فرانس کے مشہور فٹبالر ایمباپے فیفا کلب ورلڈ کپ کے دوران اسپتال میں داخل
اشاعت کی تاریخ: 20th, June 2025 GMT
FLORIDA:
اسپین کے کلب ریال میڈرڈ کی نمائندگی کرنے والے فرانس کے مشہور فٹ بالر کلیان ایمباپے کو فیفا کلب ورلڈ کپ کے دوران معدے کی تکلیف کے باعث اسپتال میں داخل کرادیا گیا ہے۔
ریال میڈرڈ نے بیان میں کہا کہ ایمباپے کو معدے میں تکلیف کے باعث اسپتال میں داخل کرادیا گیا ہے اور اسی لیے وہ فیفا کلب ورلڈ کپ میں اپنے کلب کے پہلے میچ میں حصہ نہیں لے سکے تھے۔
بیان میں کہا گیا کہ بدھ کو میامی میں سعودی عرب کے فٹ بال کلب الہلال کے خلاف ریال میڈرڈ کے پہلے میچ میں ایمباپے بخار کی وجہ سے شرکت نہیں کرسکے تھے۔
ریال میڈرڈ کے کوچ زیبی الینسو نے کہا کہ امید ہے کہ ایمباپے اتوار کو شیڈول میچ میں ٹیم کو دستیاب ہوں گے۔
کلب نے ایک بیان میں کہا کہ ہمارے کھلاڑی ایمباپے کو معدے کی تکلیف ہے اور انہیں اسپتال میں ایڈمٹ کیا گیا ہے، مختلف ٹیسٹس کے بعد ان کا علاج کیا جا رہا ہے۔
خیال رہے کہ ایمباپے کے بغیر ریال میڈرڈ اپنے پہلے میچ میں الہلال کو زیر کرنے میں ناکام رہی اور میچ 1-1 گول سے برابر رہا اور فیڈریکو ویلویرڈے نے پنالٹی ضائع کرکے ٹورنامنٹ میں قیمتی 3 پوائنٹس حاصل کرنے کا موقع بھی گنوا دیا۔
رپورٹ میں بتایا گیا کہ ایمباپے نے اتوار کو اسکواڈ کے ساتھ فلوریڈا کے پام بیچ گارڈنز میں ٹریننگ میں حصہ لیا تھا لیکن منگل کو میچ سے قبل آخری سیشن میں حصہ نہیں لے پائے تھے۔
ایمباپے نے آخری انٹرنیشنل میچ فرانس کی جانب سے جرمنی کے خلاف یوئیفا نیشنزلیگ کے تیسرے نمبر کے لیے کھیلا تھا جبکہ فرانس کو اسپین کے ہاتھوں 4-5 سے سیمی فائنل میں شکست ہوئی تھی۔
ایمباپے نے سنسنی خیز سیمی فائنل میں فرانس کی جانب سے پہلا گول بھی داغ دیا تھا۔
.ذریعہ: Express News
کلیدی لفظ: ریال میڈرڈ اسپتال میں میچ میں
پڑھیں:
پاکستان کی سفارتکاری نئے اعتماد اور استحکام کے دور میں داخل ہو چکی ہے: خواجہ آصف
اسلام آباد میں منعقدہ پاکستان کی سفارتی کامیابیوں کے موضوع پر سیمینار سے خطاب کرتے ہوئے وزیرِ دفاع خواجہ آصف نے کہا کہ پاکستان کی خارجہ پالیسی ایک نئے مرحلے میں داخل ہو چکی ہے، جو ملکی مفادات، علاقائی تعاون اور عالمی سطح پر اعتماد و استحکام کی عکاسی کرتی ہے۔انہوں نے کہا کہ چین پاکستان کا ہر موسم کا دوست ہے اور دونوں ممالک سی پیک فیز تھری پر تیزی سے کام بڑھانے کے لیے پرعزم ہیں۔وزیرِ دفاع نے کہا کہ پاکستان نے گزشتہ برسوں میں اپنی خارجہ پالیسی میں واضح پیش رفت کی ہے۔انہوں نے بتایا کہ پاکستان اور چین کے تعلقات پہلے سے زیادہ مضبوط بنیادوں پر استوار ہو رہے ہیں، جبکہ سی پیک فیز تھری کے منصوبے پاکستان کی معاشی ترقی اور علاقائی رابطوں کے لیے سنگِ میل ثابت ہوں گے۔خواجہ آصف نے کہا کہ وسط ایشیائی ممالک، بالخصوص آذربائیجان اور ترکمانستان تک پاکستان کی رسائی میں نمایاں بہتری آئی ہے. جس سے تجارتی و توانائی تعاون کے نئے دروازے کھل رہے ہیں۔انہوں نے اس بات پر زور دیا کہ پاکستان آج عالمی سطح پر اسلاموفوبیا کے خلاف ایک مؤثر آواز بن کر ابھرا ہے۔ وزیرِ دفاع نے کہا کہ یہ پاکستان کی سفارتی خوداعتمادی اور پالیسی کے تسلسل کا نتیجہ ہے۔سعودی عرب کے ساتھ تعلقات پر بات کرتے ہوئے خواجہ آصف نے کہا کہ ریاض کی جانب سے مختلف شعبوں میں سرمایہ کاری میں اضافہ ہو رہا ہے، جو دونوں ممالک کے تعلقات میں گہرے اعتماد کا مظہر ہے۔خواجہ آصف نے کہا کہ پاکستان کی سفارتکاری آج اعتماد، استحکام اور حقیقت پسندی کی عکاسی کر رہی ہے، جو ملک کے روشن اور خودمختار مستقبل کی ضمانت ہے۔
کراچی، نادرن بائی پاس پر پلاسٹک کے گودام میں آگ لگ گئی