لاس اینجلس، پینٹاگون کا حاضر سروس دستوں کی تعیناتی کا عندیہ
اشاعت کی تاریخ: 9th, June 2025 GMT
یو ایس ناردرن کمانڈ نے اپنے ایک بیان میں کہا ہے کہ 5 سو کے قریب میرینز کو تیار رہنے کے احکامات دیے گئے ہیں اور ضرورت پڑنے پر انھیں طلب کیا جا سکتا ہے۔ اسلام ٹائمز۔ ڈیفنس سیکریٹری پیٹ ہیگسٹ نے متنبہ کرتے ہوئے کہا کہ اگر لاس اینجلس میں پرتشدد مظاہروں کا سلسلہ جاری رہا تو پینٹاگون حاضر سروس دستوں کی تعیناتی کے حوالے سے تیار ہے، انھوں نے کہا کہ پینڈلیٹن کیمپ میں تعینات میرین فورس کو بھی ہائی الرٹ کردیا گیا ہے۔ یو ایس ناردرن کمانڈ نے اپنے ایک بیان میں کہا ہے کہ 5 سو کے قریب میرینز کو تیار رہنے کے احکامات دیے گئے ہیں اور ضرورت پڑنے پر انھیں طلب کیا جا سکتا ہے۔
میئرلاس اینجلس کیرن باس نے ٹرمپ انتظامیہ کو مورد الزام ٹھہراتے ہوئے کہا کہ حالیہ پرتشدد مظاہروں کے دوران نیشنل گارڈز کی تعیناتی سے کشیدگی میں اضافہ ہوا ہے ساتھ ہی انھوں نے پرتشدد واقعات میں ملوث مظاہرین کی مذمت بھی کی۔ انھوں نے پریس کانفرنس کے دوران کہا کہ میں نہیں چاہتا کہ لوگ اس افراتفری میں پھنسے رہیں، تاہم انتظامیہ کی جانب سے اٹھائے جانے والے اقدامات غیر ضروری ہیں۔
ذریعہ: Islam Times
کلیدی لفظ: کہا کہ
پڑھیں:
حکومت فوری طور پر مخدوش عمارتوں کا سروے کرے‘ آباد
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) ایسوسی ایشن آف بلڈرز اینڈ ڈیولپرز (آباد) کے چیئرمین محمد حسن بخشی نے کراچی لیاری کے علاقے بغدادی میں 8 منزلہ مخدوش عمارت کے منہدم ہونے کے نتیجے میں 9 سے زاید افراد کی ہلاکتوں اور درجنوں کے زخمی ہونے پر انتہائی دکھ اور افسوس کا اظہار کیا ہے۔ انھوں نے کہا کہ اس سانحے نے شہر میں موجود درجنوں دیگر مخدوش عمارتوں کے خطرے کی طرف ایک بار پھر توجہ مبذول کرا دی ہے جن کی بروقت مرمت یا منتقلی نہ ہونے کی صورت میں آئندہ بھی ایسے حادثات رونما ہو سکتے ہیں۔چیئرمین آباد نے سندھ حکومت سے مطالبہ کیا کہ زخمیوں کو فوری اور مکمل طبی امداد دی جائے اور ان کے علاج معالجے میں کوئی کوتاہی نہ برتی جائے،انھوں نے کہا کہ اطلاعات ہیں کہ درجنوں افراد ملبے تلے دبے ہوئے ہیں،سندھ حکومت سے اپیل کرتا ہوں کے انھیں صحیح سلامت نکالنے کے لیے ریسکییو ٹیموں کی بھرپور مدد کی جائے۔انھوں نے کہا کہ آباد کے ممبران مشکل کی اس گھڑی میں سانحے کے متاثرین کے دکھ میں برابر کے شریک ہیں۔ انھوں نے حکومتی اداروں پر زور دیا کہ وہ متاثرہ خاندانوں کی مالی اور نفسیاتی بحالی کے لیے بھی فوری اقدامات کریں تاکہ وہ اس سانحے سے نمٹنے کے قابل ہو سکیں۔ حسن بخشی نے بتایا کہ کراچی میں درجنوں ایسی خستہ حال عمارتیں موجود ہیں جو انسانی جانوں کے لیے مستقل خطرہ بنی ہوئی ہیں چیئرمین آباد محمد حسن بخشی نے کراچی شہر میں تعمیر ہونے والی عمارتوں کو 3 زمروں میں تقسیم کرتے ہوئے بتایا کہ پہلی وہ عمارتیں جو آباد کے ممبر بلڈرز کی جانب سے تعمیر کی جاتی ہیں اور قواعد و ضوابط کی مکمل پاسداری سے ہوتی ہیں۔دوسری وہ عمارتیں ہیں جو 50 سال یا اس سے پہلے تعمیر ہوئیں اور اب خستہ حالی کا شکار ہو چکی ہیں جبکہ تیسری وہ عمارتیں جو غیرقانونی طریقے سے، بغیر نقشے کی منظوری، ناقص میٹریل اور غیر تربیت یافتہ افراد کے ذریعے تعمیر کی جاتی ہیں۔انھوں نے بتایا غیر قانونی تعمیرات میں ناقص میٹریل استعمال ہوتا ہے، اور ان کی تعمیر میں کوئی مستند انجینئر شامل نہیں ہوتا، جو انسانی جانوں کے لیے سنگین خطرہ ہے۔ آباد متعدد بار ان غیر قانونی تعمیرات کے خلاف آواز بلند کرتا رہا ہے لیکن مؤثر اقدامات کی کمی نے صورت حال کو بدتر بنا دیا ہے۔ چیئرمین آباد نے سندھ حکومت کو پیشکش کی ہے کہ آباد ان خستہ حال عمارتوں کی جگہ عالمی معیار کی کثیرالمنزلہ عمارتیں تعمیر کرنے کو تیار ہے، اور وہاں کے موجودہ رہائشیوں کو بغیر کسی قیمت کے جدید، محفوظ اور پائیدار رہائشی سہولیات فراہم کرے گا۔ تاہم اس کے لیے ضروری ہے کہ سندھ اسمبلی اس مقصد کے لیے مناسب قانون سازی کرے تاکہ یہ منصوبہ قانونی تحفظ کے ساتھ ممکن بنایا جا سکے۔انھوں نے حکومت سے اپیل کی کہ وہ فوری طور پر مخدوش عمارتوں کا سروے، ان کے انخلا اور آباد کے مجوزہ منصوبے پر سنجیدگی سے غور کرے تاکہ مستقبل میں انسانی جانوں کا تحفظ یقینی بنایا جا سکے۔
ڈیرہ اسمعٰیل خان میں مولانا فضل الرحمٰن کی رہائش گاہ پر ایف سی تعینات کرنے کا فیصلہ