موریطانیہ حج پرواز حادثہ اور 210 عازمین حج کی شہادت؟ حقیقت سامنے آگئی
اشاعت کی تاریخ: 29th, May 2025 GMT
گزشتہ دنوں ایک خبر میں دعویٰ کیا گیا کہ افریقی ملک موریطانیہ سے سعودی عرب جانے والی ایک حج پرواز حادثے کا شکار ہوگئی ہے، جس میں 210 عازمینِ حج سوار تھے اور تمام افراد جاں بحق ہوچکے ہیں۔
اس افسوسناک دعوے کو سوشل میڈیا پر غیر معمولی تیزی سے پھیلایا گیا، اور اس کے ساتھ چند تصویریں بھی شیئر کی گئیں جن میں ایک جہاز کو سمندر میں گرتے اور دوسرے کو زمین پر تباہ شدہ حالت میں دکھایا گیا تھا۔
تاہم جب خبر کی حقیقت جاننے کی کوشش کی گئی تو صورتحال یکسر مختلف نکلی۔ موریطانیہ کی حکومت نے باقاعدہ طور پر اس خبر کو مسترد کردیا۔ وزارتِ مذہبی امور کے حج امور کے ڈائریکٹر، الولی طحٰہ، نے تصدیق کی کہ ملک کے تمام عازمین بخیروعافیت سعودی عرب پہنچ چکے ہیں اور کسی بھی پرواز کو کسی قسم کا حادثہ پیش نہیں آیا۔
اسی طرح موریطانیہ ایئرلائنز نے بھی وضاحت جاری کرتے ہوئے کہا کہ تمام حج پروازیں محفوظ طریقے سے مکمل ہوچکی ہیں اور کسی حادثے کی اطلاع نہ حکومت کو ملی ہے اور نہ ہی ایئرلائن کو۔
A photo has been shared online claiming it shows a Mauritanian Hajj flight crash.
فیکٹ چیک کے مطابق اس خبر کے ساتھ وائرل ہونے والی تصاویر کا جائزہ لینے کے بعد انکشاف ہوا کہ یہ تصاویر حالیہ نہیں بلکہ کئی برس پرانی ہیں۔ سمندر میں گرتے جہاز کی تصویر تقریباً چار سال پرانی نکلی، جبکہ دوسری تصویر، جس میں جہاز کو آگ اور دھویں کی لپیٹ میں دکھایا گیا تھا، 2018 میں انٹرنیٹ پر اپ لوڈ کی گئی تھی۔
A false claim circulating on social media which says, a plane carrying 200 Hajj pilgrims crashed into the Red Sea.
Fact check : Mauritania Airlines confirmed that all Hajj flights arrived safely with no crash occurring. #Haj2025 https://t.co/ZN2SBHFqBg pic.twitter.com/QFDekDaSPN
ان حقائق سے یہ بات روزِ روشن کی طرح عیاں ہو جاتی ہے کہ موریطانیہ کی حج پرواز کے حادثے سے متعلق خبر محض ایک جھوٹا پروپیگنڈا تھی، جس کا حقیقت سے کوئی تعلق نہیں۔ سوشل میڈیا پر ایسی خبریں پھیلانے سے نہ صرف عوام میں بے چینی پیدا ہوتی ہے بلکہ اصل متاثرین کے جذبات کو بھی ٹھیس پہنچتی ہے۔
ذریعہ: Express News
کلیدی لفظ: حج پرواز
پڑھیں:
باغ: پولیس کی گاڑی کھائی میں گرنے سے 5 اہلکار شہید
آزاد کشمیر کے ضلع باغ میں پولیس کی گاڑی کو حادثہ پیش آیا ہے جس کے نتیجے میں 5 اہلکار شہید ہوگئے۔
یہ بھی پڑھیں آزاد کشمیر: وادی نیلم میں سیاحوں کی گاڑی حادثہ کا شکار ہوگئی
پولیس کنٹرول روم باغ نے بتایا کہ تولی پیر سے لسڈنہ جانے والی پولیس کی گاڑی گہری کھائی میں جاگری جس کے نتیجے میں 5 اہلکار شہید ہوگئے۔
پولیس حکام کے مطابق حادثہ دور دراز علاقے میں پیش آیا، اور اندھیرے کی وجہ سے امدادی کارروائیوں میں مشکلات کا سامنا رہا۔
شہید ہونے والوں میں ایس ایچ او کھائی گلہ انسپکٹر علی احمد بخاری، انسپکٹر نوید احمد، انسپکٹر یاسر عرفات، اسسٹنٹ ڈائریکٹر ذاکر حسین اور اکاؤنٹنٹ محمد فہیم شامل ہیں۔
دوسری جانب وزیراعظم آزاد کشمیر چوہدری انوارالحق نے پولیس کی گاڑی کو پیش آنے والے حادثے میں پولیس افسران کی شہادت پر دکھ اور افسوس کا اظہار کیا ہے۔
یہ بھی پڑھیں آزاد کشمیر میں کوسٹر کو حادثہ، 5 افراد جاں بحق، حادثے کی خوفناک ویڈیو سامنے آگئی
وزیراعظم آزاد کشمیر کی خصوصی ہدایت پرڈپٹی کمشنر اورایس پی موقع پر پہنچ گئے اور انتظامیہ کو امدادی کارروائیوں کو بروقت انجام دینے کی ہدایت جاری کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews باغ پانچ اہلکار شہید پولیس حکام پولیس گاڑی چوہدری انوارالحق حادثہ وزیراعظم آزاد کشمیر وی نیوز
ریاض میں CFO لیڈرشپ سمٹ 2025 کا کامیاب انعقاد