صوبے میں امن و امان کی صورتحال دن بدن بگڑتی جا رہی ہے
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ ( آئی این پی )اہل سنت و جماعت کے رہنما فیضان اولیا کے بانی ذوالفقار علی طارقی قادری نے آستانہ عالیہ فیضان اولیا میں وفد سے ملاقات میں گفتگو کرتے ہوئے کہا کہ کوئٹہ، جو صوبہ بلوچستان کا دارالحکومت ہے، آج اپنے ہی باشندوں کے لیے مشکلات کا گڑھ بنتا جا رہا ہے۔ شہر کے بیشتر علاقے کھنڈر کا منظر پیش کر رہے ہیں ترقیاتی منصوبے جو عوامی فلاح کے لیے شروع کیے گئے تھے، وہ تاخیر اور غفلت کا شکار ہیں۔سڑکیں جگہ جگہ سے کھدی ہوئی ہیں، مٹی کھڈے اور ادھوری تعمیرات نے شہریوں کی زندگی اجیرن بنا دی ہے۔ گرد و غبار کی وجہ سے سانس، آنکھوں اور جلد کی بیماریاں عام ہو چکی ہیں۔ اسپتالوں میں مریضوں کی تعداد بڑھ رہی ہے مگر صفائی اور صحت کے نظام کی حالت بھی ناگفتہ بہ ہے۔ انہوں نے کہا کہ بلوچستان اس وقت ایک نازک موڑ پر کھڑا ہے، صوبے میں امن و امان کی صورتحال دن بدن بگڑتی جا رہی ہے، لوگ خوف و ہراس میں زندگی گزارنے پر مجبور ہیں، کبھی دہشت گردی، کبھی ٹارگٹ کلنگ، کبھی اغوا برائے تاوان یہ وہ مسائل ہیں جو برسوں سے عوام کے سر پر منڈلا رہے ہیں، مگر حکومتی سطح پر کوئی سنجیدہ اقدام دیکھنے میں نہیں آ رہا۔صوبے کے مختلف اضلاع میں لوگ عدم تحفظ کا شکار ہیں، کاروبار ٹھپ پڑے ہیں، تعلیمی ادارے خوف کی فضا میں سانس لے رہے ہیں۔ المیہ یہ ہے کہ جہاں عوام اپنے بنیادی حقوق اور تحفظ کے لیے دہائیاں دے رہے ہیں، وہیں وزرا و اعلی حکام بیرونی دوروں، سیمیناروں اور سیر سپاٹوں میں مصروف نظر آتے ہیں۔ عوامی مسائل پسِ پشت ڈال دیئے گئے اور صوبے کے حالات روز بروز مزید ابتر ہوتے جا رہے ہیں۔بلوچستان آج ایک “مسائلستان” کا گڑ بن چکا ہے، جہاں ہر مسئلے کو سیاست کے رنگ میں لپیٹ کر حقیقتوں سے منہ موڑ لیا گیا ہے۔ اداروں کے درمیان رابطے کا فقدان، بدعنوانی اور بے حسی نے نظام کو مفلوج کر دیا ہے۔وقت کا تقاضا ہے کہ حکومت اپنی ترجیحات درست کرے۔ امن و امان کو سیاسی بیانیوں سے نہیں بلکہ عملی اقدامات سے بحال کیا جائے۔ عوام کو تحفظ، انصاف اور سہولتیں فراہم کرنا ریاست کی اولین ذمہ داری ہے۔ اگر اب بھی خوابِ غفلت سے نہ جاگا گیا تو بلوچستان کا یہ دردناک باب تاریخ کا حصہ بن جائے گا۔
ذریعہ
ذریعہ: Jasarat News
کلیدی لفظ: رہے ہیں
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم