آبنائے ہرمز میں دو آئل ٹینکرز کا تصادم، ایرانی ساحل کے قریب حادثہ
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
آبنائے ہرمز میں دو آئل ٹینکرز ایڈالن اور فرنٹ ایگل آپس میں ٹکرا گئے، تاہم برطانوی شپنگ کمپنی نے واضح کیا ہے کہ دونوں جہازوں کو سیکیورٹی کا کوئی خطرہ لاحق نہیں ہے۔
بین الاقوامی خبرایجنسی کے مطابق حادثہ ایرانی ساحل سے تقریباً 28 کلومیٹر دور پیش آیا جہاں دونوں آئل ٹینکرز نامعلوم وجوہات کی بنا پر آپس میں ٹکرا گئے۔ حادثے کے نتیجے میں فرنٹ ایگل ٹینکر میں آگ بھڑک اٹھی جسے بعد ازاں بجھا دیا گیا، جبکہ یو اے ای کوسٹ گارڈ نے ایڈالن سے عملے کے 24 افراد کو بحفاظت نکال لیا۔
برطانوی کمپنی نے تصدیق کی ہے کہ ایڈالن آئل ٹینکر خالی تھا اور سویز کینال کی جانب رواں دواں تھا، جبکہ فرنٹ ایگل ٹینکر پر دو ملین بیرل عراقی خام تیل موجود تھا جو چین منتقل کیا جا رہا تھا۔
رپورٹس کے مطابق آبنائے ہرمز کے قریب نیوی گیشن سسٹمز میں فنی مسائل بھی سامنے آئے ہیں۔ برطانیہ کا کہنا ہے کہ آبنائے ہرمز میں جہازوں کا تحفظ ایک عالمی سلامتی کا مسئلہ ہے، اور اس گزرگاہ کی بندش سے عالمی توانائی منڈی شدید متاثر ہو سکتی ہے۔
.ذریعہ: Jasarat News
پڑھیں:
18ویں ترمیم صوبوں کے دلوں کے بہت قریب ہے ، سمجھوتہ ناممکن، شازیہ مری
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان پیپلز پارٹی کی ترجمان شازیہ مری نے کہا ہے کہ 18ویں ترمیم صوبوں کے دلوں کے بہت قریب ہے ، ہرگز سمجھوتہ نہیں ہوسکتا، وزیراعظم شہباز شریف نے صدر آصف علی زرداری اور بلاول بھٹو سے ملاقات میں 27 ویں ترمیم پر حمایت مانگی ہے۔
شازیہ مری نے میڈیا سے گفتگو کرتے ہوئے کہا کہ کافی عرصے سے 27ویں ترمیم کے حوالے سے قیاس آرائیاں ہو رہی ہیں، حکومت نے باقاعدہ پیپلز پارٹی سے 27ویں آئینی ترمیم کے حوالے سے رابطہ کیا ہے۔
انہوں نے کہا کہ اس ترمیم سے متعلق پیپلز پارٹی کی سی ای سی میں فیصلے کیے جائیں گے، صوبوں کے اختیارات پر پیپلز پارٹی نے اتفاق رائے پیدا کیا، 18ویں ترمیم میں صوبوں کے اختیارات سے پیچھے ہٹنا مناسب بھی نہیں ہوگا اور ممکن بھی نہیں ہوگا۔
شازیہ مری نے کہاکہ پیپلز پارٹی تمام چیزیں اپنے اصولی موقف پر دیکھے گی، حکومت اگر کسی چیز پر متفق ہے اور ہمیں متفق کرنا چاہتی ہے تو اس پر بات ہوسکتی ہے۔ انہوں نے کہا کہ (ن) لیگ کے ساتھ بیٹھیں گے تو عوامی مسائل پر بات کریں گے، 27ویں آئینی ترمیم کو عوامی اعتبار سے بھی دیکھا جائے گا، 18ویں ترمیم صوبوں کے دلوں کے بہت قریب ہے، اس پر ہرگز سمجھوتہ نہیں ہوسکتا۔
انہوں نے کہا کہ سیلاب میں جن لوگوں نے تکلیف اٹھائی ہمیں ان کی طرف دھیان دینا چاہیے، پیپلز پارٹی کا سادہ سا مطالبہ تھا، ہم نے کبھی لفظوں کی جنگ نہیں چھیڑی، ہماری دہشت گردی، معاشی حالات اور بے روزگاری جیسے مسائل پر توجہ دینی چاہیے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف