معاشی ترقی کے لیے نوجوان ٹیلنٹ کو مواقع فراہم کرنا ہوگا، وزیر خزانہ محمد اورنگزیب
اشاعت کی تاریخ: 5th, November 2025 GMT
وفاقی وزیر خزانہ و محصولات محمد اورنگزیب نے کہا ہے کہ معیشت میں استحکام کے لیے نجی شعبے کا کردار اور پیداوار میں اضافہ اہم ہے۔ معاشی ترقی کے لیے نوجوان ٹیلنٹ کو مواقع فراہم کرنا ہوگا۔
دی فیوچر سمٹ کے نویں ایڈیشن سے خطاب کرتے ہوئے انہوں نے کہاکہ جیو پولیٹیکل تبدیلیاں موجودہ عالمی غیر یقینی صورت حال میں بڑا کردار ادا کر رہی ہیں۔
مزید پڑھیں: حکومت بلیو اکانومی کے وسائل کو بروئے کار لانے کے لیے پرعزم ہیں: وزیر خزانہ
محمد اورنگزیب نے کہاکہ میكرو اکنامک استحکام کوئی حتمی منزل نہیں بلکہ معیشت میں پراعتماد سرمایہ کاری کا ذریعہ ہے، کارپوریٹ منافع میں مسلسل اضافہ ہو رہا ہے اور پاکستان اب بین الاقوامی کارپوریٹ سرمایہ کاروں کے لیے ایک قابل عمل معیشت بن چکا ہے۔
انہوں نے کہاکہ ہم اے آئی پر مبنی ترقی کے لیے ڈیجیٹل انفراسٹرکچر کی فراہمی پر کام کر رہے ہیں، گوگل پاکستان کو ایک ٹیکنیکل اور آئی ٹی مرکز بنانے کے لیے تعاون کر رہا ہے۔
انہوں نے کہاکہ ایک نجی سرمایہ کار کی جانب سے ایل یو ایم ایس میں بلاک چین سینٹر کے قیام کے لیے 13 ملین امریکی ڈالرز کی سرمایہ کاری کی گئی ہے، ڈھانچہ جاتی اصلاحات کو تمام سرکاری شعبوں میں مربوط انداز میں عملی شکل دی جا رہی ہے۔
وزیر خزانہ نے کہاکہ ٹیکسیشن نظام میں اے آئی پر مبنی اصلاحات نافذ کی جا رہی ہیں، جبکہ ایف بی آر میں افراد، طریقہ کار اور ٹیکنالوجی کے میدانوں میں اصلاحات عمل میں لائی جا رہی ہیں۔
انہوں نے مزید کہاکہ وفاقی حکومت میں رائٹ سائزنگ کا عمل جاری ہے، وزارتوں کے انضمام اور غیر ضروری محکموں کی بندش پر 70 فیصد کام مکمل ہو چکا ہے۔
وزیر خزانہ نے کہاکہ مستحکم معاشی ترقی کے لیے آبادی میں اضافہ اور موسمیاتی تبدیلیوں جیسے مسائل پر فوری توجہ دینے کی ضرورت ہے۔
محمد اورنگزیب نے کہاکہ موسمیاتی تبدیلی سےنمٹنے کے لیے فنڈز دستیاب ہیں، ہمیں ان کا دانشمندانہ استعمال کرنا ہوگا۔
مزید پڑھیں: سیلاب کے باعث جی ڈی پی گروتھ کی متوقع شرح میں کمی ہوسکتی ہے، وزیر خزانہ
ان کا کہنا تھا کہ غیرملکی کمپنیوں کی بڑی تعداد نے پاکستان کو کاروبار اور سرمایہ کاری کے لیے اچھی جگہ قرار دیا ہے، ہمیں روایتی شعبوں کے بجائے نئے شعبوں پر توجہ دینے کی ضرورت ہے، معاشی ترقی کے لیے نوجوان ٹیلنٹ کو مواقع فراہم کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سرمایہ کاری معاشی ترقی ملکی معیشت نجی شعبہ نوجوان ٹیلنٹ وی نیوز.ذریعہ: WE News
کلیدی لفظ: سرمایہ کاری ملکی معیشت نوجوان ٹیلنٹ وی نیوز معاشی ترقی کے لیے محمد اورنگزیب نوجوان ٹیلنٹ سرمایہ کاری کرنا ہوگا نے کہاکہ انہوں نے
پڑھیں:
عالمی معاشی ادارے پاکستان کی بڑھتی معیشت کی تعریف کررہے ہیں،وزیرخزانہ محمد اورنگزیب
عالمی معاشی ادارے پاکستان کی بڑھتی معیشت کی تعریف کررہے ہیں،وزیرخزانہ محمد اورنگزیب WhatsAppFacebookTwitter 0 4 November, 2025 سب نیوز
کراچی (سب نیوز)وفاقی وزیرخزانہ محمد اورنگزیب کا کہنا ہے کہ پاکستان میں حالیہ سیلاب کی وجہ سے وقتی طور پر معیشت کمزور ہوئی تھی، دنیا کے بہترین معاشی ادارے پاکستان کی بڑھتی معیشت کی تعریف کررہے ہیں۔
کراچی ایکسپو سینٹر میں دو روزہ میری ٹائم کانفرنس سے خطاب میں محمد اورنگزیب نے کہا کہ بیلو اکنامی پاکستان کی معیشت میں معاون ثابت ہو سکتی ہے، مستقبل میں بیلو اکنامی کے زریعے معاشی اہداف حاصل کیے جا سکتے ہیں، میری ٹائم کانفرنس کا مقصد یہ بھی ہے کہ بیرونی سرمایہ کاروں پر راغب کیا جائے۔
وزیرخزانہ کا کہنا تھا کہ ہمیں اپنے ایکسپورٹ کو بڑھانا ہوگا، میں یقین دلاتا ہو کہ بیلو اکنامی کے حوالے پالیسی مسائل حل کیے جائیں گے، معاشی ترقی کے لیے سستی توانائی کا حصول بھی اہم مسلہ ہے، حکومت معاشی بنیادی اصلاحات کے ایجنڈے پر عمل پیرا ہے۔محمد اورنگزیب کا کہنا تھا کہ پاکستان کی معیشت درست سمت کی جانب گامزن ہے، بنیادی اصلاحات مستحکم ترقی کے لیئے ضروری ہے، بہت خوشی کی بات ہے کہ بین الاقوامی میری ٹائم کانفرنس ہورہی ہے۔ بلیو اکنامی پاکستان کے لیے گیم چینجر ثابت ہو گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآئین مقدس ضرور حرف آخر نہیں، بہتری کیلئے ترامیم ناگزیر ہیں: رانا ثناء اللہ آئین مقدس ضرور حرف آخر نہیں، بہتری کیلئے ترامیم ناگزیر ہیں: رانا ثناء اللہ علیمہ خان کی گرفتاری ایک مرتبہ پھر ٹل گئی سی ڈی اے نے نیشنل کوآپریٹو ہاؤسنگ سوسائٹی اور ارتھ ڈویلپرز کو فائنل شوکاز نوٹس جاری کر دیا،کاپی سب نیوز پر آزاد کشمیر کی سیاست میں غیر یقینی صورتحال برقرار، 72 گھنٹے اہم پیمرا کو منشیات کے خاتمےسے متعلق چینلز پر پرائم ٹائم کے دوران آگاہی مہم چلانے کی ہدایت قلات: سکیورٹی فورسز کے آپریشن میں بھارتی سرپرستی یافتہ 4 دہشتگرد ہلاکCopyright © 2025, All Rights Reserved
رابطہ کریں ہماری ٹیم
گورنر سندھ نے کراچی میں میٹا کا دفتر قائم کرنے کی تجویز پیش کر دی