نیویارک میئر شپ کے امیدوار زہران ممدانی کی پرتعیش شادی تقریب، نظریات پر سوال اٹھنے لگے
اشاعت کی تاریخ: 27th, July 2025 GMT
نیویارک سٹی کی میئرشپ کی دوڑ میں شامل ڈیموکریٹک سوشلسٹ اور اسمبلی کے رکن زہران ممدانی حالیہ دنوں سوشل میڈیا اور عوامی حلقوں میں شدید تنقید کی زد میں ہیں۔ تنقید کی وجہ ان کی یوگنڈا میں منعقد کی گئی پرتعیش 3 روزہ شادی کی تقریب ہے، جس میں سخت سیکیورٹی، فون جام کرنے والے آلات اور خفیہ ماحول میں تقریبات شامل تھیں۔
33 سالہ زہران ممدانی جو بھارتی نژاد فلم ساز میرا نائر اور معروف ماہرِ تعلیم محمود ممدانی کے بیٹے ہیں، 2025 کے نیویارک میئر کے انتخاب میں مقبولیت حاصل کررہے ہیں اور ڈیموکریٹک پرائمری میں ان کے جیتنے کے امکانات ظاہر کیے جا رہے ہیں۔ ان کی شخصیت کو عوام میں سادگی، مسلمان، ایشیائی امریکی شناخت اور متوسط طبقے سے تعلق کے طور پر پیش کیا جاتا رہا ہے۔
یہ بھی پڑھیں: صدر ٹرمپ نے نیویارک کے ممکنہ میئر زہران ممدانی کو دھمکی کیوں دی؟
تاہم حال ہی میں یوگنڈا کے دارالحکومت کمپالا کے قریب بوزیگا ہِل میں واقع ان کے خاندان کی عالی شان رہائش گاہ پر 3 روزہ شادی کی تقریب نے ان کے ’سوشلسٹ‘ بیانیے کو مشکوک بنا دیا ہے۔ تقریب میں صرف دعوت نامے پر محدود مہمان شریک ہوئے، جن کی حفاظت کے لیے نقاب پوش مسلح محافظ تعینات کیے گئے، جبکہ موبائل فون سگنلز جام رکھنے کے آلات بھی استعمال کیے گئے۔
مقامی میڈیا کے مطابق تقریب کے دوران علاقے میں سخت پہرہ تھا اور مقامی افراد کو اس کی خبر بھی نہ ہو سکی۔ اس موقع پر یوگنڈا کے سابق سپریم کورٹ جج جارج کانیہہامبا کے انتقال پر علاقے میں سوگ کی کیفیت تھی، لیکن زہران کی شادی کی تقریبات کو اس مقامی روایت اور سوگ کے احترام کے منافی قرار دیا جا رہا ہے۔ ایک مقامی شخص نے کہاکہ یہاں کی ثقافت کے مطابق کسی کے انتقال پر سوگ منایا جاتا ہے، اس دوران جشن منانا انتہائی غیر حساس رویہ سمجھا جاتا ہے۔
سوشل میڈیا پر بھی زہران ممدانی کو شدید تنقید کا سامنا ہے۔ ایک صارف نے لکھا کہ زہران ممدانی نے آئی سی ای اہلکاروں کے نقاب پہننے کو ’فوجی جبر‘ قرار دیا تھا، لیکن اپنی شادی کی تقریب پر خود انہی جیسے مسلح نقاب پوش محافظ کھڑے کیے۔
ایک اور صارف نے سوال اٹھایا کہ آخر زہران ممدانی کو شادی کی تقریب میں فون جام کرنے والے آلات اور اتنی سیکیورٹی کی ضرورت کیوں پیش آئی؟ کیا وہ نہیں چاہتے تھے کہ ان کی امیرانہ طرز زندگی عوام کے سامنے آئے؟
زہران اور ان کی بیوی شامی نژاد مصورہ رما دواجی، اس سے قبل دبئی میں دسمبر 2024 میں نکاح کر چکے ہیں، جبکہ نیویارک میں فروری 2025 میں قانونی طور پر شادی کی رجسٹریشن کروائی گئی تھی۔ اب یوگنڈا میں منعقد کی گئی آخری تقریب کو ان کے حلقوں میں سرمایہ داری کی علامت اور دوغلا پن قرار دیا جا رہا ہے۔
یہ بھی پڑھیں: ممدانی کا راستہ روکنے کے لیے ایرک ایڈمز میدان میں آگئے، دوبارہ الیکشن لڑنے کا اعلان
ناقدین کا کہنا ہے کہ زہران ممدانی سوشلسٹ نظریات کا پرچار تو کرتے ہیں، مگر خود سرمایہ دارانہ طرز زندگی گزارتے ہیں، جس سے ان کی سیاسی ساکھ متاثر ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پرتعیش شادی خفیہ ماحول زہران ممدانی نظریات پر سوالات نیویارک میئر شپ وی نیوز.ذریعہ: WE News
کلیدی لفظ: نیویارک میئر شپ وی نیوز شادی کی تقریب
پڑھیں:
حافظ طاہر مجید کی میئر حیدرآباد سے ملاقات، ہیلتھ ایمرجنسی نافذ کرنے کا مطالبہ
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) امیر جماعت اسلامی حیدرآباد حافظ طاہر مجید کی قیادت میں جماعت اسلامی کے ایک وفد نے میئر حیدرآباد کاشف علی شورو سے ان کے دفتر میں ملاقات کی اس دوران شہر حیدرآباد میں ڈینگی، سیوریج و فراہمی آب کے مسائل پر تفصیلی گفتگو کی وفد میں نائب امیر جماعت اسلامی حیدرآباد عبدالقیوم شیخ، ڈپٹی جنرل سیکریٹری عبدالباسط خان، حافظ سفیان ناصر اور جماعت اسلامی یوسی 124کے چیئرمین و نائب صدر جماعت اسلامی یوتھ آفاق نصر بھی موجود تھے۔ امیر جماعت اسلامی حافظ طاہر مجید نے میئر حیدرآباد کاشف علی شورو سے گفتگومیں حیدرآباد میں ڈینگی اور ملیریا کے تیزی سے پھیلنے پر گہری تشویش کا اظہارکرتے ہوئے فوری طور پر ہیلتھ ایمرجنسی نافذ کرنے کا مطالبہ کیا ہے۔ انہوں نے کہا کہ حیدرآباد کے سرکاری و نجی ہسپتالوں میں روزانہ سینکڑوں ڈینگی کے کے مریض تشویشناک کیسز کے ساتھ رپورٹ ہو رہے ہیں جبکہ محلوں اور بستیوں میں بے شمار غیر رپورٹ شدہ کیسز موجود ہیں۔ انہوں نے کہا کہ فوری طور پر ہیلتھ ٹیم کے ہمراہ تمام یوسیز میں مچھر مار اسپرے کرایا جائے تاکہ قیمتی جانیں بچائی جا سکیں، انہوں نے فتح چوک روڈ، امریکن کواٹر روڈ، پرانی سبزی منڈی روڈ سے محمدی چوک تک سڑکوں کی تعمیر اور سیوریج سسٹم کو اپ گریڈ کرنے کے حوالے سے بھی بات کی ضلعی امیر حافظ طاہر مجید نے پرانی سبزی منڈی چوک کو غزہ چوک کے نام سے منسوب کرنے کی بھی درخواست کی۔ میئر حیدرآباد کاشف علی شورو نے پرانی سبزی منڈی چوک کو غزہ چوک قرار دینے کے لیے ایوان سے منظوری کرانے کے ساتھ پیش کردہ مسائل کو فوری حل کرنے کی یقین دہانی کرائی۔
حیدرآباد: جماعت اسلامی حیدرآباد کے امیر حافظ طاہر مجید کی قیادت میں جماعت اسلامی وفد کے ہمراہ میئر حیدرآباد کاشف علی شورو سے ان کے دفتر میں ملاقات کررہے ہیں
عدالت نے عمران خان اور بشریٰ بی بی کی گرفتاری 5 مقدمات میں روک دی