دنیا کے امیر ترین شخص ایلون مسک کمپیوٹر استعمال نہیں کرتے، وکلا کا دعویٰ
اشاعت کی تاریخ: 25th, June 2025 GMT
نیویارک (نیوزڈیسک)ٹیسلا اور اسپیس ایکس جیسی کمپنیوں کے مالک ایلون مسک کو ٹیکنالوجی کی دنیا کا بڑا نام تصور کیا جاتا ہے، مگر وہ کمپیوٹر استعمال نہیں کرتے۔
جی ہاں واقعی یہ دعویٰ ایلون مسک کے وکلا کی جانب سے کیلیفورنیا کی ایک عدالت میں زیرسماعت مقدمے کے دوران کیا گیا۔
وکلا نے عدالت میں جمع کرائے گئے بیان میں کہا گیا کہ ایلون مسک کے موبائل فونز اور ای میلز کو سرچ کیا جاسکتا ہے، مگر وہ کمپیوٹر استعمال نہیں کرتے۔
یہ مقدمہ دنیا کے امیر ترین شخص ایلون مسک اور چیٹ جی پی ٹی تیار کرنے والی کمپنی اوپن اے آئی کے درمیان جاری قانونی تنازع کا حصہ ہے۔
دونوں فریقین کی جانب سے ایک دوسرے کے بارے میں شواہد جمع کیے جا رہے ہیں۔
ایلون مسک کی جانب سے کمپیوٹر استعمال کرنے کا دعویٰ اس لیے حیران کن ہے کیونکہ اکثرایکس (ٹوئٹر) پر تصاویر یا پوسٹس میں وہ اپنے لیپ ٹاپ کا حوالہ دیتے رہتے ہیں۔
درحقیقت اکثر وہ گیمنگ کے حوالے سے بھی ایسی پوسٹس اور کمنٹس کرچکے ہیں جن سے عندیہ ملتا ہے کہ وہ کمپیوٹر استعمال کرتے ہیں۔
یعنی وہ جن ویڈیو گیمز کا حوالہ دیتے ہیں، ان میں سے اکثر صرف کمپیوٹر پر ہی کھیلی جاسکتی ہیں۔
اسی طرح دسمبر 2024 میں انہوں نے ایکس پر ایک لیپ ٹاپ کی تصویر پوسٹ کرتے ہوئے لکھا تھا کہ ‘یہ میرے لیپ ٹاپ کی تصویر ہے، یہ 3 سال پرانا لیپ ٹاپ ہے’۔
مگر وکلا کے مطابق ایلون مسک لگ بھگ اپنا تمام کام موبائل فون پر کام کرتے ہیں اور اس کے لیے بڑے ڈسپلے والے فونز کو ترجیح دیتے ہیں۔
ایلون مسک کی جانب سے اوپن اے آئی اور سام آلٹمین کے خلاف مقدمہ دائر کرتے ہوئے الزام عائد کیا تھا کہ اوپن اے آئی کو غیر منافع بخش بنیادوں پر کام کرنے کے لیے قائم کیا گیا تھا مگر سام آلٹمین اور کمپنی نے ان اصولوں کی خلاف ورزی کی ہے۔
اوپن اے آئی نے ان الزامات کی تردید کی تھی۔
اب دونوں فریقین کی جانب سے عدالت میں جمع کرائے گئے جوابات میں دستاویزات اور ای میلز کو شواہد کے طور پر پیش کرنے کا مطالبہ کیا گیا ہے۔
ٹیلی نار پاکستان اور پی ٹی سی ایل، یوفون کا معاہدہ ستمبر 2025 تک توسیع، ریگولیٹری منظوریوں کا انتظار
ذریعہ
ذریعہ: Daily Ausaf
کلیدی لفظ: کمپیوٹر استعمال کی جانب سے ایلون مسک اوپن اے لیپ ٹاپ
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی