27ویں ترمیم کا مسودہ سامنے آنے تک نکات پر بات نہیں کر سکتے، مولانا فضل الرحمان
اشاعت کی تاریخ: 5th, November 2025 GMT
جمعیت علما اسلام (جے یو آئی) کے سربراہ مولانا فضل الرحمان نے کہا ہے کہ جب تک 27ویں آئینی ترمیم کا مسودہ نہیں آیا ہم نکات پر بات نہیں کر سکتے۔
پارلیمنٹ ہاؤس میں میڈیا سے گفتگو کرتے ہوئے انہوں نے کہاکہ فیصل واوڈا کوئی پیغام لے کر نہیں آئے تھے، ملاقاتیں تو ہوتی رہتی ہیں۔
مزید پڑھیں: مولانا فضل الرحمان سے ملاقات ہوگئی، آئینی ترمیم منظور ہوتی نظر آرہی ہے، فیصل واوڈا
انہوں نے کہاکہ بلاول بھٹو نے کوئی پرچہ آؤٹ کیا ہے، لیکن اس کے درست یا غلط ہونے کا معلوم نہیں۔
قبل ازیں سینیئر سیاستدان فیصل واوڈا نے مولانا فضل الرحمان سے ملاقات کے بعد میڈیا سے گفتگو کرتے ہوئے کہاکہ مولانا فضل الرحمان سے ملاقات میں 27ویں آئینی ترمیم پر بات ہوئی ہے، جس پر انہوں نے کہاکہ میں جائزہ لینے کے بعد کوئی فیصلہ کروں گا۔
فیصل واوڈا نے کہاکہ مجھے 27ویں آئینی ترمیم منظور ہوتی نظر آرہی ہے۔ مولانا فضل الرحمان پہلے مجوزہ ترامیم کو دیکھیں گے اور سمجھیں گے۔
انہوں نے کہاکہ مولانا فضل الرحمان نے ہمیشہ پاکستان کا ساتھ دیا ہے، ان سے ملاقات ہوتی رہتی ہے، وہ بڑے مضبوط سیاستدان ہیں۔
ایک سوال کے جواب میں انہوں نے کہاکہ آپ 27ویں آئینی ترمیم کے لیے بے تاب ہو رہے ہیں، میں تو 28ویں ترمیم کی تیاری کررہا ہوں۔
فیصل واوڈا نے کہاکہ آئینی ترمیم کی منظوری کے لیے نمبر زیادہ ہی ہیں، لیکن مولانا فضل الرحمان کے ساتھ نمبرز کی بات نہیں کی۔
انہوں نے کہاکہ اٹھارویں آئینی ترمیم کو رول بیک کرنے کی خبریں درست نہیں، جو بھی ہوگا اتفاق رائے سے ہوگا۔
مزید پڑھیں: کسی کو 27ویں آئینی ترمیم پر حیرانی اور پریشانی نہیں ہونی چاہیے، ایم کیو ایم پاکستان
انہوں نے کہاکہ مولانا فضل الرحمان کا پاکستان کی سیاست میں اہم کردار ہے، اور ملک کی بقا کے لیے ہمیں ان کا ساتھ چاہیے۔
انہوں نے کہاکہ پی ٹی آئی اگر اچھی سیاست کرتی ہے تو اس معاملے پر ان سے بھی مشاورت ہونی چاہیے، لیکن اگر منفی سیاست کریں گے تو پھر پھینٹا لگے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی ترمیم فیصل واوڈا مولانا فضل الرحمان وی نیوز.
ذریعہ
ذریعہ: WE News
کلیدی لفظ: فیصل واوڈا مولانا فضل الرحمان وی نیوز مولانا فضل الرحمان 27ویں ا ئینی ترمیم انہوں نے کہاکہ فیصل واوڈا سے ملاقات کے لیے
پڑھیں:
فیس بک صارفین اب مفت ویریفائیڈ بلیو ٹک حاصل کر سکتے ہیں، میٹا کا نیا پروگرام متعارف
میٹا نے فیس بک صارفین کے لیے ایک نئے ویریفکیشن پروگرام کا اعلان کیا ہے، جس کے تحت اہل صارفین بغیر کسی فیس کے اپنی پروفائل پر ایک خصوصی ویریفائیڈ ٹک حاصل کر سکیں گے۔
کمپنی کے مطابق اس پروگرام کا مقصد یہ ثابت کرنا ہے کہ متعلقہ اکاؤنٹ کسی حقیقی انسان کا ہے، جس سے جعلی اکاؤنٹس کی نشاندہی اور پلیٹ فارم پر اعتماد میں اضافہ کیا جا سکے گا۔
یہ بھی پڑھیں:اپنی انسٹاگرام تصاویر کو میٹا کے اے آئی سے بچانا چاہتے ہیں؟ صرف ایک سیٹنگ تبدیل کرکے خود کو محفوظ بنائیں
میٹا کا کہنا ہے کہ اس عمل کے لیے جدید چہرہ شناختی ٹیکنالوجی استعمال کی جائے گی، جس کے ذریعے صارف کی سیلفی کا اس کی موجودہ پروفائل تصاویر سے موازنہ کیا جائے گا۔ اگر شناخت کی کامیابی سے تصدیق ہو جائے تو چند منٹوں کے اندر ویریفائیڈ ٹک جاری کر دیا جائے گا۔
ویریفائیڈ ٹک کن افراد کو مل سکے گا؟کمپنی کے مطابق اس پروگرام سے صرف وہی افراد فائدہ اٹھا سکیں گے جن کی عمر 18 سال یا اس سے زیادہ ہوگی۔ شناخت کی تصدیق مکمل ہونے کے بعد یہ ویریفائیڈ ٹک فیس بک کے مختلف حصوں میں صارف کے نام کے ساتھ ظاہر ہوگا۔
البتہ میٹا نے واضح کیا ہے کہ یہ نشان روایتی ’بلیو ٹک‘ نہیں ہوگا، بلکہ اس کا مقصد صرف یہ ظاہر کرنا ہے کہ متعلقہ پروفائل ایک حقیقی فرد کی ہے۔ اس ویریفکیشن کو کسی شخص کی ساکھ، اعتبار یا قابلِ اعتماد ہونے کی ضمانت تصور نہیں کیا جائے گا۔
بلیو ٹک کے لیے سبسکرپشن کب متعارف کرائی گئی؟یاد رہے کہ میٹا نے فروری 2023 میں میٹا ویریفائیڈ سروس متعارف کرائی تھی، جس کے تحت فیس بک اور انسٹاگرام صارفین ماہانہ سبسکرپشن فیس ادا کرکے بلیو ٹک، اضافی اکاؤنٹ سیکیورٹی اور دیگر خصوصی سہولیات حاصل کر سکتے ہیں۔ بعد ازاں اس سروس کو مرحلہ وار دنیا کے مختلف ممالک میں متعارف کرایا گیا۔
مزید پڑھیں:واٹس ایپ میں یوزر نیم بنانے کی سہولت: سیکیورٹی خدشات کا اظہار اور میٹا کی وضاحت
نیا مفت ویریفکیشن پروگرام اس سبسکرپشن سروس سے مختلف ہے، کیونکہ اس کے ذریعے صارفین کو صرف یہ تصدیقی نشان دیا جائے گا کہ اکاؤنٹ ایک حقیقی انسان کا ہے، جبکہ بامعاوضہ ’میٹا ویریفائیڈ‘ کے ساتھ دستیاب دیگر سہولیات اس پروگرام کا حصہ نہیں ہوں گی۔
جعلی اکاؤنٹس کے خلاف اہم قدمماہرین کے مطابق میٹا کا یہ اقدام جعلی اور خودکار اکاؤنٹس کی روک تھام، صارفین کی شناخت کے بہتر تحفظ اور پلیٹ فارم پر شفافیت بڑھانے کی کوششوں کا حصہ ہے۔ اگر یہ پروگرام کامیاب ثابت ہوا تو مستقبل میں مزید صارفین کے لیے شناختی تصدیق کا عمل پہلے سے زیادہ آسان اور تیز ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلیو ٹک جعلی اکاؤنٹس خود کار اکاؤنٹس سبسکرپشن شناختی ٹیکنالوجی فیس بک میٹا وریفائیڈ سروس متعارف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم