رحیم یار خان میں بس اور ٹرک میں تصادم، 4 افراد جاں بحق، 11 زخمی
اشاعت کی تاریخ: 21st, May 2025 GMT
رحیم یار خان کے علاقے اقبال آباد کے قریب بس اور ٹرک میں تصادم کے نتیجے میں 4 افراد جاں بحق جبکہ 11 زخمی ہوگئے ہیں۔
حادثہ سکھر-ملتان موٹروے ایم 5 پر بس کی ٹرک کو ٹکر مارنے کے بعد پیش آیا۔ عینی شاہدین کے مطابق حادثہ ڈرائیور کو نیند آنے کی وجہ سے پیش آیا۔
یہ بھی پڑھیے: جام شورو: مسافر بس کو المناک حادثہ، 16 جاں بحق، 30 زخمی
حادثے کے بعد ریسکیو اہلکاروں نے امدادی کارروائی کا آغاز کرکے زخمیوں کو شیخ زید اسپتال رحیم یار خان منتقل کیا گیا ہے۔
حادثے کا شکار ہونے والی بس کراچی سے ملتان جارہی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بس ترک حادثہ موٹروے.ذریعہ: WE News
کلیدی لفظ: موٹروے
پڑھیں:
زخمی شخص نے بغدادی میں عمارت گرنے کے واقعے کا آنکھوں دیکھا حال بتادیا
کراچی کے علاقے لیاری بغدادی میں گزشتہ روز منہدم ہونے والی عمارت کے متاثرہ شخص نے عمارت گرنے کے واقعے کا آنکھوں دیکھا حال بتا دیا۔
شہید محترمہ بےنظیر بھٹو انسٹی ٹیوٹ آف ٹراما میں زخمی یوسف نے میڈیا سے گفتگو کرتے ہوئے بتایا کہ عمارت خالی کرنے کے 2 نوٹس پہلے ہی دیے جا چکے تھے۔
متاثرہ شخص کا کہنا تھا کہ حادثے سے پہلے عمارت میں دو بار لرزش محسوس ہوئی، حادثے کے وقت چوتھی منزل پر موجود تھا، خالہ کے ساتھ سیڑھیاں اتر رہا تھا کہ ملبہ سر پر گرا۔
اسپتال انتظامیہ کے مطابق حادثے کے 3 زخمی زیرِ علاج ہیں۔
واضح رہے کہ کراچی کے علاقے لیاری بغدادی میں گزشتہ روز منہدم ہونے والی عمارت کے ملبے سے 16 افراد کی لاشیں نکال لی گئی ہیں۔
ریسکیو ذرائع کے مطابق 5 منزلہ عمارت کے ملبے میں 6 سے 7 افراد کے دبے ہونے کی اطلاع ہے۔ 20 گھنٹے سے امدادی کارروائیاں جاری ہیں اور اس میں مزید 8 گھنٹے لگ سکتے ہیں۔
جاں بحق ہونے والوں میں خواتین اور بچے بھی شامل ہیں۔ متاثرہ عمارت کے اطراف میں موجود دیگرعمارتوں کو بھی خالی کرا کر پولیس کی نفری نے علاقے کو گھیرے میں لے لیا ہے۔
مالی سال کے آغاز پر اسٹاک مارکیٹ ایک لاکھ 28 ہزار کی نئی حد عبور کر گئی، وزیراعظم کا اظہار اطمینان