ایشین اسکواش چیمپئن شپ، ناصر اقبال کو سخت مقابلے کے بعد کوارٹر فائنل میں شکست
اشاعت کی تاریخ: 19th, June 2025 GMT
ایشین اسکواش چیمپئن شپ میں پاکستان کی آخری امید بھی ختم ہوگئی۔ سابق قومی چیمپئن ناصر اقبال کو ایک سخت مقابلے کے بعد کوارٹر فائنل میں شکست ہوگئی۔
موصولہ اطلاعات کے مطابق ملائشیا میں جاری 23 ویں ایشین اسکواش چیمپئن شپ کے مینز سنگلز ایونٹ کے کوارٹر فائنل میں سیڈ 5 پاکستان کے ناصراقبال کو ہانگ کانگ کے ہنری لیونگ نے سخت مقابلے کے بعد 2-3 سے شکست دی۔
پہلا گیم 7-11 اور دوسرا گیم 8-11 سے ہارنے کے بعد ناصر اقبال نے بہتر کارکردگی دکھاتے ہوئے اگلے دونوں گیمز 8-11 اور 7-11 سے جیت کر مقابلہ سنسنی خیز بناڈالا۔
تاہم، ان کے حریف نے فیصلہ کن پانچویں گیم میں 7-11 سے کامیابی پاکر سیمی فائنل میں قدم رکھ دیا۔
عالمی انڈر 23 چیمپئن پاکستان کے نور زمان پہلے ہی پری کوارٹر فائنل میں ناکامی کے بعدایونٹ سے باہر ہوگئےتھے۔
دوسری جانب چیمپئن شپ کے دیگر کوارٹر فائنل مقابلوں میں ٹاپ سیڈ عبداللہ الیتیمی (قطر) نے امیش نیرج چندان(ملائشیا)، سیڈ 2 ایلکس لاو (ہانگ کانگ) نے ہم وطن وانگ چی ہم، سیڈ 3 ویلانان سنتھل کمار (بھارت) نے جوا چن چوہا (ملائشیا) کو شکست دی۔
.ذریعہ: Express News
کلیدی لفظ: کوارٹر فائنل میں چیمپئن شپ کے بعد
پڑھیں:
نیشنز کپ ہاکی: قسمت کام کرگئی، پاکستان سیمی فائنل میں پہنچ گیا
کوالالمپور میں جاری ایف آئی ایچ نیشنز کپ میں ملائیشیا کی جاپان کے کامیابی کے باوجود پاکستان نے سیمی فائنل میں جگہ بنالی کیوں کہ میزبان ٹیم صرف ایک گول کی برتری سے جیتی جس نے قومی ٹیم کو ٹورنامنٹ سے باہر ہونے سے روک دیا۔
یہ بھی پڑھیں: نیشنز ہاکی کپ: پاکستان کو نیوزی لینڈ سے شکست، سیمی فائنل تک رسائی چانس پر
یاد رہے کہ گزشتہ روز پاکستان کی ٹیم نیوزی لینڈ سے 3 کے مقابلے میں 4 گول سے ہار گئی تھی جس کے بعد اس کے سیمی فائنل میں پہنچنے کا دارومدار ملائیشیا اور جاپان کے میچ پر تھی جس کی شرط یہ تھی کہ یا تو جاپان جیت جائے یا پھر ملائیشیا 2 گول کی برتری سے نہ جیتے۔
کی فتح کے باوجود پاکستان ایف آئی ایچ نیشنز کپ کے سیمی فائنل میں پہنچ گیا۔
گرین شرٹس جمعے کو پہلے سیمی فائنل میں پول اے کے قائد فرانس سے ٹکرائیں گی۔
پاکستان کی مردوں کی ہاکی ٹیم بدھ کو یہاں نیشنل ہاکی اسٹیڈیم میں منعقدہ پول بی کے آخری میچ میں ملائیشیا کی جاپان کے خلاف فتح کے باوجود ایف آئی ایچ نیشنز کپ کے سیمی فائنل میں پہنچ گئی۔
مزید پڑھیے: نیشنز کپ ہاکی: پاکستان نے جاپان کو 3-2 سے ہرادیا
گرین شرٹس نے اس سے قبل اپنا آخری لیگ مرحلے کا میچ نیوزی لینڈ کے خلاف کھیلا تھا اور اسے 4-3 سے شکست کا سامنا کرنا پڑا تھا، جس نے انہیں بعد کے میچ کے نتائج پر مایوسی کا سامنا کرنا پڑا تھا۔
لہٰذا ملائیشیا نے جاپان کو ہرا تو دیا لیکن وہ کامیابی صرف ایک کے مقابلے میں 2 گول کے مارجن سے تھی جس کی وجہ سے وہ پول میں گول ایوریج کے حساب سے تیسرے نمبر پر آتے ہوئے پاکستان سے پیچھے رہ گئی۔ اگر میزبان ٹیم جاپان سے 2 گول کے فرق سے جیت جاتی تو وہ دوسرے نمبر پر آتے ہوئے پاکستان کو مقابلے سے باہر کردیتی اور خود سیمی فائنل کے لیے کوالیفائی کرلیتی لیکن ایسا نہیں ہوسکا۔
اس طرح اب سیمی فائنل میں پاکستان کا مقابلہ فرانس سے جبکہ نیوزی لینڈ کا مقابلہ کوریا کی ٹیم سے ہوگا۔ کل 8 ٹیموں پر مشتمل اس ٹورنامنٹ کے دونوں ناک آؤٹ مقابلے جمعے کو ہورہے ہیں جبکہ فائنل ہفتہ کو کھیلا جائے گا۔
پاکستان کی اب تک کی کارکردگیپاکستان نے پول مقابلوں میں 3 میچز کھیلے اور اتفاق سے تینوں میں 3،3 گول کیے۔
اتوار (15 جون) کو ہونے والا پاکستان کا ملائیشیا سے میچ 3-3 سے برابر رہا تھا جس میں قومی ٹیم کی طرف سے احمد ندیم، عبدالرحمان اور رانا وحید اشرف نے گول اسکور کیے تھے۔
پیر کو پاکستان نے سخت مقابلے کے بعد جاپان کو 3-2 سے ہرا دیا تھا۔ گرین شرٹس کی جانب سے غضنفر علی، رانا وحید اشرف اور سفیان خان نے ایک ایک گول کیا تھا۔
مزید پڑھیں: ہاکی اداس ہے
گزشتہ روز (بدھ) کے میچ میں بھی پاکستان ٹیم نے نیوزی لینڈ کے خلاف گزشتہ 2 میچوں کی طرح ہی 3 گول کیے لیکن اسے ایک گول کے خسارے سے شکست ہوئی۔ وہ میچ نیوزی لینڈ نے 3 کے مقابلے میں 4 گول سے جیتا۔
پاکستان اسکواڈعماد بٹ (کپتان)، رانا وحید (نائب کپتان)، منیر الرحمان، عبداللہ اشتیاق، محمد عبداللہ، محمد سفیان خان، عبدالمنان، حماد انجم، ارشد لیاقت، معین شکیل، زکریا حیات، غضنفر علی، سلمان رزاق، جنید منظور، افراز احمد، عبدالرحمان، عبدالمنان، عبدالرحمان اور محمد خان۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان نیشنز کپ کے سیمی فائنل میں پاکستان ہاکی ٹیم نیشنز کپ ہاکی
ضرورت پڑی تو امریکا اسرائیل کے دفاع میں مدد فراہم کرے گا، ٹرمپ