور اپنی ضعیف والدہ کی دیکھ بھال کے باعث انہیں ضمانت پر رہا کیا جائے۔ واضح رہے کہ عدالتی حکم کے مطابق سابق صدر کو دارالحکومت لاپاز کی جیل میں رکھا جائے گا۔
ذریعہ
ذریعہ: Jasarat News
کلیدی لفظ: سابق صدر کو لوئس آرثے کے مطابق
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار