قومی ترقی کیلئے معاشی ترقی کو پائیداری سے ہم آہنگ کرنا ناگزیر ہے، فیصل کریم کنڈی
اشاعت کی تاریخ: 5th, November 2025 GMT
کراچی:
خیبرپختونخوا کے گورنر فیصل کریم کنڈی نے کہا ہے کہ قومی ترقی کے لیے جدت کو شمولیت، ٹیکنالوجی کو شفافیت اور معاشی ترقی کو پائیداری سے ہم آہنگ کرنا ناگزیر ہے اور نوجوان اس تبدیلی کی اصل قوت ہیں۔
کراچی میں منعقدہ فیوچر سمٹ 2025 کے 9ویں ایڈیشن سے خطاب کرتے ہوئے خیبرپختونخوا کے گورنر فیصل کریم کندی نے مستقبل کے تعین میں اجتماعی کردار پر زور دیتے ہوئے کہا کہ دنیا تیز رفتار تبدیلیوں کے دور سے گزر رہی ہے، ایسے میں درست سمت کا تعین صرف ایک انتخاب نہیں بلکہ وقت کی ضرورت ہے۔
انہوں نے زور دیا کہ قومی ترقی کے لیے جدت کو شمولیت، ٹیکنالوجی کو شفافیت اور معاشی ترقی کو پائیداری سے ہم آہنگ کرنا ناگزیر ہے۔
فیصل کریم کنڈی نے کہا کہ یہ سمٹ پالیسی سازوں، ماہرین اور صنعت کاروں کے لیے ایک بہترین موقع ہے جہاں وہ پاکستان کے بہتر مستقبل کے لیے قابل عمل تجاویز اور شراکت داری تشکیل دے سکتے ہیں۔
انہوں نے مزید کہا کہ ترقی ہمیشہ ہمت اور جدت سے جنم لیتی ہے اور پاکستان کے نوجوان اس تبدیلی کی اصل قوت ہیں۔
گورنر خیبرپختونخوا نے کہا کہ ہمارا ملک قدرتی وسائل سے مال مال ہے، ہمارے پاس نوجوان افرادی قوت ہے، ہمیں اپنے وسائل اور افرادی قوت کومؤثر انداز سے بروئے کار لانا ہوگا، پبلک اور پرائیویٹ سیکٹر ترقی کے سفر میں ایک دوسرے کے شراکت دار ہیں۔
ان کا کہنا تھا کہ سرمایہ کاروں کو خیبرپختونخوا میں سرمایہ کاری کی دعوت دیتا ہوں، خیبرپختونخوا میں ڈیجیٹل ٹرانسفارمیشن، سیاحت کے فروغ اور نوجوانوں کو با اختیار بنانے پر توجہ دے رہے ہیں۔
.ذریعہ: Express News
کلیدی لفظ: فیصل کریم کہا کہ کے لیے
پڑھیں:
پاکستان درست سمت میں گامزن، پائیدار ترقی کے لیے ڈھانچہ جاتی اصلاحات اور ڈیجیٹائزیشن ناگزیر، وزیرِ خزانہ محمد اورنگزیب
وفاقی وزیرِ خزانہ سینیٹر محمد اورنگزیب نے کراچی میں 2 روزہ ’دی فیوچر سمٹ‘ کی افتتاحی نشست سے خطاب کرتے ہوئے کہا کہ پاکستان کی معیشت درست سمت میں گامزن ہے اور عالمی ریٹنگ ایجنسیوں نے بھی اس معاشی بہتری کا اعتراف کیا ہے۔
انہوں نے کہا کہ پائیدار معاشی ترقی کے لیے نجی شعبے کا کردار نہایت اہم ہے، اور پاکستان کو برآمدات کا مرکز بنانے کے لیے ٹھوس اقدامات کیے جا رہے ہیں۔
وزیرِ خزانہ نے کہا کہ پیداواری بنیاد پر مبنی ترقی ہی معیشت کے استحکام کا پائیدار راستہ ہے، جبکہ ڈھانچہ جاتی اصلاحات کو تمام سرکاری اداروں میں مربوط انداز میں نافذ کیا جا رہا ہے۔
مزید پڑھیں: پیٹرولیم مصنوعات پر سیلز ٹیکس لگنے کی بات درست نہیں، وفاقی وزیرِ خزانہ محمد اورنگزیب
ان کے مطابق ٹیکسیشن نظام میں مصنوعی ذہانت (AI) کے ذریعے شفافیت لائی جا رہی ہے اور ایف بی آر میں افراد، طریقہ کار اور ٹیکنالوجی کے شعبوں میں اصلاحات جاری ہیں۔
محمد اورنگزیب نے کہا کہ ڈیجیٹائزیشن سے معیشت میں شفافیت اور اعتماد بڑھے گا، جس کے نتیجے میں ٹیکس گوشوارے جمع کرانے والوں کی تعداد میں بھی نمایاں اضافہ ہوا ہے۔
انہوں نے مزید کہا کہ دنیا کے کئی ممالک اپنے معاشی نظام میں اصلاحات لا رہے ہیں اور پاکستان بھی اسی سمت بڑھ رہا ہے۔ میكرو اکنامک استحکام کوئی حتمی مقصد نہیں بلکہ پُراعتماد سرمایہ کاری کا ذریعہ ہے، اور اب پاکستان ایک ایسی معیشت بن چکا ہے جو بین الاقوامی کارپوریٹ سرمایہ کاروں کے لیے قابلِ عمل ہے۔
وزیرِ خزانہ نے بتایا کہ گوگل پاکستان کو ایک تکنیکی اور آئی ٹی مرکز بنانے کے لیے تعاون کر رہا ہے جبکہ ایک نجی سرمایہ کار نے ایل یو ایم ایس میں بلاک چین سینٹر کے قیام کے لیے 13 ملین امریکی ڈالر کی سرمایہ کاری کی ہے۔
مزید پڑھیں: پاکستان کی 100 ارب ڈالر ’بلیو اکانومی‘ کی صلاحیت کو اجاگر کرنا ہوگا، وزیر خزانہ محمد اورنگزیب
انہوں نے کہا کہ عالمی معیشت میں استحکام کے لیے نجی شعبے کا متحرک کردار اور پیداوار پر مبنی ترقی ناگزیر ہے، جبکہ جیوپولیٹیکل تبدیلیاں موجودہ عالمی غیر یقینی صورتِ حال میں ایک بڑا کردار ادا کر رہی ہیں۔
وزیرِ خزانہ نے یقین دلایا کہ پاکستان کی حکومت معاشی اصلاحات، شفافیت اور ٹیکنالوجی کے فروغ کے ذریعے ملک کو پائیدار ترقی کے راستے پر گامزن رکھنے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دی فیوچر سمٹ کراچی وفاقی وزیر خزانہ سینیٹر محمد اورنگزیب
پی ڈی ایم اے سندھ کے ہیڈکوارٹرز کا دورہ