وزیرِ اعلیٰ سندھ کا قیدیوں کو عیدالاضحیٰ کا تحفہ، سزا میں خصوصی معافی کا اعلان
اشاعت کی تاریخ: 6th, June 2025 GMT
ویب ڈیسک : وزیرِ اعلیٰ سندھ سید مراد علی شاہ نے عیدالاضحیٰ کے موقع پر سندھ کی جیلوں میں قیدیوں کے لیے سزا میں 120 دن کی خصوصی معافی کا اعلان کر دیا۔
ترجمان وزیرِ اعلیٰ سندھ عبدالرشید چنہ کے مطابق وزیرِاعلیٰ سندھ مراد علی شاہ نے بڑی عید پر بڑا فیصلہ کرتے ہوئے کہا ہے کہ عام قیدیوں کو 120 دن کی خصوصی معافی دی جائے گی۔انہوں نے کہا ہے کہ قتل، دہشت گردی، ریپ، اغواء اور مالی بدعنوانی میں ملوث قیدی معافی کے اہل نہیں ہوں گے، اس معافی کا اطلاق صرف عام سزا یافتہ قیدیوں پر ہو گا، سزائے موت کے قیدی بھی اس میں شامل نہیں۔
کل کی سرکاری چھٹی منسوخ
سید مراد علی شاہ نے کہا ہے کہ منشیات، فارن ایکٹ، جاسوسی اور مالی بے ضابطگیوں میں سزا یافتہ قیدیوں پر بھی اس معافی کا اطلاق نہیں ہو گا۔ترجمان وزیرِ اعلیٰ سندھ نے بتایا ہے کہ محکمۂ داخلہ سندھ نے قیدیوں کے لیے 120 دنوں کی معافی کا نوٹیفکیشن جاری کر دیا ہے۔
.ذریعہ: City 42
کلیدی لفظ: معافی کا
پڑھیں:
عیدالاضحیٰ سے قبل قیدیوں کے لیے بڑی خوشخبری
لاہور: عیدالاضحیٰ سے قبل قیدیوں کے لیے بڑی خوشخبری آگئی ہے۔وزیراعلیٰ پنجاب کی ہدایت پر محکمہ داخلہ پنجاب نے قیدیوں کی سزا میں خصوصی معافی کا نوٹیفکیشن جاری کر دیا ہے.جس کے تحت پنجاب کی جیلوں میں تقریباً 450 قیدی سزا میں کمی کے ذریعے مستفید ہوں گے.تاہم اس معافی کا اطلاق پاکستان پریزن رولز 1978 کے رول 216 کے تحت کیا گیا ہے۔محکمہ داخلہ کے مطابق اس معافی کے تحت قیدیوں کو 90 دن کی خصوصی معافی دی گئی ہے. جس سے 270 قیدی اپنی رہائی کے بعد عیدالاضحیٰ اپنے اہل خانہ کے ساتھ منائیں گے. تاہم اس اقدام سے نادار قیدیوں کے جرمانے کی ادائیگی اور اچھے اخلاقی کردار رکھنے والے قیدی بھی مستفید ہوں گے۔نوٹیفکیشن میں بتایا گیا ہے کہ سزا میں معافی کا یہ حکم تمام قیدیوں پر لاگو نہیں ہوتا. دہشت گردی، فرقہ واریت، جاسوسی، بغاوت یا ریاست مخالف سرگرمیوں میں ملوث قیدی، قتل، زنا، منشیات کی فروخت، ڈکیتی، اغوا کے مرتکب مجرم اور مالی غبن یا قومی خزانے کو نقصان پہنچانے کے مقدمات میں سزا یافتہ قیدی اس معافی سے مستفید نہیں ہوں گے۔
علاوہ ازیں گزشتہ ایک سال کے دوران جیل قوانین کی خلاف ورزی کرنے والے قیدی بھی اس سہولت سے محروم ہوں گے۔محکمہ داخلہ نے ان قیدیوں کی تفصیلات بھی فراہم کی ہیں جن پر سزا میں معافی کا حکم لاگو نہیں ہوتا. تاکہ شفافیت یقینی بنائی جا سکے۔یہ اقدام قیدیوں کو معاشرتی رابطہ مضبوط بنانے اور عید کے موقع پر خوشی کے لمحات گزارنے کا موقع فراہم کرنے کے لیے کیا گیا ہے۔
سندھ حکومت اور کے الیکٹرک کو متنبہ کردیں کہ ہم احتجاج کی کال دینے جارہے ہیں، راجہ اظہر