عید قربان کا تیسرا روز: شہر بھر میں گلاب کے عرق سے سڑکوں کی دھلائی جاری
اشاعت کی تاریخ: 9th, June 2025 GMT
سٹی42:عید قربان کے تیسرے روز بھی لاہور میں صفائی آپریشن زور و شور سے جاری، شہر کی اہم شاہراہوں، چوراہوں اور تجارتی مراکز میں عرقِ گلاب ملے پانی سے سڑکوں کی دھلائی کا عمل جاری ہے۔
ایل ڈبلیو ایم سی کی جانب سے خصوصی نائٹ شفٹ میں شہر کی صفائی و دھلائی کو یقینی بنایا جا رہا ہے تاکہ آلائشوں کے بعد پیدا ہونے والی بدبو اور گندگی کا مکمل خاتمہ کیا جا سکے۔
وزیر خزانہ آج اقتصادی سروے پیش کریں گے
اہم مقامات پر صفائی و واشنگ میں داتا دربار، آزادی فلائی اوور، مال روڈ، جیل روڈ، پنجاب اسمبلی چوک، قرطبہ چوک، مین بلیوارڈ گلبرگ، لبرٹی مارکیٹ، ایم ایم عالم روڈ پر فٹ پاتھس اور بس اسٹاپس کی خصوصی دھلائی اور ملتان روڈ، فیروز پور روڈ، نشتر چوک، گجومتہ سمیت دیگر علاقوں میں دھلائی کا عمل جاری ہے۔
بابر صاحب دین کے مطابق نائٹ شفٹ میں واشنگ آپریشن میں عرق گلاب ملے پانی کا استعمال شہریوں کو خوشگوار ماحول فراہم کرنے کی کوشش ہے۔ آلائشوں کی کلیکشن کے بعد فٹ پاتھ، یو ٹرنز اور بس اسٹاپس کی باقاعدہ صفائی بھی کی جا رہی ہے۔
آئندہ 24 گھنٹے میں موسم گرم اور خشک رہے گا، محکمہ موسمیات
ذریعہ: City 42
کلیدی لفظ: سٹی42
پڑھیں:
وزیراعلیٰ مریم نواز کی ہدایت پر عیدالاضحیٰ کے صفائی انتظامات کی سخت مانیٹرنگ جاری
سٹی42: وزیراعلیٰ پنجاب مریم نواز کی خصوصی ہدایت پر عیدالاضحیٰ کے موقع پر صوبہ بھر میں صفائی کے مثالی انتظامات کو یقینی بنانے کے لیے مانیٹرنگ کا عمل سختی سے جاری ہے۔ اس مقصد کے تحت صوبہ بھر میں کنٹرول رومز قائم کیے گئے ہیں جہاں 24 گھنٹے آپریشن جاری ہے۔
سول سیکرٹریٹ لاہور میں قائم مرکزی کنٹرول روم میں 100 سے زائد افسران و ملازمین تین مختلف شفٹوں میں خدمات سرانجام دے رہے ہیں تاکہ عید کے تینوں دن صفائی آپریشن کی براہ راست نگرانی کی جا سکے۔
عباسی شہید ہسپتال کی ایمرجنسی میں بیل گھس آیا، مریضوں میں بھگدڑ مچ گئی
سیکرٹری بلدیات کے مطابق ہیلپ لائنز 1198 اور 1139 پر بھی فوری عوامی شکایات کے ازالے کے لیے نمائندے تعینات کیے گئے ہیں، جبکہ تمام اضلاع میں صفائی عملہ اور مشینری مکمل طور پر متحرک ہے۔
عیدالاضحیٰ کے موقع پر صفائی مہم کے لیے 1 لاکھ 39 ہزار صفائی ورکرز فیلڈ میں موجود ہیں, 36 ہزار سے زائد گاڑیاں اور 4 ہزار کیمپس قائم کیے گئے ہیں, 3 ہزار سے زائد عارضی کلیکشن پوائنٹس آلائشیں اکٹھی کرنے کیلئے فعال ہیں اور 1 کروڑ ماحول دوست ویسٹ بیگز شہریوں میں مفت تقسیم کیے جا رہے ہیں۔
سیکرٹری بلدیات کے مطابق عید کے پہلے روز اب تک 9 ہزار ٹن سے زائد جانوروں کی آلائشیں اکٹھی کی جا چکی ہیں جبکہ دن کے اختتام تک اندازاً 1 لاکھ 43 ہزار 895 ٹن ویسٹ اکٹھا ہونے کا تخمینہ ہے۔ عید کے دوسرے روز 1 لاکھ 30 ہزار سے زائد جانوروں کی باقیات اکٹھی کیے جانے کی توقع ہے۔
آئندہ بجٹ میں 3 اور 5 مرلہ گھروں کیلئےشرح سود کی سبسڈی پر کام جاری
حکام کے مطابق تمام تر صفائی آپریشن کو شفاف، مؤثر اور بروقت بنانے کے لیے جدید ٹیکنالوجی، GPS مانیٹرنگ اور فیلڈ رپورٹس کے نظام کو بھی فعال رکھا گیا ہے تاکہ شہریوں کو صاف ستھرا ماحول فراہم کیا جا سکے۔
عمرایوب کی نااہلی کیلئے ریفرنس الیکشن کمیشن میں سماعت کیلئے مقرر