10 سالہ لڑکے نے سوا سال کی کزن کو حسد میں نالے کے اندر پھینک کر مارڈالا
اشاعت کی تاریخ: 5th, June 2025 GMT
راولپنڈی کے تھانہ رتہ امرال کے علاقے سے لاپتہ ہونے والی سوا سالہ بچی کی لاش نالے سے برآمد ہوئی ہے۔
ایکسپریس نیوز کے مطابق راولپنڈی کے تھانہ رتہ امرال میں بدھ کی شام بچی اپنی بڑی جڑواں بہنوں کے ساتھ گھر کے باہر کھیلتی ہوئی لاپتہ ہوگئی تھی۔
والدین نے اپنے طور پر تلاش کرنے کی کوشش کی مگر انہیں ناکامی کا سامنا رہا جس کے بعد بدھ کی شام اغوا کا مقدمہ تھانہ رتہ امرال میں درج کیا گیا تاہم جمعرات کی شام لاپتہ سوا سالہ بچی کی نعش نالے سے برآمد ہوئی۔
پولیس نے مقدمہ درج کرکے تفتیش شروع کی اور علاقے میں نقب سی سی ٹی کیمروں کی فوٹیج سے بچی کے پاس اسکے دس سالہ کزن کو پایا۔
سی سی ٹی وی فوٹیج میں دس سالہ کزن بچی کو اٹھا کر لے گہرائی و نالے کی جانب جاتے دیکھا۔ پولیس نے بچے کو تحویل میں لیکر پوچھ گچھ کی انکشاف ہوا لڑکے نے بچی کو نالے میں پھینکا جسکی وجہ سے اسکی موت ہوگی۔
بچے نے پولیس کو بتایاکہ بچی اسکو اچھی نہیں لگتی تھی جس پر اُس نے یہ قدم اٹھایا۔
پولیس نے بچی کی نعش نکال کر پوسٹ مارٹم کے بعد ورثہ کے حوالے کردی جبکہ دس سالہ ملزم بچے کو گرفتار کر کے عدالت پیش کیا گیا۔ عدالت نے بچے کو چائلڈ پروٹیکشن بیورو کو بھیج دیا۔
.ذریعہ: Express News
پڑھیں:
گرمی سے بچنے کیلیے نہر میں نہانے والے 4 افراد ڈوب گئے، 3 جاں بحق
خیبرپختونخوا کے ضلع مالاکنڈ کے علاقے درگئی میں بچے سمیت چار افراد ڈوب گئے جن میں سے 3 جاں بحق ہوگئے۔
ایکسپریس نیوز کے مطابق مہاجر کیمپ خٹکو شاہ نہر میں بچے سمیت چار افراد ڈوب گئے، جن میں سے تین افراد جاں بحق ہو گئے۔
ریسکیو 1122 ملاکنڈ کے مطابق غوطہ خور اور میڈیکل ٹیم نے اطلاع پر موقع پر پہنچ کر نہر میں مقامی افراد کے ہمراہ سرچ اینڈ ریسکیو آپریشن کیا اور چاروں افراد کو نکال کر ٹی ایچ کیو ہسپتال درگئی منتقل کیا۔
اسپتال منتقل ہونے پر 32 سالہ عالمزیب، 26 سالہ بلال، ارمان چھ سالہ کے جاں بحق ہونے کی تصدیق ہوئی۔
حادثے میں ڈوبنے والا سلمان عمر 17 سال کو طبی امداد دی جارہی ہے جس کی حالت تشویشناک ہے۔
وفاقی وزیر رانا تنویر حسین سے ڈائریکٹر جنرل ایس آئی ایف سی کی ملاقات، کسانوں کو ریلیف فراہم کرنے اور پیداواری صلاحیت میں بہتری پر تبادلہ خیال