چھ سال تک ایک ہی نمبر سے کھیلنے والی امریکی خاتون کی قسمت جاگ اٹھی، 1.5 لاکھ ڈالر کی لاٹری جیت لی
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
شمالی کیرولائنا: امریکا میں ایک خاتون نے خاص نمبر سے 17 کروڑ روپے (6 لاکھ 26 ہزار 575 ڈالر) سے زائد مالیت کی لاٹری جیت لی۔
بین الاقوامی میڈیا کے مطابق امریکی ریاست شمالی کیرولائنا میں ایک خاتون نے چھ سال تک ایک ہی نمبروں کا سیٹ استعمال کرنے کے بعد بالآخر اپنی قسمت آزمائی میں کامیابی حاصل کرلی اور ڈیڑھ لاکھ ڈالر سے زائد مالیت کی لاٹری جیت لی۔
ریاست کے علاقے ہوپ ملز (Hope Mills) سے تعلق رکھنے والی باربرا منفورڈ (Barbara Manford) نے بتایا کہ انہوں نے چھ سال قبل کیش 5 لاٹری کے لیے مخصوص نمبروں کا ایک سیٹ منتخب کیا تھا اور اس کے بعد سے وہ ہر بار انہی نمبروں کے ساتھ لاٹری کھیلتی رہیں، ان کی بہن نے انہیں یہی مشورہ دیا تھا کہ ایک دن یہی نمبر تمہاری قسمت بدل دیں گے۔
ان کی بہن کی یہ بات رواں ہفتے سچ ثابت ہوگئی جب پیر کے روز باربرا نے 1 لاکھ 54 ہزار 168 امریکی ڈالر کی لاٹری جیت لی، جو پاکستانی روپے میں تقریباً 4 کروڑ 35 لاکھ کے برابر بنتی ہے۔
باربرا منفورڈ کا کہنا تھا کہ جب انہوں نے اپنی جیت کی خبر سنی تو پہلے تو یقین ہی نہیں آیا، لیکن جب تصدیق ہوئی تو وہ خوشی سے رو پڑیں، وہ اس رقم سے اپنے قرض اتارنے اور باقی پیسہ بچت میں لگانے کا ارادہ رکھتی ہیں۔
دلچسپ بات یہ ہے کہ کیش 5 لاٹری کے فاتحین کے چانسز لاکھوں میں ایک ہوتے ہیں، مگر باربرا نے اپنی مستقل مزاجی سے یہ ثابت کردیا کہ کبھی کبھار قسمت اُنہی کا ساتھ دیتی ہے جو ہار نہیں مانتے۔
ذریعہ: Jasarat News
کلیدی لفظ: کی لاٹری جیت لی
پڑھیں:
امریکی عوام میں اعتماد بحالی: اسرائیل نے لاکھوں ڈالر خرچ کرڈالے، ہارٹز کا انکشاف
data-id="863a0a8" data-element_type="widget" data-widget_type="theme-post-content.default">
عالمی میڈیا کے مطابق اسرائیلی اخبار ہارٹز نے انکشاف کیا ہےکہ اسرائیلی حکومت نے امریکی عوام کی نظر میں اپنا اعتبار بحال کرنے کے لیے حالیہ مہینوں میں لاکھوں ڈالر کے ٹھیکے دیے۔
اخبار کے مطابق اسرائیل نے امریکی عوام کی آن لائن اور آف لائن ہم دردیاں خریدنے کے لیے کوششیں کی ہیں۔ اسرائیل نےکچھ اداروں کو ٹھیکے دیے ہیں تا کہ وہ امریکا میں گرجا گھروں کو جانے والے لاکھوں افراد میں اسرائیل کی حمایت میں مہم چلا سکیں۔
رپورٹ میں بتایا گیا کہ امریکا کے قدامت پسند دائیں بازو میں بھی اسرائیل کی حمایت کم ہو چکی ہے جنہیں روایتی طور پر اسرائیل کا حامی تصور کیا جاتا تھا۔
اس کے علاوہ اداروں کو اسرائیل کی حمایت میں میسیجز چلانے اور سرچ انجن میں اسرائیل کی منشا کے مطابق جوابات فراہم کرنے کی ذمے داری بھی سونپی گئی ہے۔
سندھ ہائیکورٹ: کراچی میں ای چالان کے خلاف درخواست پر فریقین کو نوٹس جاری