’’صحت مند خواتین، صحت مند معاشرہ‘‘ وزیراعلیٰ سندھ کا خواتین کی صحت کے عالمی دن پر خصوصی پیغام
اشاعت کی تاریخ: 28th, May 2025 GMT
وزیراعلیٰ سندھ سید مراد علی شاہ نے خواتین کی صحت کے عالمی دن کے موقع پر اپنے پیغام میں زور دے کر کہا کہ ’’صحت مند خاتون ہی صحت مند معاشرے کی تشکیل کر سکتی ہے‘‘۔
انہوں نے اس موقع پر صوبے بھر میں خواتین کی صحت کے لیے کیے جا رہے اقدامات کی تفصیلات بھی شیئر کیں۔
وزیراعلیٰ نے بتایا کہ حکومت سندھ نے خواتین کی صحت کے تحفظ اور بہتری کے لیے متعدد پروگرامز شروع کیے ہیں، جن میں سب سے اہم صوبے بھر میں چلایا جا رہا ’’زچہ و بچہ کی صحت کا پروگرام‘‘ ہے۔
انہوں نے کہا، ’’ہم نے خواتین کو بنیادی صحت کی سہولیات گھر تک پہنچانے کے لیے 23,185 لیڈی ہیلتھ ورکرز تعینات کی ہیں جو دن رات خدمات انجام دے رہی ہیں‘‘۔
مراد علی شاہ نے بتایا کہ عالمی بینک کی معاونت سے ’’نیشنل ہیلتھ سپورٹ پروگرام سندھ‘‘ پورے صوبے میں کامیابی سے جاری ہے۔ ان کا کہنا تھا کہ ’’اس پروگرام کا بنیادی مقصد ماں، بچے اور حاملہ خواتین کی بہتر دیکھ بھال کرنا ہے تاکہ ماؤں اور بچوں کی اموات کی شرح میں کمی لائی جا سکے‘‘۔
وزیراعلیٰ نے زور دے کر کہا کہ ’’حکومت سندھ کے یہ اقدامات خواتین کی صحت، تحفظ اور ترقی کے لیے اہم سنگ میل ثابت ہورہے ہیں‘‘۔ انہوں نے عزم ظاہر کیا کہ صوبائی حکومت خواتین کی صحت اور بہبود کے لیے مزید اقدامات کرے گی، کیونکہ ان کا ماننا ہے کہ ’’آج کا دن ہمیں خواتین کے صحت کے مسائل حل کرنے کے لیے مزید اقدامات کی ترغیب دیتا ہے‘‘۔
.ذریعہ: Express News
کلیدی لفظ: خواتین کی صحت کے کے لیے
پڑھیں:
سندھ سے ایک ہزار ہندو یاتری خصوصی ٹرین کے ذریعے ننکانہ پہنچ گئے
لاہور‘ننکانہ صاحب (نامہ نگاران+نمائندہ نوائے وقت) وزیراعلیٰ کی ہدایت پر بابا گورو نانک دیو جی کے 556 ویں جنم دن کے انتظامات کا جائزہ لینے کیلئے چیئرمین کابینہ کمیٹی برائے امن و امان خواجہ سلمان رفیق اور وزیر اقلیتی امور سردار رمیش سنگھ اروڑہ نے سیکرٹری داخلہ پنجاب ڈاکٹر احمد جاوید قاضی کے ہمراہ ننکانہ صاحب کا دورہ کیا اور اجلاس کی صدارت کی۔ جائزہ اجلاس میں کمشنر لاہور ڈویژن مریم خان، آر پی او شیخوپورہ اطہر اسماعیل، انتظامی افسران اور امن کمیٹی کے ممبران سمیت سکھ رہنماؤں نے شرکت کی۔ ڈپٹی کمشنر ننکانہ صاحب محمد تسلیم اختر راؤ اور ڈی پی او فراز احمد نے اجلاس کو انتظامات بارے بریفنگ دی۔ بریفنگ میں بتایا گیا کہ جنم دن کی تقریبات آج سے 6 نومبر تک جاری رہیں گی جن میں 30 ہزار سے زائد یاتری ننکانہ صاحب کا دورہ کریں گے۔ سندھ سے ایک ہزار سے زائد ہندو یاتری خصوصی ٹرین کے ذریعے ننکانہ صاحب پہنچ گئے۔ ریلوے سٹیشن پر ایڈیشنل ڈپٹی کمشنر شاہد محمود کھوکھر اور اسسٹنٹ کمشنر عطیہ عنایت نے یاتریوں کا پرتپاک استقبال کیا اور انہیں گلدستے پیش کیے۔
کراچی، نادرن بائی پاس پر پلاسٹک کے گودام میں آگ لگ گئی