بہادر شاہینوں نے بھارت کا غرور خاک میں ملا دیا، احسن اقبال
اشاعت کی تاریخ: 8th, May 2025 GMT
احسن اقبال(فائل فوٹو)۔
وفاقی وزیر منصوبہ بندی احسن اقبال نے کہا ہے کہ پاکستان کو سیکیوٹی صورتحال کا سامنا ہے، بہادر شاہینوں نے بھارت کا غرور خاک میں ملا دیا ہے، شاہینوں نے 5 بھارتی جہاز گرادیے، اب سوگ میں بھارت کو پائلٹ نہیں مل رہے ہیں۔
اسلام آباد میں پریس کانفرنس کرتے ہوئے احسن اقبال نے کہا کہ ترقیاتی بجٹ میں ایسے منصوبوں کو ترجیح دے رہے ہیں جن سے روزگار بڑھے، ایسے ترقیاتی منصوبے لا رہے ہیں جن سے 1 لاکھ 20 ہزار روزگار پیدا ہوں گے۔
انہوں نے کہا کہ ترقیاتی منصوبے اب عالمی شراکت داروں نہیں پاکستان کی ترجیح کے مطابق ہوں گے، صوبے اب وفاق سے زیادہ امیر ہیں، 60 فیصد وسائل صوبوں کے پاس ہیں۔
احسن اقبال نے کہا کہ بھاشا ڈیم کی لاگت 480 ارب سے بڑھ کر 1500 ارب روپے تک پہنچ چکی ہے، داسو پن بجلی منصوبے کی لاگت 500 سے بڑھ کر 1700 ارب روپے ہوگئی۔
انھوں نے کہا نیلم جہلم پن بجلی منصوبے میں بہت بے قاعدگیاں ہوئیں۔ نیلم جہلم پن بجلی منصوبہ جلد بازی میں شروع کیا گیا، منصوبے میں خرابی سے متعلق عالمی ماہرین کی رپورٹ کا انتطارہے۔
احسن اقبال نے کہا میری نظر میں چیئرمین واپڈا سویلین ہونا چاہیے، میری نظر میں تو چیئرمین واپڈا ہائیڈرالوجی ایکسپرٹ ہونا چاہیے۔
وفاقی وزیر منصوبہ بندی نے کہا وفاقی بجٹ 2 جون کو پیش ہوگا، قومی اقتصادی کونسل کا اجلاس26 یا 27 مئی کومتوقع ہے۔ پی ایس ڈی پی کے 200 کے قریب سست رفتارمنصوبے ختم کر دیں گے۔
.ذریعہ: Jang News
پڑھیں:
بی آرٹی ریڈ لائن منصوبے پر کام مکمل طور پر روک دیا گیا
data-id="863a0a8" data-element_type="widget" data-widget_type="theme-post-content.default">
250920-01-3
کراچی (رپورٹ:منیر عقیل انصاری)3سال سے ،یونیورسٹی روڈ پر زیر تعمیر بس ریپڈ ٹرانسپورٹ (بی آر ٹی) ریڈ لائن منصوبے پر کام مکمل طور پر روک دیا گیا ہے، منصوبے میں بڑے پیمانے پر بے ضابطگیوں پر ایشیائی ترقیاتی بینک اور دیگر انٹر نیشنل ڈونر نے فنڈ روکنے کا فیصلہ کیا ہے ذرائع کے مطابق فنڈز میں مالی بے ضابطگیوں اور بندر بانٹ کے باعث منصوبے کی شفافیت پر سوال آٹھ گئے ہیں جس کے بعد ڈونر نے مزید رقم فراہم کرنے سے انکار کردیا ہے۔سند ھ حکومت کی جانب سے ریڈ لائن منصوبے پر تعمیراتی کام بند ہونے کی وجوہات کو کراچی کی عوام سے پوشیدہ رکھی جارہی ہیں جبکہ عوام کو اصل صورتحال سے لاعلم رکھا جارہا ہے، ذرائع کا کہنا ہے کہ عوام کو حقیقت بتانے کے بجائے یہ تاثر دیا جارہا ہے کہ منصوبہ محض عارضی طور پر روک دیا گیا ہے۔ منصوبہ مکمل نہ ہوا تو شہری مزید مشکلات کا شکار ہوں گے اور اگر فنڈز بحال نہ ہوئے تو منصوبے کی تکمیل ناممکن ہوجائے گی ،جس سے شہریوں کو مزید مشکلات کا سامنا کرنا پڑے گا، باوثوق زرائع کے مطابق شہر کے اس بڑے اور اہم منصوبے کی تکمیل کے لیے بین الاقوامی فنڈنگ ایجنسی نے منصوبہ کے لئے رقم پیشگی فراہم کردی تھی تاکہ تعمیراتی کام بروقت اور شفاف انداز میں مکمل ہوسکے، مگر تین سال سے زاید عرصہ گزرنے کے باوجود منصوبہ تاحال نامکمل ہے اور عوام کو سفری سہولیات میسر نہیں آسکے ہیں۔ذرائع کے مطابق، خطیر فنڈز جو کہ منصوبے کی بروقت تکمیل کے لیے مختص کیے گئے تھے، بدانتظامی اور بندر بانٹ کی نذر ہوگیا ہے۔ اس بدعنوانی کے باعث نہ صرف منصوبے میں غیر معمولی تاخیر ہوئی بلکہ اس سے وابستہ امیدیں بھی دم توڑتی جارہی ہیں۔ذرائع کے مطابق یہ منصوبہ مکمل طور پر بین الاقوامی فنڈڈ فنڈڈ ہے اور سندھ حکومت نے کسی قسم کی مالی معاونت فراہم نہیں کی۔ ایک غیر ملکی ڈونر ایجنسی نے خطیر رقم قرض کی صورت میں دی تھی تاکہ کراچی کے شہریوں کو سفری سہولت فراہم کی جاسکے۔دوسری جانب میئر کراچی نے ریڈ لائن منصوبہ 2035 تک مکمل نہ ہونے کا خدشہ ظاہر کیا ہے۔ ریڈ لائن منصوبے کے باعث شہر کی مصروف شاہراہوں یونیورسٹی روڈ سکڑ کر سروس روڈ بنی ہوئی ہے اور صبح و شام کے وقت یہاں ٹریفک جام معمول بن گیا ہے۔ شہر کے سب سے مصروف یونیورسٹی روڈ پر تعمیراتی کام روکنے کی وجہ سے شہریوں کی زندگی اجیرن بنا دی ہے۔ ٹریفک جام معمول بن گیا ہے اور متبادل راستے ہیوی ٹریفک اور واٹر ہائیڈرنٹس کی وجہ سے بار بار ٹوٹ پھوٹ کا شکار رہتے ہیں۔شہری حلقوں کا کہنا ہے کہ اس منصوبے میں ہونے والی تاخیر سے ٹریفک مسائل ماحولیاتی دباؤ اور شہری سہولتوں کی کمی میں مزید اضافہ ہوا ہے۔واضح رہے کہ عالمی اداروں کی معاونت سے شروع ہونے والے اس منصوبے کے لیے فنڈز 2018 میں منظور ہوئے، لاگت ابتدائی طور پر 50 کروڑ ڈالر رکھی گئی تھی تاخیر سے منصوبے کی لاگت 103 ارب تک پہنچ گئی ہے۔تعمیراتی کام 2022 میں شروع ہوا اور ڈیڈلائن 2025 دی گئی تھی، مگر اب اس منصوبے پر کام مکمل طور پر روک دیا گیا ہے۔اس حوالے سے موقف جاننے کے لیے جسارت نے ٹرانس کراچی کے جنرل منیجر برائے منصوبہ بندی، انفرااسٹرکچر اور ترجمان سے متعدد بار رابط کرنے کی کوشش کی تاہم ان سے رابط نہیں ہوسکا ہے۔
شنگھائی: صدر مملکت آصف زرداری سے چائنا افریقہ چیمبر آف کامرس اینڈ انڈسٹری کی نائب صدر ملاقات کررہی ہیں