جانا تھا انگلینڈ، پہنچ گیا اٹلی، وہ بھی بغیر ٹکٹ ، کیسے ممکن ہوا یہ حیرت انگیز واقعہ؟
اشاعت کی تاریخ: 5th, August 2025 GMT
سپین میں تعطیلات گزارنے کے بعد ایک برطانوی لڑکے کو اپنے والدین کے ہمراہ انگلینڈ واپس جانا تھا، مگر حیران کن طور پر وہ بغیر ٹکٹ اٹلی جا پہنچا۔
والدین سے بچھڑا، غلط فلائٹ میں جا بیٹھا
برطانوی اخبار’’دی گارڈین ‘‘ کے مطابق یہ واقعہ ایک مصروف ہسپانوی ایئرپورٹ پر پیش آیا، جہاں 15 سالہ لڑکا اپنے والدین سے بچھڑ گیا۔
غلطی سے وہ لندن جانے والی پرواز کی بجائے اٹلی کے شہر میلان جانے والی پرواز میں سوار ہو گیا — اور کسی نے نوٹس تک نہ لیا!
والدین کی پریشانی، ایئرپورٹ پر خطرے کا الارم بجا دیا گیا
لڑکے کے لاپتہ ہونے پر والدین نے فوری طور پر ایئرپورٹ سیکیورٹی کو مطلع کیا اور ایمرجنسی الارم بجا دیا گیا مگر جب تک حکام حرکت میں آتے، جہاز پہلے ہی میلان کے لیے روانہ ہو چکا تھا۔
سی سی ٹی وی فوٹیج سے سچائی کا انکشاف
پولیس نے ایئرپورٹ کے بین الاقوامی ڈیپارچر ایریا کی سی سی ٹی وی فوٹیج کا جائزہ لیا تو معلوم ہوا کہ لڑکا بغیر بورڈنگ پاس کے میلان مالپینسا جانے والی فلائٹ میں بیٹھ چکا تھا۔
ایئرلائن کا عملہ بھی حیران، میلان میں والدہ سے ملاقات
پرواز کے دوران جب ایئرلائن کے عملے کو ایک بغیر ٹکٹ مسافر کا علم ہوا تو لڑکے سے تفصیلات معلوم کی گئیں۔
حقیقت سامنے آنے کے بعد میلان میں اسے ایئرپورٹ حکام کے حوالے کیا گیا، جہاں اس کی ملاقات خاندان کے ایک فرد سے کرائی گئی — غالباً اس کی والدہ ، جو رپورٹ کے مطابق اسی دن ایک علیحدہ فلائٹ سے اٹلی پہنچ گئی تھیں۔
ایئرلائن کا ردعمل: تحقیقات جاری
فضائی کمپنی ایزی جیٹ کے ترجمان نے واقعے پر بیان دیتے ہوئے کہاہم اپنے گراؤنڈ ہینڈلنگ پارٹنرز کے ساتھ مل کر تحقیقات کر رہے ہیں کہ ایک نوعمر لڑکا بغیر ٹکٹ کیسے میلان جانے والی پرواز میں سوار ہو گیا۔ترجمان کے مطابق لڑکے سے میلان میں ہماری ٹیم اور مقامی حکام نے ملاقات کی۔ خاندان کے فرد سے ملاقات کے لیے سفری انتظامات کیے گئے۔ ہم تاحال لڑکے کے اہلِ خانہ کے ساتھ رابطے میں ہیں۔
ذریعہ: Daily Mumtaz
پڑھیں:
چاہت فتح علی خان نے انگلینڈ میں اپنے ساتھ پیش آئے واقعے پر خاموشی توڑدی
سوشل میڈیا پر اپنی منفرد شخصیت کے باعث مشہور ہونے والے چاہت فتح علی خان نے انگلینڈ میں اپنے ساتھ پیش آئے انڈے مارنے کے واقعے پر خاموشی توڑتے ہوئے دعویٰ کیا ہے کہ یہ سب کچھ ایک منصوبہ بندی کے تحت کیا گیا — اور اس سازش کے پیچھے خود ایونٹ آرگنائزرز کا ہاتھ ہے۔
اپنی ایک تازہ ویڈیو میں چاہت فتح علی خان نے تفصیل سے واقعے کا احوال بیان کرتے ہوئے کہا کہ انہیں ایک کیفے کی افتتاحی تقریب میں پرفارم کرنے کے لیے مدعو کیا گیا تھا۔ تقریب کے دوران کیفے انتظامیہ نے ان سے کہا کہ وہ کیفے کے ملازمین کے ساتھ باہر جا کر تصاویر بنوائیں۔ لیکن جیسے ہی وہ باہر گئے، ایک شخص نے ویڈیو بنانی شروع کی اور اچانک دو افراد نمودار ہو کر ان پر انڈے پھینک کر بھاگ گئے۔
چاہت فتح علی خان کے مطابق یہ تمام منظر کیفے کے سکیورٹی گارڈ نے کیمرے میں ریکارڈ کیا، اور بعد میں یہی ویڈیو کیفے کی آفیشل سوشل میڈیا پر اپ لوڈ کی گئی، جہاں سے یہ وائرل ہو گئی — مگر پھر خاموشی سے ڈیلیٹ بھی کر دی گئی۔
جب انہوں نے انتظامیہ سے اس ویڈیو کا مطالبہ کیا تو جواب ملا کہ کچھ ریکارڈ نہیں ہوا۔ لیکن ان کے مطابق یہ بات خود اس بات کا ثبوت ہے کہ واقعہ منظم طریقے سے کیا گیا اور ویڈیو اپ لوڈ کر کے وائرل کرنا اسی سازش کا حصہ تھا۔
چاہت فتح علی خان کا کہنا ہے کہ ان کے پاس مزید شواہد بھی موجود ہیں، جو وہ جلد پولیس کو فراہم کریں گے اور ایونٹ انتظامیہ کے خلاف قانونی کارروائی کا ارادہ رکھتے ہیں۔
پاکستان ایک منفرد کیس ہے، اسے ایزی نہ لیں