نوجوان گریجویٹس کے لیے خوشخبری، حکومت نے پیڈ انٹرن شپ پروگرام کا اعلان کردیا
اشاعت کی تاریخ: 26th, July 2025 GMT
آزاد جموں و کشمیر قانون ساز اسمبلی نے نوجوان گریجویٹس کی پیشہ ورانہ صلاحیتوں کو نکھارنے اور روزگار کے مواقع فراہم کرنے کے لیے ایک اہم قدم اٹھاتے ہوئے پارلیمانی انٹرن شپ پروگرام کا اعلان کردیا۔
اس پروگرام کا مقصد نوجوانوں کو جمہوری اقدار سے روشناس کروانا اور انہیں پارلیمانی امور کی عملی تربیت دینا ہے۔
یہ بھی پڑھیں: ٹورازم انٹرن شپ کیجیے، 60 ہزار روپے ماہانہ وظیفہ لیجیے، کون اپلائی کرسکتا ہے؟
اسمبلی کی جانب سے جاری کردہ اعلامیے کے مطابق انٹرن شپ پروگرام 6 ماہ پر مشتمل ہوگا، جس میں 53 انٹرن شپ پوزیشنز دستیاب ہیں۔ منتخب امیدواروں کو ماہانہ 40 ہزار روپے وظیفہ دیا جائے گا۔
انٹرن شپ کے لیے واک ان انٹرویوز 12 اور 13 اگست 2025 کو صبح 10 بجے منعقد ہوں گے۔ انٹرویوز کا مقام اسٹیٹ گیسٹ ہاؤس (ایم ایل اے ہاسٹل)، نیو وزیراعظم ہاؤس کے قریب جلال آباد مظفرآباد مقرر کیا گیا ہے۔
درخواست دہندگان کے لیے لازمی قرار دیا گیا ہے کہ وہ کم از کم 14 سالہ تعلیم رکھتے ہوں، جو ہائیر ایجوکیشن کمیشن (ایچ ای سی) سے منظور شدہ یونیورسٹی سے حاصل کی گئی ہو۔ امیدوار کے تعلیمی نتائج میں کم از کم 60 فیصد نمبر یا 2.
درخواست دینے کے اہل صرف آزاد کشمیر کے پہلے درجے کے ریاستی باشندے اور وہ مہاجرین ہوں گے جو مقبوضہ جموں و کشمیر سے تعلق رکھتے ہیں اور پاکستان میں مقیم ہیں۔ امیدواروں کا انتخاب مکمل طور پر میرٹ کی بنیاد پر کیا جائےگا۔
درخواست دہندگان کو ہدایت کی گئی ہے کہ انٹرویو کے وقت درخواست فارم کی ہارڈ کاپی، سی وی، تصدیق شدہ تعلیمی اسناد کی نقول اور اصل دستاویزات ساتھ لائیں۔ کسی قسم کا ٹی اے ڈی اے فراہم نہیں کیا جائے گا۔ ایسے امیدوار جو اس سے قبل یہ انٹرن شپ مکمل کر چکے ہیں، دوبارہ درخواست دینے کے اہل نہیں ہوں گے۔
یہ بھی پڑھیں: آئی ایس پی آر انٹرن شپ کے شرکا کا لاہور گیریژن شوٹنگ گیلری کا دورہ
قانون ساز اسمبلی نے یہ حق محفوظ رکھا ہے کہ کسی بھی وقت انٹرن شپ پوزیشنز میں کمی یا اضافہ کیا جا سکتا ہے۔ یہ پروگرام نہ صرف نوجوانوں کی پیشہ ورانہ مہارتوں کو فروغ دے گا بلکہ انہیں جمہوری و پارلیمانی نظام کو عملی طور پر سمجھنے کا موقع بھی فراہم کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر پارلیمانی انٹرن شپ پروگرام پیڈ انٹرن شپ خوشخبری گریجویٹس مظفرآباد وی نیوزذریعہ: WE News
کلیدی لفظ: پارلیمانی انٹرن شپ پروگرام پیڈ انٹرن شپ گریجویٹس وی نیوز انٹرن شپ پروگرام کے لیے ہوں گے
پڑھیں:
شہریوں کیلئے بہترین سہولت، نادرا نے بڑا اعلان کردیا
ویب ڈیسک : نادرا نے شہریوں کے لیے ایک بہترین سہولت متعارف کروانے کا اعلان کردیا۔
حال ہی میں نادرا نے سوشل میڈیا پوسٹ کے ذریعے اعلان کیا ہے کہ پاک آئی موبائل ایپ نادرا سروس سینٹرز پر اپوائنٹمنٹ بکنگ کا آپشن پیش کرنے کے لیے جلد متعارف کروائی جائے گی۔ فیز ون کے تحت ملک بھر میں 43 نادرا رجسٹریشن سینٹرز پر اپوائنٹمنٹ کی سہولت دستیاب ہوگی۔
اس ایپ کا فائدہ یہ ہے کہ آپ پاکستان میں ہوں یا بیرون ملک، پاک آئی ڈی موبائل ایپ کے ذریعے آپ انتہائی آسانی کے ساتھ نادرا کی شناختی دستاویزات کے لیے فیس ادا کر سکتے ہیں۔
دریائے چناب میں پانی کی سطح بلند, الرٹ جاری
اسمارٹ آئی ڈی، سی آر سی (بے فارم) اور ایف آر سی کی درخواستوں کی فیس ای سہولت، جاز کیش یا ایزی پیسہ کے ذریعے ادا کی جا سکتی ہے۔
ڈاکٹر عافیہ صدیقی کیس،اسلام آباد ہائیکورٹ کا وزیراعظم سمیت وفاقی کابینہ کو طلب کرنے کا عندیہ