ثقافتی تبادلے کی لہر پر سوار پاکستانی طلبہ چین کی روایتی ڈریگن بوٹ کی بحالی میں پیش پیش
اشاعت کی تاریخ: 27th, May 2025 GMT
لاہور(ڈیلی پاکستان آن لائن)نان چھانگ(شِنہوا)دریائے گان کے اوپر صبح کی دھند چھائی ہوئی تھی جب 16 چپو ایک ساتھ پانی کو چیر رہے تھے۔ سوژو یونیورسٹی میں پاکستانی پی ایچ ڈی طالب علم عبدالسمیع ڈھول کی تھاپ پر ’’ہے ہے ہے‘‘ کے نعرے لگاتے ہوئے 800 میٹر دوڑ میں دنیا بھر کی ٹیموں کے خلاف اپنی ٹیم کی رہنمائی کر رہے تھے۔چین کے ڈریگن بوٹ فیسٹیول کے موافق منعقد ہونے والے 2025 نان چھانگ انٹرنیشنل ڈریگن بوٹ مقابلے میں دنیا کے مختلف ممالک سے 50 ٹیموں کے ایک ہزار 500 کھلاڑی شریک ہوئے۔ 2023 میں چین آنے والے عبدالسمیع دوسری مرتبہ نان چھانگ مقابلے میں شریک ہوئے۔
سمیع نے اپنے ہاتھوں پر تربیت کے دوران پڑنے والے نشان دکھاتے ہوئے کہا کہ میں یہاں آنے سے پہلے اس روایت کے بارے میں کچھ نہیں جانتا تھا۔ اب میں جانتا ہوں کہ یہ تقریب قدیم چینی شاعر چو یوآن کی یاد میں منائی جاتی ہے۔ان کا یہ سفر 2023 میں سوژو یونیورسٹی کی تعارفی تقریب کے دوران شروع ہوا جب انہوں نے "بین الاقوامی چپو بازوں" کی بھرتی کا ایک پوسٹر دیکھا۔ ہمیشہ سے کھیلوں کے شوقین ہونے کی وجہ سے انہوں نے یونیورسٹی کی ڈریگن بوٹ ٹیم میں شمولیت اختیار کرلی۔ جسمانی تربیت کے ساتھ ساتھ انہوں نے شاعر چو یوآن کی کہانی بھی جاننا شروع کی جو چھو بادشاہت کے دور میں احتجاجاً دریا میں کود گیا تھا۔
چائنہ سپورٹس گروپ کے کوچ لی شِن نے کہا کہ ڈریگن بوٹ دوڑ صرف چپو چلانے کا کھیل نہیں ہے۔ جب بین الاقوامی طلبہ اپنے ساتھیوں کو اس کی تاریخ کے بارے میں سکھاتے ہیں تو یہ حقیقی ثقافتی تبادلہ بن جاتا ہے۔سمیع کی لگن انہیں آنہوئی کے شہر ہوانگ شان کے پرسکون پانیوں سے ہیبے کی کانگ باؤ کاؤنٹی تک لے گئی جہاں ان کی ٹیم نے 2024 سے 2025 کے اوائل تک سیاہ ٹائل کی چھتوں والے سفید دیواروں والے گھروں کے ساتھ کشتی چلائی۔ انہوں نے منفی15 ڈگری سینٹی گریڈ کی سخت سردی میں برف پر ہونے والی آئس ڈریگن بوٹ ریس میں حصہ لیا اور جمی ہوئی جھیلوں پر خصوصی کشتیوں کو کھینچا۔
منتظمین نے مفت ساز و سامان اور کوچنگ فراہم کی۔ کوچ لی نے کہا کہ ہم یونیسکو کے تسلیم شدہ اس غیر مادی ثقافتی ورثے کو بانٹنے کے لئے پرعزم ہیں۔2009 میں ڈریگن بوٹ فیسٹول کو یونیسکو کی انسانیت کی غیر مادی ثقافتی ورثے کی نمائندہ فہرست میں شامل کیا گیا۔ یہ چین کا پہلا تہواربن گیا جسے عالمی ثقافتی پہچان ملی۔اس تہوار کی سب سے قدیم اور ثقافتی طور پر اہم روایات میں سے ایک ڈریگن بوٹ دوڑ مشترکہ کوشش، استقامت، امن، ترقی اور انصاف کے مشترکہ انسانی خواب پر مبنی ہے۔سمیع نے گھومتے ہوئے ریس کورس کو دیکھتے ہوئے کہا کہ ڈریگن بوٹنگ کی اصل روح ٹیم ورک ہے، اپنے ساتھیوں پر بھروسہ کرنا، ہم آہنگی سے چلنا اور تھکن کے باوجود کوشش کرنا۔ جب تماشائیوں کی خوشی کی آوازیں آپ کو گھیر لیتی ہیں اور آپ سب مل کر اختتامی لائن عبور کرتے ہیں تو وہ اجتماعی کامیابی ایک ایسی 'چینی یادگار' بن جاتی ہے جسے میں ہمیشہ سنبھال کر رکھوں گا۔
جو آج کامیابی کا کریڈٹ لینے کی کوشش کر رہے ہیں، وہی جنگ کو جعلی قرار دے رہے تھے: عظمٰی بخاری
مزید :.ذریعہ: Daily Pakistan
کلیدی لفظ: ڈریگن بوٹ انہوں نے کہا کہ
پڑھیں:
پنجاب پولیس میں اسسٹنٹ ڈائریکٹرز اور سپرنٹنڈنٹس کے تقرر و تبادلے، نوٹیفکیشن جاری
سٹی 42 : پنجاب پولیس میں اسسٹنٹ ڈائریکٹرز اور سپرنٹنڈنٹس کے تقرروتبادلے کردیے گئے ۔
34 اسسٹنٹ ڈائریکٹرز، 21سپرنٹنڈنٹس ،4اسسٹنٹس کے تقرروتبادلے ہوئے۔ ترقی پانیوالے 24اسسٹنٹ ڈائریکٹرز ،19سپرنٹنڈنٹس کی تعیناتیاں کی گئیں ۔
افسران کی مختلف برانچز ، یونٹس اور اضلاع میں تعیناتی کا نوٹیفکیشن جاری کردیا گیا ۔ جس کے مطابق اسسٹنٹ ڈائریکٹر محمدعاشق اور حافظ نوید اصغر سی سی پی او آفس لاہور تعینات، سپرنٹنڈنٹ مقصود عالم،مریم یوسف ،نیلما فاروق سی سی پی او آفس لاہور تعینات، اسسٹنٹ ڈائریکٹر کاشف علی سی سی ڈی ہیڈ کوارٹر لاہور تعینات، اسسٹنٹ ڈائریکٹر غلام مرتضی ٰپولیس قومی رضاکار ویلفیئربرانچ تعینات، جبکہ اسسٹنٹ ڈائریکٹر افتخار انور کو ایڈمن برانچ لاہور تعینات کردیا گیا ۔
مون سون : لاہور سمیت کئی شہروں میں بارش
نوٹیفکیشن کے مطابق اسسٹنٹ ڈائریکٹر احمد نوید ملک لاجسٹک برانچ پنجاب لاہور تعینات، اسسٹنٹ ڈائریکٹر عمران اعظم ،مہوش ضمیرسپیشل برانچ ہیڈ کوارٹر لاہور تعینات، اسسٹنٹ ڈائریکٹرز محمد افضال اکبراورمحمد طاہرسی سی ڈی ہیڈ کوارٹر تعینات، اسسٹنٹ ڈائریکٹرعدنان نوشیر اورکلثوم یوسف بھی سی سی ڈی ہیڈ کوارٹر تعینات، اسسٹنٹ ڈائریکٹر محمد اعجاز کو اسٹیبلشمنٹ ٹریفک ہیڈ کوارٹر پنجاب لاہور تعینات، جبکہ اسسٹنٹ ڈائریکٹر ظفر اقبال کو رجسٹرار ایگزیکٹوبرانچ 2تعینات کردیاگیا۔ اسکے علاوہ اسسٹنٹ ڈائریکٹرفاروق رضا ایلیٹ پولیس فورس ہیڈ کوارٹر لاہور تعینات، اسسٹنٹ ڈائریکٹرزاہد سرفراز کو ایس پی یو پنجاب لاہور تعینات کردیا گیا۔
بھارتی مسافرطیارہ کیسے گرا? ابتدائی رپورٹ سامنے آ گئی
اتحاد ٹائون میںایک شخص قتل ‘فائرنگ کی زد میںآکر دوسرازخمی