ماں باپ 10 سالہ بیٹے کو بارسلونا ایئرپورٹ پر اکیلا چھوڑ کر فلائٹ پر چلے گئے
اشاعت کی تاریخ: 5th, August 2025 GMT
اسپین کے شہر بارسلونا کے ایئرپورٹ پر ایک حیران کن واقعہ پیش آیا جہاں ایک جوڑے نے اپنے 10 سالہ بیٹے کو اس وجہ سے تنہا چھوڑ دیا کہ اس کا پاسپورٹ ایکسپائر ہو چکا تھا، اور وہ لوگ اپنی فلائٹ مس نہیں کرنا چاہتے تھے۔
برطانوی اخبار دی سن کے مطابق، بارسلونا کے جوزیپ تاردیلاس بارسلونا ایل پرات ایئرپورٹ پر ایئر ٹریفک کنٹرول سے وابستہ ایک خاتون لِلیان نے اس واقعے کو TikTok پر شیئر کیا۔
لِلیان کے مطابق، بچہ اسپین کا شہری تھا اور اسپینش پاسپورٹ پر سفر کر رہا تھا، لیکن اس پر ویزا کی بھی ضرورت تھی جو موجود نہیں تھا، اس لیے اسے سفر کی اجازت نہیں ملی۔ والدین نے اسے ایئرپورٹ پر چھوڑ کر ایک رشتے دار کو فون کیا کہ وہ آ کر بچے کو لے جائے، جبکہ خود پر سکون انداز میں جہاز پر سوار ہو کر روانہ ہو گئے۔
ایئرپورٹ عملے کو جب بچہ اکیلا ملا تو انہوں نے فوراً پولیس کو اطلاع دی۔ بعد میں طیارے کے پائلٹ سے بھی رابطہ کیا گیا، جس نے تصدیق کی کہ والدین واقعی سفر پر روانہ ہو چکے ہیں، اور ان کے ساتھ ایک چھوٹا بچہ بھی تھا۔
پولیس نے والدین کو تلاش کر کے واپس بلایا اور معاملے کی تحقیقات شروع کیں۔ یہ واضح نہیں ہو سکا کہ والدین پر کسی قانونی کارروائی کا آغاز کیا گیا یا ان کی قومیت کیا تھی۔
ایئر ٹریفک کنٹرول کی خاتون نے حیرانی کا اظہار کرتے ہوئے کہا، "یہ کیسے ممکن ہے کہ کوئی ماں باپ صرف پاسپورٹ اور ویزا کی کمی کی وجہ سے اپنے دس سالہ بیٹے کو تنہا چھوڑ کر روانہ ہو جائیں؟"
.
ذریعہ: Express News
کلیدی لفظ: ایئرپورٹ پر
پڑھیں:
فخر زمان دوبارہ ان فٹ، ویسٹ انڈیز دورہ ادھورا چھوڑ کر وطن واپسی پر مجبور
پاکستانی اوپنر فخر زمان ہمسٹرنگ انجری کے باعث ویسٹ انڈیز کے خلاف سیریز سے باہر ہو گئے ہیں اور اب وہ وطن واپس لوٹ رہے ہیں۔ 35 سالہ بائیں ہاتھ کے بلے باز کو فلوریڈا میں دوسرے ٹی20 میچ کے دوران 19ویں اوور میں فیلڈنگ کرتے ہوئے بائیں ٹانگ میں کھنچاؤ محسوس ہوا، جس کے بعد انہیں فوری طور پر گراؤنڈ سے ہٹایا گیا۔
پاکستان کرکٹ بورڈ کے مطابق فخر زمان کا فوری طور پر معائنہ کیا گیا اور پی سی بی میڈیکل پینل نے ان کی ہمسٹرنگ انجری کی تصدیق کی۔ ٹیم فزیو نے ابتدائی طبی امداد فراہم کی، تاہم انہیں مکمل طور پر آرام کا مشورہ دیا گیا ہے۔
فخر زمان تیسرا اور آخری ٹی20 میچ نہیں کھیل سکے، جس میں پاکستان نے 13 رنز سے کامیابی حاصل کرکے سیریز 1-2 سے اپنے نام کی۔ وہ 4 اگست کی شام پاکستان پہنچیں گے اور نیشنل کرکٹ اکیڈمی لاہور میں بحالی کے عمل سے گزریں گے۔
مزید پڑھیں: انٹرنیشنل کرکٹ سے ریٹائرمنٹ، فخر زمان نے واضح اعلان کردیا
واضح رہے کہ فخر زمان حالیہ عرصے میں ناقص فارم کا شکار رہے ہیں۔ بنگلہ دیش کے خلاف سیریز میں وہ 1، 44 اور 8 رنز بنا سکے جبکہ ویسٹ انڈیز کے خلاف پہلے 2 میچز میں ان کا اسکور 28 اور 20 رہا۔
یاد رہے کہ اس سے قبل آئی سی سی چیمپئنز ٹرافی 2025 میں نیوزی لینڈ کے خلاف افتتاحی میچ میں بھی فخر زمان کو پسلیوں میں چوٹ لگی تھی، تاہم انہوں نے 41 گیندوں پر 24 رنز کی اننگز کھیلی، لیکن اس انجری کے باعث باقی ٹورنامنٹ سے باہر ہو گئے تھے۔ بعد ازاں وہ اپریل میں نیوزی لینڈ کے خلاف ہوم سیریز کے لیے بھی ٹیم کا حصہ نہیں بن سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فخر زمان ہمسٹرنگ انجری ویسٹ انڈیز دورہ
پشاور ہائیکورٹ، وزیراعلیٰ علی امین گنڈاپور کے وارنٹ گرفتاری معطل