بھارتی طیارے کی محض ایک منٹ میں اُڑان بھرنے سے تباہ ہونے کی مکمل ویڈیو وائرل
اشاعت کی تاریخ: 13th, June 2025 GMT
بھارتی شہر حیدرآباد میں میڈیکل کے طلبا کے ہاسٹل پر مسافر بردار طیارہ گر کر تباہ ہوگیا جس میں 241 مسافروں سمیت 294 افراد ہلاک ہوگئے۔
بھارتی میڈیا کے مطابق بد قسمت طیارے نے بھارت سے لندن جانے کے لیے ایک منٹ سے بھی کم وقت کی پرواز کی اور حادثے کا شکار ہوگیا۔
طیارے نے معمول کی طرح پرواز بھری تھی۔ جس کے فوری طیارے سے دھواں اُٹھتا ہوا محسوس ہوا اور پھر طیارہ تیزی سے نیچے آنے لگا۔
طیارہ رہائشی علاقے میں ایک اونچی عمارت سے ٹکرا کر زمین بوس ہوگیا اور خوفناک آگ بھڑک اُٹھی اور دیکھتے ہی دیکھتے جہاز راکھ کا ڈھیر بن گیا۔
New CCTV footage emerges of the Air India 787 as it took off from Ahmedabad.
طیارہ جس عمارت پر گرا وہ میڈیکل کے طلبا کا ہاسٹل تھا جہاں بڑی تعداد میں طالب علم رہائش پزیر تھے۔
خوش قسمتی سے طیارے کے 242 مسافروں میں ایک مسافر زندہ سلامت اپنے پاؤں پر چلتا ہوا معمولی زخمی حالت میں ملبے سے باہر آگیا۔
اس ایک شخص کے علاوہ باقی تمام 241 مسافر ہلاک ہوگئے جب کہ ہاسٹل میں بھی ہلاکتیں ہوئیں۔ مجموعی ہلاکتیں 294 تک جا پہنچی۔
طیارہ حادثے کی وجہ جاننے کی تحقیقات میں کافی وقت لگ سکتا ہے تاہم ابتدائی طور پر ماہرین کا کہنا ہے کہ حادثہ پرندوں کے غول کے ٹکرانے سے بھی ہوسکتا ہے۔
علاوہ ازیں انجن پاور کا خراب ہونا یا ہوا میں دباؤ میں بے پناہ کمی بھی ایک وجہ ہوسکتی ہے۔
ذریعہ
ذریعہ: Express News
پڑھیں:
کاروباری عدم اعتماد، 80 فیصد اداروں کے سرمایہ کاری فیصلے موخر، اوورسیز چیمبر
اسلام آباد،اوورسیز چیمبر آف کامرس سروے (overseas chamer commerce)میں بتایا گیا کہ پاکستان میں کاروباری اعتماد کمزور ہوگیا، 70 سے 80 فیصد اداروں کے سرمایہ کاری فیصلے موخر ہوئے۔
سروے میں بتایا گیا کہ مجموعی کاروباری اعتماد 9 فیصد پوائنٹس کمی سے مثبت 13 فیصد رہ گیا، خدمات کے شعبے میں اعتماد 20 پوائنٹس گر کر مثبت 14 فیصد رہ گیا۔
اوورسیز چیمبر سروے کے مطابق مینوفیکچرنگ کے شعبے میں کاروباری اعتماد 7 پوائنٹس کم ہوگیا، صرف ریٹیل سیکٹر میں کاروباری اعتماد 3 پوائنٹس اضافے سے مثبت 20 فیصد ہوگیا۔
مزید پڑھیں:سیکیورٹی خدشات: ڈرون اڑانے پر پابندی میںمزید 30 دن کی توسیع
سروے میں یہ بھی بتایا گیا کہ نئی سرمایہ کاری انڈیکس 10 پوائنٹس کمی سے صرف مثبت 2 فیصد رہ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ