27ویں ترمیم کے نکات مصدقہ نہیں ہیں ، احسان ابڑو کا دعوی
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)پاکستان پیپلز پارٹی کے سینیئر رہنما و سابق سیکرٹری اطلاعات حیدرآباد احسان ابڑو نے مجوزہ 27 ویں آئینی ترمیم کے مسودے کو مفروضات پر مبنی قرار دیتے ہوئے کہا ہے کہ 27 ویں آئینی ترمیم کے خد و خال ابھی واضح نہیں ہیں، نہ ہی یہ آئینی ترمیم اور اس کے مندرجات بحث کے لیے کسی پارلیمانی ایوان میں پیش کیے گئے ہیں، اس ترمیم کے نقاط جو مختلف ذرائع سے میڈیا میں گردش کر رہے ہیں وہ مصدقہ تو نہیں ہیں مگر اگر ان میں صداقت ہے تو یہ یقین ہے کہ پاکستان پیپلز پارٹی جس نے ہمیشہ آئین و جمہوریت کی سربلندی کی جنگ لڑی ہے اس مفروضاتی مگر خطرناک آئینی ترمیم کی حمایت ہرگز نہیں کرے گی، اس ترمیم میں صوبوں کے وفاقی محصولات میں حصے کو ملی ہوئی آئینی ضمانت ختم کرنے، این ایف سی ایوارڈ میں صوبوں کے حصے کو کم کرنے سمیت، عدلیہ پہ مکمل سرکاری کنٹرول جیسے انتہائی اہم و خطرناک نقاط شامل ہیں، جو مستقبل قریب میں اٹھارویں آئینی ترمیم کو رول بیک کرنے کا بھی سبب بن سکتے ہیں، اس آئینی ترمیم کے ذریعے آرٹیکل 191 میں ترمیم کرکے آئینی عدالت بنانے اور اس کے چیف جسٹس کو سپریم جوڈیشل کونسل اور جوڈیشل کمیشن کا سربراہ بنانے کی تجویز سپریم کورٹ کی آزاد غیر متنازعہ حیثیت کو ختم کرنے کے برابر ہے، حالانکہ پاکستان کی اعلیٰ عدلیہ کی تاریخ بھی آئین کی بالادستی اور جمہوریت کی سربلندی کے کے لیئے کوئی مثالی ماضی نہیں رکھتی مگر ججوں کے تبادلے میں چیف جسٹس سپریم کورٹ اور آرٹیکل 200 کے تحت صوبائی چیف جسٹسز کی رضامندی اور اختیارات ختم کرنے سمیت ضلعی میجسٹریٹ کے ذریعے عدالتی معاملات چلانے جیسے نقاط عدلیہ کو سرنگوں کرنے کے مترادف ہیں، اسی آئینی ترمیم میں آرٹیکل 213 میں ترمیم کرکے پہلے سے عضوئے معطل بنے الیکشن کمیشن اور چیف الیکشن کمشنر کی تقرری کے طریقہ کار کو تبدیل کرنے کی قیاس آرائیاں بھی کہ جارہی ہیں تو کچھ محکمے جو اٹھارویں ترمیم کے بعد صوبوں کے حوالے کیئے گئے تھے وہ واپس وفاق کو منتقل کرنے کی تیاریاں صوبائی خودمختاری پہ قدغن لگانے کے مترادف ہیں۔ ہمیں یقین ہے کہ پیپلز پارٹی جمہوریت اور آئین کی بالادستی پہ کمپرومائز نہیں کرے گی نہ ہی ایسی کسی ترمیم کو ووٹ دے گی جس کے ذریعے صوبائی خودمختاری اور عدلیہ کی تھوڑی بہت بچی ہوئی آزادی پہ قدغن لگ جائے۔
ذریعہ: Jasarat News
کلیدی لفظ: ترمیم کے
پڑھیں:
27ویں ترمیم سندھ کے وجود پر حملہ ہے، عوامی تحریک
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) 27ویں آئینی ترمیم سندھ کے وجود پر حملہ ہے۔ مجوزہ آئینی ترمیم کے ذریعے وفاق کو صوبے بنانے کا اختیار دینا، ملک میں شامل تاریخی قوموں کے وجود، ثقافت، زبان، اور تہذیب کو ختم کرنے کے مترادف ہے۔ ان خیالات کا اظہار عوامی تحریک کے مرکزی رابطہ سیکریٹری لال جروار، امیر بخش جروار، اور خیر محمد چانڈیو نے عوامی رابطہ مہم کے سلسلے میں دولت موڑ، ابراہیم چانڈیو، اور گاؤں چا?ر چانڈیو میں کارنر میٹنگز سے خطاب کرتے ہوئے کیا۔نہوں نے مزید کہا کہ 27ویں آئینی ترمیم کے ذریعے پاکستان کے بانی صوبے سندھ اور سندھی قوم کی تاریخ، تہذیب، زبان اور شناخت کو مٹانے کی تیاری کی جا رہی ہے۔ مسلم لیگ (ن) اور پیپلز پارٹی نے جمہوریت کے نام پر ملک پر بدترین آمریت مسلط کر دی ہے۔رہنماؤں نے کہا کہ 27ویں آئینی ترمیم کے ذریعے سندھ کو ٹکڑوں میں تقسیم کر کے کراچی اور حیدرآباد کو اسٹیبلشمنٹ کی پروردہ دہشت گرد جماعت ایم کیو ایم کے حوالے کرنے، اور باقی اضلاع کو اپنے وفادار جاگیرداروں، سرداروں اور وڈیروں میں انعام کے طور پر تقسیم کرنے کی منصوبہ بندی کی جا رہی ہے۔انہوں نے کہا کہ سندھ کروڑوں باشعور سندھیوں کا تاریخی وطن ہے، اور اس کو تقسیم کرنے والے منصوبوں کو سندھ کا عوام پُرامن جمہوری جدوجہد کے ذریعے ناکام بنائے گا۔انہوں نے مزید کہا کہ سندھ کو ٹکڑوں میں تقسیم کر کے دہشت گردوں اور سرداروں کے حوالے کرنے کے خلاف 16 نومبر کو سندھیانی تحریک اور عوامی تحریک کی جانب سے سٹی گیٹ حیدرآباد سے پریس کلب تک ایک پُرامن احتجاجی مارچ کیا جائے گا، جس میں سندھ بھر سے ھزاروں خواتین، مرد، بچے، بزرگ، طلبہ، صحافی، وکیل، ادیب اور شاعر شریک ہوں گے۔رہنماؤں نے سندھ کے عوام سے اپیل کی کہ وہ اپنے تاریخی وطن سندھ کے وجود، قومی شناخت اور وسائل کے تحفظ کے لیے اُٹھ کھڑے ہوں۔
پاکستان اسٹاک ایکسچینج میں تیزی، 3757 پوائنٹس کا اضافہ