عمران خان کی کال پر بھی اڈیالہ جیل کے باہر بڑا احتجاج نہ ہو سکا
اشاعت کی تاریخ: 5th, August 2025 GMT
پاکستان تحریک انصاف (پی ٹی آئی) کے بانی عمران خان کی احتجاجی کال کے باوجود اڈیالہ جیل کے باہر کوئی قابلِ ذکر مظاہرہ نہ ہو سکا۔
نہ تو پارٹی کی قیادت بڑی تعداد میں پہنچی، نہ کارکن متحرک نظر آئے، اور نہ ہی عمران خان و بشریٰ بی بی سے اہلِ خانہ کی ملاقات ممکن ہو سکی۔
قیادت کی محدود رسائی، مظاہرہ بے اثر
پی ٹی آئی کی جانب سے 5 اگست کو راولپنڈی میں بڑا شو کرنے کا اعلان کیا گیا تھا، تاہم صرف سینیٹر ہمایوں مہمند ، ایم این اے مولانا نسیم علی شاہ اور ایم این اے ساجد خان مہمندہی اڈیالہ روڈ کے داہگل ناکے تک پہنچ سکے، جہاں پولیس نے انہیں آگے جانے سے روک دیا۔
فیملی اور وکلا ءبھی ملاقات نہ کر سکے
عمران خان کی تینوں بہنیں ( علیمہ خان، ڈاکٹر عظمیٰ اور نورین نیازی ) موٹروے کے چکری انٹرچینج تک پہنچیں، مگر پولیس نے انہیں اڈیالہ جیل کی جانب جانے سے روک دیا۔ دو وکلا شمسہ کیان اور اویس یونس بھی گورکھ پور ناکے تک پہنچ سکے لیکن آگے نہ جانے دیا گیا۔
مرکزی رہنما بھی ناکوں پر روک دیے گئے
پارٹی کے دیگر سینئر رہنما ؤںسلمان اکرم راجہ ،لطیف کھوسہ،محمود خان اچکزی کو بھی اڈیالہ روڈ کے قریب واقع پرائیویٹ ہاؤسنگ سوسائٹی کے ناکے پر روک دیا گیااور انہیں آگے جانے کی اجازت نہیں ملی۔
محدود خواتین مظاہرہ، کارکن غائب
چند خواتین کارکنان نے داہگل ناکے پر نعرے بازی کی مگر کوئی بڑی تعداد میں عوامی شرکت یا قیادت کی موجودگی دیکھنے میں نہیں آئی۔ مقامی قیادت اور کارکن گرفتاریوں کے خدشے کے باعث موقع پر موجود نہیں تھے۔
ذریعہ
ذریعہ: Daily Mumtaz
پڑھیں:
راولپنڈی: سہیل آفریدی کے قافلے کو پولیس نے فیکٹری ناکے پر روک دیا
فائل فوٹواڈیالہ جیل میں قید بانی پی ٹی آئی سے ملاقات کیلئے ان کی بہنیں نورین نیازی اور عظمیٰ خان بھی فیکٹری ناکے پہنچ گئیں، پولیس نے وزیر اعلیٰ خیبر پختونخوا سہیل آفریدی کے قافلے کو روک دیا۔
وزیر اعلیٰ خیبر پختونخوا سہیل آفریدی سرکاری پروٹوکول میں گورکھ پور ناکے پر پہنچے تھے۔
سہیل آفریدی اپنی کابینہ ارکان کے ہمراہ گورکھ پور فیکٹری ناکے پر موجود ہیں، جہاں پولیس نے انہیں روک دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ