لاہور: نجی اسپتال سے ملنے والی غیر ملکی خاتون کی لاش کی شناخت ہوگئی
اشاعت کی تاریخ: 26th, June 2025 GMT
فائل فوٹو
لاہور میں نشتر کالونی کے نجی اسپتال سے ملنے والی غیر ملکی خاتون کی لاش کی شناخت چومبا کیرن کے نام سے ہو گئی ہے، جو زیمبیا کی شہری تھی۔
لاش چھوڑ کر بھاگنے والا اس کا ہی ساتھی نکلا، سی سی ٹی وی بھی منظر عام پر آ گئی ہے۔
ڈی آئی جی آپریشنز فیصل کامران کے مطابق زیمبیا کی چومبا کیرن کو اسپتال میں چھوڑ نے والے شخص کی شناخت ولیری نکومبو کے نام سے ہوئی ہے۔
سی سی ٹی وی میں دیکھا گیا کہ ملزم خاتون کو چھوڑ کر فرار ہو رہا ہے۔ ڈاکٹروں نے خاتون کو چیک کیا تو پتہ چلا کہ وہ پہلے ہی دم توڑ چکی ہے۔
پولیس کےمطابق خاتون اور ملزم دونوں نشتر ٹاؤن گلشن مدینہ کالونی میں کرائے پر رہتے تھے، ملزم خاتون کو کرائے کی گاڑی میں اسپتال لے کر آیا تھا، ملزم کی گرفتاری کیلئے ٹیم تشکیل دی گئی ہے۔
.ذریعہ: Jang News
پڑھیں:
پوتے خرچہ نہ ملنے پر دادا کے خلاف لاہور ہائیکورٹ پہنچ گئے
لاہور (اُردو پوائنٹ اخبارتازہ ترین - این این آئی۔ 26 ستمبر2025ء) پوتے خرچہ نہ ملنے پر دادا کے خلاف لاہور ہائیکورٹ پہنچ گئے، عدالت نے دادا کی پراپرٹی بحقِ سرکار ضبط کررکھی ہے۔لاہور ہائیکورٹ میں ایک منفرد کیس کی سماعت ہوئی جس میں دادا کی جانب سے خرچہ نہ ملنے پر معصوم پوتے اور پوتی نے لاہور ہائیکورٹ سے رجوع کیا۔ جسٹس حسن نواز مخدوم نے سات سالہ سعدیہ اختر، پانچ سالہ عبدالکریم اور چار سالہ محمد اذان کی طرف سے دائر درخواست پر سماعت کی۔ بچوں کی جانب سے ایڈووکیٹ راجہ عبدالرحمان پیش ہوئے اور دلائل دیئے ۔، راجہ عبدالرحمان ایڈوکیٹ نے بتایا کہ بچوں کے والد اختر رسول کی شادی اسما پروین سے ہوئی تھی جن سے تین بچے پیدا ہوئے تاہم گھریلو ناچاکی کے باعث میاں بیوی میں علیحدگی ہوگئی۔(جاری ہے)
علیحدگی کے بعد خرچے کی ڈگری جاری ہوئی لیکن بچوں کا باپ اور دادا سعودی عرب روانہ ہوگئے اور بچوں کو خرچہ دینا بند کردیا۔
ایڈووکیٹ راجہ عبدالرحمان نے عدالت کو آگاہ کیا کہ فیملی کورٹ نے دادا محمد اشرف کو تینوں بچوں کو فی کس 8ہزار ٹوٹل 24ہزار روپیہ ماہانہ خرچہ مقرر کیا تاہم عدالتی حکم پر عملدرآمد نہ کیا گیا جس پر فیملی کورٹ نے دادا کی پراپرٹی ضبط کرنے کا حکم جاری کیا۔ بعدازاں ڈسٹرکٹ کورٹ نے دادا کی اپیل پر پراپرٹی ڈی سیل کرنے کا فیصلہ دیا تاہم لاہور ہائیکورٹ نے دوبارہ پراپرٹی ضبط کرنے کا حکم بحال کر دیا۔سماعت کے دوران بچوں کے دادا کے وکیل نے موقف اپنایا کہ وہ خرچہ دینے کے لیے تیار ہیں اور استدعا کی کہ پراپرٹی ڈی سیل کرنے کا حکم دیا جائے۔ تاہم عدالت نے یہ استدعا مسترد کر دی اور واضح کیا کہ دادا عدالتی حکم کے مطابق بچوں کو خرچہ ادا کریں۔عدالت نے دادا کو بچوں کے ساتھ مصالحت کے لیے آئندہ سماعت تک مہلت دیتے ہوئے ریمارکس دئیے کہ بچے اپنے دادا کی پراپرٹی کی نیلامی کے لئے فی الحال اصرار نہ کریں ۔ کیس کی مزید سماعت آئندہ تاریخ تک ملتوی کر دی گئی۔
نبی کریمﷺ کی تعلیمات پرعمل کرکے امن قائم کیاجاسکتا ہے،مولاناعتیق