ناقص آئل میں کباب فرائی، ’چپلی کباب کے ساتھ کینسر فری ہے‘
اشاعت کی تاریخ: 27th, June 2025 GMT
آج کل لوگوں میں ہوٹلوں سے کھانے کا رجحان غیر معمولی حد تک بڑھ چکا ہے اور جتنا ان ہوٹلوں کی تعداد میں اضافہ ہو رہا ہے اتنے ہی وہاں پر صفائی کے ناقص انتظامات ہیں۔ گندی اور غیر معیاری جگہوں پر تیار ہونے والے کھانے سے مختلف بیماریاں جنم لینے لگی ہیں۔ مختلف ہوٹل شہریوں کو غیرمعیاری کھانا فروخت کر کے ان کی زندگیوں سے کھیل رہے ہیں۔
سوشل میڈیا پر ایک ایسی ہی ویڈیو وائرل ہو رہی ہے جس میں دکان میں بیٹھا ایک شخص کباب بنانے کی تیاری کر رہا ہے جس کے لیے وہ ہاتھ سے انڈا مکس کر کے کالے رنگ کے ناقص آئل میں ڈالتا ہے اور اسے شیلف پر رکھے ہوئے قیمے میں مکس کر کے اسی آئل میں کباب فرائی کرتا ہے۔ اس سب کے دوران نہ ہی اس نے دستانوں کا استعمال کیا اور نہ ہی حفظان صحت کے اصولوں کا خیال نہیں رکھا۔
ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ عرفان اکبر نے ویڈیو شیئر کرتے ہوئے لکھا کہ پاکستان میں فوڈ انسپکشن ادارے کی اشد ضرورت ہے۔
پاکستان میں فوڈ انسپکشن ادارے کی اشد ضرورت ہے pic.
— Irfan Akbar (@majorirfanakbar) June 27, 2025
ایک صارف نے کہا کہ کھانا صرف اپنے گھر کا اچھا ہوتا ہے۔ بیشک سادہ روٹی اچار کے ساتھ ہو۔
ایک بات یاد رکھیں۔ کھانا صرف اپنے گھر کا اچھا ہوتا ہے۔ بیشک سادہ روٹی اچار کے ساتھ ہو
— Ab karim (@KarimabKarim) June 27, 2025
ایک ایکس صارف نے کہا کہ پنجاب میں فوڈ اتھارٹی نے بہت اچھا کام شروع کیا تھا پھر مافیا سے برداشت نہی ہوا، صارف نے مزید کہا کہ ہماری حکومتیں عوام کی سنیں نہ سنیں مگر مافیاز کے سامنے گھٹنے ٹیک دیتی ہیں۔
پنجاب میں فوڈ اتھارٹی نے بہت اچھا کام شروع کیا تھا پھر مافیا سے برداشت نہی ہوا ، ہماری حکومتیں عوام کی سنیں نہ سنیں مگر مافیاز کے سامنے تو ایک منٹ میں لیٹ جاتی ہیں
— Desi Pardesi (@Dilhytumhara) June 27, 2025
میجر محمد عامر نے دکاندار کو تنقید کا نشانہ بناتے ہوئے لکھا کہ چپلی کباب کے ساتھ کینسر فری ہے۔
Chapli kabab with free cancer
— Major Muhammad Amir (@maj_aamirtauni) June 27, 2025
سکندر علی لکھتے ہیں فوڈ اتھارٹی پاکستان کے ہر صوبے میں ہے لیکن وہ صرف تب ہی کام کرتی ہیں جب ان کا موڈ ہوتا ہے۔
Food authority har province men Hy Lekin wo kabhi kabhi Kam karte hen in ka mood ho to https://t.co/dS0bOnY8Mu
— Sikandar Ali (@SKjourneybegins) June 27, 2025
ایک صارف نے کہا کہ اس شخص کو کڑی سے کڑی سزا دی جائے اور کسی کو بھی عوام کی صحت سے کھیلنے کی اجازت نہ دی جائے۔
⚠️ He should be punished severely, no one should be allowed to play with the health of public…. unhygienic ⚠️ https://t.co/wWVuhZmpGs
— VOTER (@BouncerTweets) June 27, 2025
شہریوں نے انتظامیہ سے مطالبہ کیا ہے کہ ایسے ہوٹلوں کے خلاف سخت کارروائی کی جائے اور ان کے مالکان کو بھاری جرمانے کئے جائیں تاکہ شہریوں کی صحت کی حفاظت ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چپلی کباب ریسٹورنٹس سٹریٹ فوڈ مضر صحت کھانے ہوٹلوں میں ناقص صفائی
ذریعہ
ذریعہ: WE News
کلیدی لفظ: ریسٹورنٹس سٹریٹ فوڈ مضر صحت کھانے میں فوڈ کے ساتھ کہا کہ
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ