سونندا پشکر کیس: ششی تھرور پر قتل کا الزام یا سیاسی انتقام؟
اشاعت کی تاریخ: 30th, May 2025 GMT
سونندا پشکر کی پراسرار موت اور اس کے بعد ششی تھرور پر عائد کیے گئے الزامات ایک بار پھر زیر بحث آ گئے ہیں، جہاں سیاسی تجزیہ کار اسے بھارتیہ جنتا پارٹی (بی جے پی) کی جانب سے سیاسی انتقام کا ایک حصہ قرار دے رہے ہیں۔
ششی تھرور کی اہلیہ، سونندا پشکر، 2014 میں دہلی کے ایک ہوٹل میں مردہ پائی گئی تھیں، جس کے بعد ان کی موت کی تحقیقات کئی برسوں تک جاری رہیں۔ 2018 میں دہلی پولیس، جو بی جے پی حکومت کے ماتحت کام کرتی ہے، نے ششی تھرور کے خلاف 3,000 صفحات پر مشتمل چارج شیٹ عدالت میں جمع کروائی۔ چارج شیٹ میں تھرور پر ’’بیوی کو خودکشی پر مجبور کرنے‘‘ اور ’’ظلم‘‘ جیسے سنگین الزامات عائد کیے گئے۔
بی جے پی رہنما سبرامنیم سوامی نے اس کیس میں ششی تھرور پر ’’زہر دے کر قتل‘‘ کا الزام لگایا اور ان کے خلاف ایک عوامی مفاد کی درخواست (PIL) بھی عدالت میں دائر کی گئی، جسے کئی حلقے ’’سیاسی نوعیت کی‘‘ قرار دیتے ہیں۔
ششی تھرور نے ان الزامات کی سختی سے تردید کی ہے اور بارہا یہ مؤقف اختیار کیا ہے کہ ان کے خلاف یہ مقدمہ محض سیاسی انتقام کا شاخسانہ ہے۔ ان کے مطابق، بی جے پی حکومت سونندا پشکر کیس کو بطور دباؤ کا آلہ استعمال کر رہی ہے تاکہ انہیں عالمی سطح پر مخصوص بیانیے کو تسلیم کرنے پر مجبور کیا جا سکے۔
سیاسی مبصرین کا کہنا ہے کہ بی جے پی حکومت نے اس کیس کو برسوں تک ایک بلیک میلنگ ٹول کے طور پر استعمال کیا، تاکہ ششی تھرور جیسے تنقیدی آواز رکھنے والے سیاستدان کو خاموش کرایا جا سکے۔
عدالتی کارروائی تاحال جاری ہے، جبکہ ششی تھرور کو تفتیشی مراحل اور عدالتی پیشیوں کا سامنا کرنا پڑ رہا ہے۔ کیس کی نوعیت اور اس کے پسِ منظر کو مدنظر رکھتے ہوئے یہ سوال ابھرتا ہے کہ آیا یہ واقعی انصاف کی تلاش ہے یا محض ایک سیاسی حربہ؟
.
ذریعہ
ذریعہ: Express News
کلیدی لفظ: ششی تھرور تھرور پر بی جے پی
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار