میرپورخاص میں بھی یوم عاشور عقیدت واحترام سے منایا گیا
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت)میرپورخاص میں بھی یوم عاشور انتہائی عقیدت واحترام سے منایا گیا، فضا یاحسین یاحسین کی صداوں سے گونجتی رہی، ضلع بھر سے درجنوں علم وذوالجناح اور تعزیوں کے جلوس برآمد ہوئے، جلوسوں کے موقع پر پولیس اور رینجرز کی جانب سے سیکورٹی کے انتہائی سخت انتظامات کئے گئے تھے، وزیراعلیٰ سندھ کے معاون جنید بلند اور افسران نے ماتمی جلوسوں میں شریک ہوئے، ماتم کے دوران زخمیوں کی طبی امداد کیلئے مختلف سیاسی و سماجی اور فلاحی تنظیموں کی جانب سے کیمپ قائم کئے گئے تھے۔ تفصیلات کے مطابق یوم عاشور کو نماز فجر کے بعد حیدری مسجدوامام بارگاہ میں مجلس عزا منعقد ہوگی جس سے مولانا محمد جواد محمدی نے خطاب کیا جس کے بعد شبیہ علم وذالجناح کا ماتمی جلوس سید اعجاز حسین نقوی،ظہیر الحسن نقوی، سید طلعت رضا اور دیگر کی قیادت میں برآمد ہوا جو کہ اپنے مقررہ راستوں سے ہوتا مارکیٹ چوک پر پہنچا جہاں عزا داران حسین نے زنجیروں کا ماتم کیا بعد ازاں ماتمی جلوس امام بارگاہ درگاہ مکھن شاہ پر پہنچ کر اختتام پزیر ہو گیا، تقی شاہ پڑ سے علم وذوالجناح کا ماتم جلوس سید قربان حسین شاہ کی قیادت میں برآمد ہوا جو اپنے مقررہ راستوں سے ہوتا ہوا عارب شاہ بخاری پڑ پر پہنچ کر اختتام ہوا، عزا خانہ زہرا چاکی پاڑہ میں مجلس عزا سے مولانا ارشاد حسین عرفانی نے خطاب کیا جس کے بعد سید صغیر حسین نقوی، سید محمد علی نقوی کی قیادت میں شبیہ علم وذوالجناح اور تعزے کا ماتمی جلوس برآمد ہوا جو اپنے مقررہ راستوں سے ہوتا ہوا عزا خانہ نور حسین شاہ غریب آباد پہنچا جہاں جلوس کے شرکا نے نماز ظہرین ادا کی جس کے بعد مجلس عزا سے مولانا سید ضیا الحسن نقوی نے خطاب کیا جس کے بعد سید تحسین کاظمی اور دیگر کی قیادت ماتمی جلوس برآمد ہوا جو اپنے روایتی راستوں سے گزرتا ہوا اسٹیشن چوک پہنچا جہاں سے عزاء خانہ مولوی نوازش علی نقوی سے علم وذوالجناح کا ماتمی جلوس سید حمزہ نقوی، سید محمد شجاع نقوی کی قیادت میں برآمد ہوا جو کہ مرکزی جلوس کی صورت اختیار کر گیا عارب شاہ بخاری، ویدل شاہ بخاری، ادھ مکانی سمیت دیگر امام بار گاہوں اور عزا خانوں سے نکلنے والے ماتمی جلوس شاہ بخش بلوچ، نذیر بلوچ، بابر خاصخیلی، یاسر عمرانی، شہزاد قمبرانی اور دیگر کی قیادت میں نکلنے والے جلوس مرکزی ماتمی جلوس میں شامل ہو گئے ۔
.ذریعہ: Jasarat News
کلیدی لفظ: علم وذوالجناح برا مد ہوا جو کی قیادت میں ماتمی جلوس راستوں سے جس کے بعد
پڑھیں:
ملک بھر میں یوم عاشورآج مذہبی عقیدت و احترام سے منایا جائیگا
نواسہ رسولؐ حضرت امام حسینؓ اور شہدائے کربلا کی عظیم قربانیوں کی یاد میں ملک بھر میں یوم عاشورہ آج (اتوار کو) مذہبی عقیدت و احترام سے منایا جائے گا۔
اس دن کو عظیم تاریخی اور روحانی اہمیت حاصل ہے، جس میں مسلمان حضرت امام حسینؓ کی قربانی کو خراجِ عقیدت پیش کرتے ہیں۔
ملک کے تمام چھوٹے بڑے شہروں اور قصبوں میں تعزیتی جلسے، جلوس اور مجالس کا انعقاد کیا جائے گا، جن میں حضرت امام حسینؓ کی قربانیوں کا ذکر کیا جائے گا اور شہدائے کربلا کی عظمت کو اجاگر کیا جائے گا۔
اس دن کی مناسبت سے خصوصی مجالس اور دینی محافل منعقد ہوں گی، جن میں علمائے کرام امام حسینؓ کے پیغامِ حریت اور ان کی قربانیوں کی اہمیت پر روشنی ڈالیں گے۔
یوم عاشورہ کی مناسبت سے ملک بھر میں سیکیورٹی کے سخت انتظامات کیے گئے ہیں۔ قانون نافذ کرنے والے اداروں نے تمام اہم شہروں میں پولیس اور رینجرز کی بھاری نفری تعینات کر دی ہے۔
جلوسوں اور مجالس کے راستوں پر خصوصی چیک پوسٹیں قائم کی گئی ہیں اور سیکیورٹی کے تمام پہلوؤں کو پیش نظر رکھتے ہوئے غیر معمولی اقدامات اٹھائے گئے ہیں۔
سیکیورٹی خدشات کے پیش نظر یوم عاشورہ کے دوران موبائل فون سروس کو بعض علاقوں میں جزوی طور پر معطل رکھا جائے گا۔ یہ اقدام عوامی تحفظ کے لیے کیا گیا ہے تاکہ کسی بھی ناخوشگوار واقعے سے بچا جا سکے۔
عوام کی حفاظت کو یقینی بنانے کے لیے ملک کے مختلف حصوں میں ڈبل سواری پر بھی پابندی عائد کی گئی ہے۔ یہ پابندی اس بات کو یقینی بناتی ہے کہ جلوسوں اور دیگر مذہبی تقریبات میں کسی بھی قسم کی بد امنی یا تصادم کا سامنا نہ ہو۔
یوم عاشورہ کا دن مسلمانوں کے لیے صبر، قربانی، اور اصولوں پر ڈٹے رہنے کا پیغام ہے۔ اس دن حضرت امام حسینؓ نے اپنے اہلِ خانہ اور رفقاء کے ہمراہ کربلا کے میدان میں اپنی جانوں کا نذرانہ پیش کر کے باطل کے خلاف حق کی آواز بلند کی تھی، اور اس عظیم قربانی کی یاد میں ہر سال یہ دن مذہبی عقیدت سے منایا جاتا ہے۔
بحر اوقیانوس میں ہزاروں کلومیٹر اکیلے سفر کرنیوالی برطانوی خاتون