پنجاب: آندھی اور بارش سے 221 حادثات، 12 افراد جاں بحق
اشاعت کی تاریخ: 25th, May 2025 GMT
— فائل فوٹو
پنجاب میں گزشتہ روز آندھی اور بارش سے 221 حادثات میں 12 افراد جاں بحق ہوئے۔
پنجاب ایمرجنسی سروسز ڈیپارٹمنٹ نے رپورٹ جاری کردی جس کے مطابق صوبے بھر میں مختلف حادثات میں مجموعی طور پر 153 افراد زخمی ہوئے، دیواریں اور چھتیں گرنے کے 61، آگ لگنے کے 96 جبکہ آسمانی بجلی گرنے کے 4 اور ٹریفک کے 2 واقعات رپورٹ ہوئے۔
پنجاب کے مختلف شہروں میں آندھی اور طوفان کے باعث مختلف حادثات میں 10 افراد جاں بحق، 51 زخمی ہو گئے۔
رپورٹ میں بتایا گیا ہے کہ الیکٹرک پولز، سولر سسٹم، درخت گرنے اور سائن بورڈ گرنے کے 40 واقعات جبکہ تیز ہواؤں کے باعث اونچائی سے گرنے کے 7 واقعات رپورٹ ہوئے۔
رپورٹ کے مطابق 43 افراد کو طبی امداد دی گئی اور 98 افراد کو اسپتالوں میں منتقل کیا گیا۔
مریم نواز کا قیمتی انسانی جانوں کے ضیاع پر اظہارِ افسوسوزیراعلیٰ پنجاب مریم نواز نے آندھی اور بارش کے سبب مختلف حادثات میں قیمتی انسانی جانوں کے ضیاع پر افسوس کا اظہار کیا اور سوگوار خاندانوں سے اظہارِ ہمدردی وتعزیت کرتے ہوئے کہا کہ حکومت غم کی اس گھڑی میں متاثرہ خاندانوں کے ساتھ ہے۔
انہوں نے زخمی افراد کو فوری اور بہترین طبی امداد فراہم کرنے کی ہدایت دی اور ریسکیو 1122، پی ڈی ایم اے اور ضلعی انتظامیہ کو امدادی سرگرمیاں تیز کرنے کی ہدایت کی اور پی ڈی ایم اے کو نقصانات کی تفصیلی رپورٹ پیش کرنے کا حکم دیا۔
.ذریعہ: Jang News
کلیدی لفظ: حادثات میں گرنے کے
پڑھیں:
پنجاب میں مون سون بارشوں سے تباہی ، 39 افراد جاں بحق
لاہور(نیوز ڈیسک) پنجاب میں رواں سال مون سون بارشوں 39 افراد جاں بحق ہوگئے ، زیادہ اموات کچے مکانات، خستہ عمارتوں و چھتوں کے گرنے کے باعث ہوئیں۔
تفصیلات کے مطابق پی ڈی ایم اے نے رواں سال مون سون بارشوں سے نقصانات کی فیکٹ شیٹ جاری کردیْ
جس میں بتایا پنجاب میں رواں سال مون سون بارشوں سےاب تک 39افرادجاں بحق ہوئے ، جاں بحق افراد میں 20 اور بچے 5 خواتین بھی شامل ہیں۔
فیکٹ شیٹ میں کہنا تھا کہ بارشوں کے دوران مختلف حادثات میں 103 شہری زخمی اور 47گھرمتاثرہوئے۔
پی ٹی ایم اے نے کہا کہ زیادہ اموات کچے مکانات،خستہ عمارتوں و چھتوں کے گرنے کے باعث ہوئیں۔
آسمانی بجلی گرنے سے 3 افرادجاں بحق ہوئے،کرنٹ لگنے سے 8 افرادجان سےگئے جبکہ نہاتے ہوئے ڈوبنے سے 8 اموات رپورٹ ہوئیں تاہم سوگوار خاندانوں کی مالی معاونت کی جائے گی۔
ڈی جی پی ٹی ایم اے عرفان علی کاٹھیا نے کہا کہ مون سون بارشوں کا تیسرا سلسلہ آج سے 17 تک جاری رہے گا اور بارشوں سےلاہور، سیالکوٹ،فیصل آباد اور گوجرانولہ میں اربن فلڈنگ کا خدشہ ہے۔
عرفان علی کاٹھیا نے بتایا کہ پنجاب کے بیشتر دریاؤں اور بیراجزپر پانی کا بہاؤ نارمل سطح پر ہے، دریائے سندھ میں چشمہ کے مقام پر درمیانے درجے کا سیلاب ،تربیلا ،کالاباغ اور تونسہ کے مقام پر نچلے درجے کی سیلابی صورتحال ہے ۔ ہنگامی صورتحال میں پی ڈی ایم اے ہیلپ لائن 1129 پر کال کریں۔
Post Views: 4
فوجی اخراجات اور امیگریشن اداروں کے بجٹ میں اضافہ،ٹرمپ نے بگ بیوٹی فل بل پر دستخط کر دیئے