پاکستان فوجی، سفارتی اور معاشی میدان میں ترقی کی منازل طے کر رہا ہے، خواجہ آصف
اشاعت کی تاریخ: 19th, June 2025 GMT
وزیر دفاع کا کہنا تھا کہ ہائبرڈ ماڈل جو 2 سال سے چل رہا ہے یہ اس کی کامیابی کی ضمانت ہے، سول اور ملٹری لیڈر شپ کے تعاون سے ملک ترقی کی منازل طے کر رہا ہے۔ اسلام ٹائمز۔ وزیر دفاع خواجہ آصف نے کہا ہے کہ پاکستان فوجی، سفارتی اور معاشی میدان میں ترقی کی منازل طے کر رہا ہے۔ پارلیمنٹ ہاؤس میں صحافیوں سے گفتگو کرتے ہوئے خواجہ آصف کا کہنا تھا کہ بہت سی کامیابیاں ملی ہیں، فیلڈ مارشل کی امریکی صدر سے ملاقات سفارتی محاذ پر بہت بڑی کامیابی ہے۔
انہوں نے مزید کہا کہ ہمیں پاک بھارت جنگ میں کامیابی ملی، ہماری ملک کی معیشت بہتر ہوئی ہے، پہلی بار کسی بھی ملک کے فوجی سربراہ کو اس طرح کھانے پر مدعو کیا گیا، جو بیانات آ رہے ہیں اس سے واضح ہو رہا کہ پاکستان فوجی، سفارتی اور معاشی میدان میں ترقی کی منازل طے کر رہا ہے۔
وزیر دفاع کا کہنا تھا کہ ہائبرڈ ماڈل جو 2 سال سے چل رہا ہے یہ اس کی کامیابی کی ضمانت ہے، سول اور ملٹری لیڈر شپ کے تعاون سے ملک ترقی کی منازل طے کر رہا ہے۔ خواجہ آصف کا مزید کہنا تھا کہ ایران ہمارا برادر اسلامی ملک ہے، ایران پر مشکل وقت ہے، باقی برادر اسلامی ملکوں اور پڑوسیوں پر لازم ہے اس وقت ایرانی بھائیوں کے ساتھ کھڑے ہوں۔
ذریعہ: Islam Times
کلیدی لفظ: ترقی کی منازل طے کر رہا ہے کہنا تھا کہ خواجہ آصف
پڑھیں:
معاشی ترقی کے لیے نوجوان ٹیلنٹ کو مواقع فراہم کرنا ہوگا، وزیر خزانہ محمد اورنگزیب
وفاقی وزیر خزانہ و محصولات محمد اورنگزیب نے کہا ہے کہ معیشت میں استحکام کے لیے نجی شعبے کا کردار اور پیداوار میں اضافہ اہم ہے۔ معاشی ترقی کے لیے نوجوان ٹیلنٹ کو مواقع فراہم کرنا ہوگا۔
دی فیوچر سمٹ کے نویں ایڈیشن سے خطاب کرتے ہوئے انہوں نے کہاکہ جیو پولیٹیکل تبدیلیاں موجودہ عالمی غیر یقینی صورت حال میں بڑا کردار ادا کر رہی ہیں۔
مزید پڑھیں: حکومت بلیو اکانومی کے وسائل کو بروئے کار لانے کے لیے پرعزم ہیں: وزیر خزانہ
محمد اورنگزیب نے کہاکہ میكرو اکنامک استحکام کوئی حتمی منزل نہیں بلکہ معیشت میں پراعتماد سرمایہ کاری کا ذریعہ ہے، کارپوریٹ منافع میں مسلسل اضافہ ہو رہا ہے اور پاکستان اب بین الاقوامی کارپوریٹ سرمایہ کاروں کے لیے ایک قابل عمل معیشت بن چکا ہے۔
انہوں نے کہاکہ ہم اے آئی پر مبنی ترقی کے لیے ڈیجیٹل انفراسٹرکچر کی فراہمی پر کام کر رہے ہیں، گوگل پاکستان کو ایک ٹیکنیکل اور آئی ٹی مرکز بنانے کے لیے تعاون کر رہا ہے۔
انہوں نے کہاکہ ایک نجی سرمایہ کار کی جانب سے ایل یو ایم ایس میں بلاک چین سینٹر کے قیام کے لیے 13 ملین امریکی ڈالرز کی سرمایہ کاری کی گئی ہے، ڈھانچہ جاتی اصلاحات کو تمام سرکاری شعبوں میں مربوط انداز میں عملی شکل دی جا رہی ہے۔
وزیر خزانہ نے کہاکہ ٹیکسیشن نظام میں اے آئی پر مبنی اصلاحات نافذ کی جا رہی ہیں، جبکہ ایف بی آر میں افراد، طریقہ کار اور ٹیکنالوجی کے میدانوں میں اصلاحات عمل میں لائی جا رہی ہیں۔
انہوں نے مزید کہاکہ وفاقی حکومت میں رائٹ سائزنگ کا عمل جاری ہے، وزارتوں کے انضمام اور غیر ضروری محکموں کی بندش پر 70 فیصد کام مکمل ہو چکا ہے۔
وزیر خزانہ نے کہاکہ مستحکم معاشی ترقی کے لیے آبادی میں اضافہ اور موسمیاتی تبدیلیوں جیسے مسائل پر فوری توجہ دینے کی ضرورت ہے۔
محمد اورنگزیب نے کہاکہ موسمیاتی تبدیلی سےنمٹنے کے لیے فنڈز دستیاب ہیں، ہمیں ان کا دانشمندانہ استعمال کرنا ہوگا۔
مزید پڑھیں: سیلاب کے باعث جی ڈی پی گروتھ کی متوقع شرح میں کمی ہوسکتی ہے، وزیر خزانہ
ان کا کہنا تھا کہ غیرملکی کمپنیوں کی بڑی تعداد نے پاکستان کو کاروبار اور سرمایہ کاری کے لیے اچھی جگہ قرار دیا ہے، ہمیں روایتی شعبوں کے بجائے نئے شعبوں پر توجہ دینے کی ضرورت ہے، معاشی ترقی کے لیے نوجوان ٹیلنٹ کو مواقع فراہم کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سرمایہ کاری معاشی ترقی ملکی معیشت نجی شعبہ نوجوان ٹیلنٹ وی نیوز
سرکاری ملازمین کیلئے بڑی خوشخبری، ہاؤس رینٹ سیلنگ میں 85 فیصد تک اضافہ