اب مسئلہ کشمیر کو بھی حل کرنے کا وقت ہے: اسد عمر
اشاعت کی تاریخ: 13th, May 2025 GMT
سابق وفاقی وزیرِ خزانہ اسد عمر—فائل فوٹو
پی ٹی آئی کے سابق رہنما اسد عمر نے کہا ہے کہ جب قوم متحد ہو جاتی ہے تو ہم کسی سے بھی مقابلہ کر سکتے ہیں، اب مسئلہ کشمیر کو بھی حل کرنے کا وقت ہے۔
سابق وفاقی وزیرِ خزانہ اسد عمر نے انسداد دہشت گردی عدالت لاہور کے باہر میڈیا سے گفتگو کرتے ہوئے کہا کہ پاکستان ایک بار پھر سرخرو ہوا ہے۔
اسد عمر کا کہنا تھا کہ نئے میثاق جمہوریت کی ضرورت ہے، پارلیمنٹ آج جتنی بے توقیر ہے شاید ہی کبھی ماضی میں رہی ہو۔
اسد عمر نے کہا ہے کہ اب ہم کو بڑے فیصلے کرنے کی ضرورت ہے تاکہ پاکستان ترقی کرے۔
انہوں نے کہا ہے کہ تمام سیاست دانوں کو مل بیٹھنے کی ضرورت ہے۔
.ذریعہ: Jang News
پڑھیں:
ہیلتھ انڈومنٹ فنڈ کا مسئلہ حل کرینگے، گلبر خان
وزیر اعلیٰ گلگت بلتستان نے ایوان میں خطاب کرتے ہوئے کہا کہ اپوزیشن والے چیف سیکرٹری کے دفتر تو جاتے ہیں لیکن میرے پاس نہیں آتے۔ اپوزیشن سے سو اختلاف ہو سکتا ہے لیکن میرے دفتر کے دروازے ان کیلئے ہمیشہ کھلے ہیں۔ اسلام ٹائمز۔ وزیر اعلیٰ گلگت بلتستان حاجی گلبر خان نے کہا ہے کہ ہیلتھ انڈومنٹ فنڈ کا مسئلہ انتہائی اہم ہے، اس مسئلے کو حل کرنے کی بھرپور کوشش کرینگے۔ اسمبلی اجلاس کے دوران مختلف ممبران کے سوالوں کے جواب دیتے ہوئے انہوں نے کہا کہ پچھلے سال ہیلتھ انڈومنٹ فنڈ کیلئے 1 ارب روپے مختص کیا تھا جس سے 22 کروڑ روپے منافع ملتے تھے لیکن شرح سود کم ہونے اب صرف 12 کروڑ روپے ملتے ہیں۔ حالیہ بجٹ میں ہم نے 50 کروڑ روپے مختص کیا تھا، کابینہ نے فیصلہ کیا کہ اس پیسے سے کم از کم چھ ماہ تک اس کو چلائیں گے، مین نے سیکرٹریز کے ساتھ میٹنگ بھی کی جس میں چیف سیکرٹری نے بتایا کہ پہلے ہسپتالوں کے بقایا جات کا مسئلہ حل کرینگے۔ انہوں نے کہا کہ یہ پیسہ کم پڑ گیا تو ہم کہیں اور سے بھی بندوبست کرینگے۔ وزیر اعلیٰ نے کہا کہ اپوزیشن اراکین کیلئے میرے دفتر کے دروازے کھلے ہیں، بعض مسئلے ایسے ہوتے ہیں جن کو ایوان میں پیش کرنے سے حل ہو سکتے ہیں، بعض مسائل کیلئے میرے دفتر آنا ہوتا ہے۔ اپوزیشن والے چیف سیکرٹری کے دفتر تو جاتے ہیں لیکن میرے پاس نہیں آتے۔ اپوزیشن سے سو اختلاف ہو سکتا ہے لیکن میرے دفتر کے دروازے ان کیلئے ہمیشہ کھلے ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی