احد رضا میر اور سجل علی کی طلاق کیوں ہوئی؟ آصف رضا میر نے خاموشی توڑ دی
اشاعت کی تاریخ: 19th, May 2025 GMT
آصف رضا میر نے سابقہ بہو اور اداکارہ سجل علی اور احد رضا میر کے حوالے سے خاموشی توڑ دی۔ ان کا کہنا تھا کہ جوڑے کی طلاق پر مداحوں نے کہا ایسا کیوں ہوا ہے کیونکہ وہ نہیں چاہتے تھے کہ یہ طلاق ہو۔
اداکار آصف رضا میر نے حال ہی میں ایک پوڈ کاسٹ میں شرکت کی جہاں انہوں نے مختلف موضوعات پر کھل کر بات کی۔
انہوں نے کہا کہ طلاق کی وجہ کچھ بھی ہو سکتی ہے کیونکہ ہم انسان ہیں اور انسانوں کے رشتے بنتے اور ٹوٹتے ہیں اس کا یہ مطلب نہیں ہے کہ آپ کی زندگی رک جاتی ہے اور آپ کچھ اور نہیں کریں گے۔ زندگی میں آگے بڑھنا سیکھنا چاہیے۔ ان کا کہنا تھا کہ پرانے زخموں کو دوبارہ نہ چھیڑا جائے بلکہ انہیں مندمل ہونے دیا جائے اور ہم سب نے یہی کیا ہے۔
اداکار نے بتایا کہ وہ جلد ہی ایک پراجیکٹ ’میں منٹو نہیں ہوں‘ میں اداکارہ سجل علی کے والد کا کردار ادا کرتے نظر آئیں گے، ان کا کہنا تھا کہ جیسے ہی اس کاسٹ کا اعلان ہوا سوشل میڈیا پر باتیں شروع ہوگئیں کہ سجل تو میری سابقہ بہو ہیں۔
آصف رضا میر نے کہا کہ سجل اور میں نے فیصلہ کیا کہ ہم پروفیشنل آرٹسٹ ہیں، رشتے ختم ہو سکتے ہیں، مگر احترام باقی رہنا چاہیے۔ دونوں نے پیشہ ور فنکار کے طور پر اس منصوبے پر مل کر کام کرنے کا فیصلہ کیا کیونکہ گزرے ہوئے وقت پر افسوس کرنے کا کوئی فائدہ نہیں۔
آصف رضا میر نے بتایا کہ وہ جانتے ہیں کہ لوگ سابقہ تعلقات پر بات کرتے ہیں۔ انہوں نے ہم ٹی وی کی بیسویں سالگرہ کے حوالے سے منعقد ہونے والی پر وقار تقریب میں احد اور سجل کو ایک ساتھ دیکھے جانے پر بھی تبصرہ کیا۔ ان کا کہنا تھا کہ ان کا خاندان اتنا سمجھدار ہے کہ ایسی باتوں پر توجہ نہیں دیتا اور نہ ہی یہ چیزیں انہیں پریشان کرتی ہیں۔
واضح رہے کہ احد رضا میر اور سجل علی نے مارچ 2020 میں شادی کی تھی، تاہم مارچ 2022 میں ان کے درمیان طلاق کی خبریں سامنے آئیں۔ تاہم دونوں نے خود طلاق کی خبروں پر تین سال گزر جانے کے باوجود کوئی بات نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احد رضا میر سجل علی سجل علی طلاق.ذریعہ: WE News
کلیدی لفظ: سجل علی سجل علی طلاق ان کا کہنا تھا کہ طلاق کی سجل علی
پڑھیں:
صدر ٹرمپ نے نیویارک کے ممکنہ میئر زہران ممدانی کو دھمکی کیوں دی؟
امریکی صدر ڈونلڈ ٹرمپ نے دھمکی دی ہے کہ اگر نیویارک کی میئر شپ کے ڈیموکریٹ امیدوار زہران ممدانی کامیاب ہوئے اور انہوں نے درست رویہ اختیار نہ کیا تو وہ نیویارک سٹی کے لیے وفاقی فنڈز روک دیں گے۔
صدر ٹرمپ، جو خود نیویارک کے رہائشی رہ چکے ہیں، نے فاکس نیوز سے گفتگو میں کہا کہ اگر ممدانی جیت گیا تو بہتر ہے کہ وہ صحیح کام کرے، ورنہ نیویارک کو وفاقی فنڈز نہیں ملیں گے۔ وہ ایک کمیونسٹ ہے، اور میرے خیال میں یہ نیویارک کے لیے بہت بُرا ہو گا۔
33 سالہ زہران ممدانی، جو خود کو ڈیموکریٹک سوشلسٹ کہتے ہیں، نے حال ہی میں سابق گورنر اینڈریو کومو کو ڈیموکریٹک پرائمری میں شکست دے کر امریکی سیاسی حلقوں کو حیران کر دیا ہے۔
مزید پڑھیں: ممدانی کا راستہ روکنے کے لیے ایرک ایڈمز میدان میں آگئے، دوبارہ الیکشن لڑنے کا اعلان
صدر ٹرمپ کے الزام پر ردعمل دیتے ہوئے ممدانی نے NBC سے بات چیت میں کہا کہ میں کمیونسٹ نہیں ہوں۔ صدر ٹرمپ اپنی ناکامیوں سے توجہ ہٹانے کی کوشش کر رہے ہیں۔ میں ان لوگوں کے لیے لڑ رہا ہوں جن کے نام پر انہوں نے انتخابی مہم چلائی، لیکن بعد میں انہیں دھوکا دیا۔
اگر نومبر 2025 میں ہونے والے انتخابات میں ممدانی کامیاب ہو جاتے ہیں، تو وہ نیویارک شہر کے پہلے جنوبی ایشیائی نژاد اور پہلے مسلمان میئر ہوں گے۔ انہوں نے اپنی انتخابی مہم میں خود کو ترقی پسند مسلم تارکِ وطن قرار دیا اور اعلان کیا کہ وہ ڈونلڈ ٹرمپ کا بدترین خواب ثابت ہوں گے۔
ممدانی نے غزہ میں اسرائیلی جارحیت کی شدید مخالفت کی ہے، جو ان کے بقول پارٹی کی روایتی پالیسی سے مختلف مؤقف ہے۔ اس موقف پر انہیں بعض حلقوں سے یہود مخالف قرار دیا گیا ہے، تاہم انہوں نے ان الزامات کو سختی سے مسترد کیا ہے۔
مزید پڑھیں: کراچی کی مقامی عدالت میں امریکی صدر ڈونلڈ ٹرمپ کے خلاف درخواست دائر
حال ہی میں ایک پوڈکاسٹ میں ممدانی نے عالمی سطح پر انتفاضہ جیسے نعرے کی مذمت سے گریز کیا، جسے بعض یہودی حلقے نفرت انگیز اور تشدد پر اکسانے والا قرار دیتے ہیں۔ تاہم ممدانی کا کہنا تھا کہ یہ الفاظ میری زبان کا حصہ نہیں، لیکن میں دوسروں کے الفاظ پر پابندی لگانے کا حامی نہیں۔ ٹرمپ نے پہلے ہی فلسطینی حامیوں کو ان کی باتوں پر نشانہ بنایا ہے۔ ہمیں اصل تعصب کو ختم کرنا ہے، اور وہ عمل سے ہوگا۔
اپنی فتح کی تقریر میں ممدانی نے کہا کہ وہ ٹرمپ کی فسطائیت کو مسترد کرتے ہیں اور نیویارک کو ایک ترقی پسند، جامع، اور عوام دوست شہر بنائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
NBC اسرائیلی جارحیت امریکا ڈونلڈ ٹرمپ ڈٰیموکریٹ زہران ممدانی غزہ میئر شپ نیویارک
سانحہ سوات: بروقت مدد ملتی تو قیمتی جانیں بچ سکتی تھیں: مریم نواز