’عمران خان تحریری معافی مانگیں تو حکومت سزا میں نرمی پر غور کر سکتی ہے‘
اشاعت کی تاریخ: 7th, August 2025 GMT
وزیراعظم کے معاون خصوصی برائے تجارت و صنعت رانا احسان افضل نے عندیہ دیا ہے کہ اگر پی ٹی آئی کے بانی عمران خان اپنے اقدامات پر ندامت کا اظہار کرتے ہوئے تحریری معافی طلب کریں تو حکومت ان کی سزا میں نرمی پر غور کر سکتی ہے۔
یہ بھی پڑھیں: بات کرنی ہے تو عمران خان معافی مانگیں، وزیراعظم شہباز شریف
نجی ٹی وی کے پروگرام میں گفتگو کرتے ہوئے رانا احسان افضل نے کہا کہ اگر عمران خان صدرِ مملکت کو باقاعدہ تحریری اپیل پیش کریں تو آئینی اختیارات کے تحت انہیں معافی دی جا سکتی ہے۔
ان کا کہنا تھا کہ اگر وہ رحم یا معافی کی کوئی تحریری درخواست صدر کو بھیجیں تو میرے نزدیک یہ ممکن ہے کہ ان کی سزا ختم کر دی جائے۔
رانا احسان افضل نے واضح کیاکہ حکومت کے پاس از خود سزا ختم کرنے کا اختیار نہیں، تاہم آئینی دائرہ کار میں موجود گنجائش سے فائدہ ضرور اٹھایا جا سکتا ہے۔
انہوں نے مزید کہا کہ چونکہ عمران خان پر عائد الزامات قانونی طور پر ثابت ہو چکے ہیں، اس لیے معافی صرف اسی صورت میں زیر غور آ سکتی ہے جب وہ تحریری طور پر ندامت ظاہر کریں۔
معاونِ خصوصی کا کہنا تھا کہ 9 مئی کے واقعات کے بعد عدالتی کارروائی کا مطلب یہ نہیں کہ سیاسی مکالمے کے دروازے بند ہو چکے ہیں۔
ان کے بقول سیاست میں دشمنی نہیں ہوتی، اختلاف کے باوجود بات چیت کی گنجائش باقی رہتی ہے۔ تاہم انہوں نے عمران خان کو موجودہ سیاسی تناؤ کا ذمہ دار ٹھہراتے ہوئے کہاکہ یہی کشیدگی ملکی سیاسی فضا کو نقصان پہنچا رہی ہے۔
رانا احسان افضل کا مزید کہنا تھا کہ دیگر سیاسی جماعتیں قومی معاملات پر بات چیت کے لیے تیار ہیں، لیکن پی ٹی آئی واحد جماعت ہے جو مسلسل بین الجماعتی مکالمے سے گریز کرتی ہے۔
ادھر پاکستان پیپلز پارٹی کے سیکریٹری جنرل نیئر بخاری نے بھی اس معاملے پر اظہارِ خیال کرتے ہوئے کہا ہے کہ آئین کے تحت حکومت کے پاس سزا معاف کرنے کا اختیار موجود ہے۔
یہ بھی پڑھیں: عمران خان 9 مئی واقعات پر کوئی معافی نہیں مانگیں گے، پی ٹی آئی نے واضح کردیا
یاد رہے کہ عمران خان اگست 2023 سے اڈیالہ جیل میں قید ہیں، جہاں وہ 190 ملین پاؤنڈ کرپشن کیس میں سزا کاٹ رہے ہیں، جبکہ ان پر 9 مئی 2023 کے پرتشدد مظاہروں سے متعلق انسداد دہشتگردی ایکٹ کے تحت بھی مقدمات زیر سماعت ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بانی پی ٹی آئی تحریری معافی رانا احسان احسان رحم کی اپیل سزا میں نرمی صدر مملکت عمران خان وی نیوز.ذریعہ: WE News
کلیدی لفظ: اڈیالہ جیل بانی پی ٹی ا ئی تحریری معافی رحم کی اپیل صدر مملکت وی نیوز رانا احسان افضل سکتی ہے
پڑھیں:
شہباز شریف جتنا مضبوط وزیراعظم 78 برس میں نہیں آیا، رانا ثنااللہ
وزیراعظم پاکستان کے مشیر برائے سیاسی امور سینیٹر رانا ثنااللہ نے کہا ہے کہ شہباز شریف جتنا مضبوط وزیراعظم 78 برس میں نہیں آیا، وہ جو بھی فیصلہ کرتے ہیں اس پر عمل ہوتا ہے۔ سیاسی اور عسکری قیادت کے درمیان اچھے تعلقات ہیں۔
نجی ٹی وی کو انٹرویو دیتے ہوئے انہوں نے کہاکہ پاکستان تحریک انصاف سے مذاکرات کے لیے ہمہ وقت تیار ہیں، لیکن ان سے گزارش ہے کہ ڈیڈلاک کی طرف نہ جائیں کیونکہ جمہوریت میں سسٹم صرف بات چیت سے آگے بڑھتا ہے۔
یہ بھی پڑھیں: حکومت مضبوط بنانے اور چلانے کے لیے آصف علی زرداری کو ایوان صدر میں بٹھایا، رانا ثنا اللہ
رانا ثنااللہ نے کہاکہ پی ٹی آئی کو بغیر کسی شرط کے مذاکرات کی میز پر آنا ہوگا۔ ہم نے بارہا کہا ہے کہ وہ دل سے معافی مانگ کر سیاسی معاملات درست کریں اور جمہوری انداز میں جدوجہد کو آگے بڑھائیں۔
انہوں نے واضح کیا کہ پی ٹی آئی کے قائمہ کمیٹیوں سے دیے گئے استعفے قبول نہیں کرنا چاہتے کیونکہ ہمارا مؤقف ہے کہ انہیں سسٹم کا حصہ رہنا چاہیے۔
رانا ثناءاللہ نے سعودی عرب کے ساتھ ہونے والے حالیہ دفاعی معاہدے کو تاریخی اور امت مسلمہ کے دیرینہ خواب کی تعبیر قرار دیا۔
انہوں نے کہاکہ معاہدے کے مطابق اگر پاکستان پر حملہ ہوگا تو وہ سعودی عرب پر حملہ تصور ہوگا، اور اگر سعودی عرب پر حملہ ہوگا تو وہ پاکستان پر حملہ سمجھا جائے گا۔ ان کے مطابق یہ امت مسلمہ کے لیے نیک شگون ہے۔
انہوں نے کہاکہ سعودی عرب ایک مضبوط معاشی طاقت ہے جبکہ پاکستان ایٹمی قوت ہے، جب یہ دونوں طاقتیں یکجا ہوتی ہیں تو دنیا میں ایک نئی سپر پاور کے طور پر سامنے آتی ہیں۔ یہ دیگر مسلم ممالک کے لیے بھی یہ اتحاد حوصلہ افزا پیغام ہے۔
رانا ثناءاللہ نے کہا کہ معاہدے میں دفاعی پیداوار بڑھانے کا بھی ذکر شامل ہے، سول و عسکری قیادت کی ہم آہنگی کے بغیر اس طرح کی کامیابیاں ممکن نہ ہوتیں۔ انہوں نے اس بات کا بھی اعتراف کیا کہ ان تمام فیصلوں میں نواز شریف کی مشاورت شامل ہے۔
رانا ثناءاللہ نے کہا کہ پلوامہ واقعے کے بعد جب ہمیں جیلوں میں ڈالا جا رہا تھا، تب پی ٹی آئی نے ہمیں بلایا اور ہم مذاکرات کے لیے گئے۔ آج بھی ہم میثاقِ استحکامِ پاکستان کی بات کر رہے ہیں، کیونکہ ہم ملک کی ترقی اور جمہوریت کی بقا چاہتے ہیں۔
ایک سوال کے جواب میں انہوں نے کہاکہ محسن نقوی بحیثیت وزیر داخلہ درست کام کررہے ہیں، میں ان کی جگہ نہیں لے رہا۔
یہ بھی پڑھیں: پاکستان اور قازقستان کا تعلقات مزید مضبوط بنانے کا عزم
آزاد کشمیر میں افراتفری سے متعلق پوچھے گئے سوال کے جواب میں ان کا کہنا تھا کہ آزاد کشمیر کی سیاسی جماعتیں ایک پیج پر ہیں۔ اگر سیاسی قیادت ایکشن کمیٹی کے ساتھ بات چیت کرے تو مسائل کا حل نکل سکتا ہے۔ ان کے مطالبات ایسے بھی نہیں جن کا حل نہ نکالا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایکشن کمیٹی شہباز شریف مضبوط وزیراعظم وزیراعظم پاکستان وی نیوز
اسپین نے اسرائیل کے ساتھ 825 ملین ڈالر کے اسلحہ معاہدے منسوخ کر دیے