جاپان میں ریچھوں کے بڑھتے حملے، حکومت نے فوج تعینات کردی
اشاعت کی تاریخ: 5th, November 2025 GMT
جاپان نے ملک کے شمالی پہاڑی علاقوں میں ریچھوں کے غیر معمولی اور ہلاکت خیز حملوں کے بعد فوجی دستے تعینات کردیے ہیں تاکہ مقامی حکام کو ریچھوں کو قابو کرنے میں مدد دی جا سکے۔
یہ کارروائی بدھ کے روز کازونو نامی قصبے میں شروع کی گئی، جو گھنے جنگلات سے گھرا ہوا ہے اور حالیہ ہفتوں میں یہاں ریچھوں کی موجودگی میں نمایاں اضافہ دیکھا گیا ہے۔
مزید پڑھیں: گلوکارہ قرۃالعین بلوچ پر ریچھ کا حملہ: منتظمین اور گلگت بلتستان وائلڈ لائف ڈیپارٹمنٹ آمنے سامنے
مقامی انتظامیہ نے شہریوں کو کئی ہفتوں سے ہدایت دی ہوئی ہے کہ وہ شام کے بعد گھروں سے باہر نہ نکلیں اور جنگلات کے قریب جانے سے گریز کریں کیونکہ ریچھ خوراک کی تلاش میں انسانی آبادی کے قریب آ رہے ہیں۔
کازونو کے جنگلی حیات کے نگران نے کہاکہ چاہے وقتی طور پر ہی سہی، مگر فوج کی مدد ہمارے لیے بڑا اطمینان ہے۔ پہلے ہم سمجھتے تھے کہ ریچھ شور سے بھاگ جاتے ہیں، مگر اب وہ الٹا انسانوں کی طرف بڑھتے ہیں، یہ واقعی خوفناک جانور بن گئے ہیں۔
جاپانی وزارتِ ماحولیات کے مطابق اپریل سے اب تک ملک بھر میں ریچھوں کے 100 سے زیادہ حملے رپورٹ ہوئے ہیں جن میں 12 افراد ہلاک ہو چکے ہیں، جو کہ ایک نیا ریکارڈ ہے۔
اکیٹا کے علاقے میں اس سال ریچھوں کی موجودگی کے 8 ہزار سے زیادہ واقعات رپورٹ ہوئے ہیں، جو گزشتہ سال کے مقابلے میں 6 گنا زیادہ ہیں۔ بڑھتے حملوں کے بعد اکیٹا کے گورنر نے گذشتہ ہفتے فوج سے مدد طلب کی تھی۔
دوسری جانب کازونو شہر کے میئر نے کہاکہ شہری روزانہ خطرے میں زندگی گزار رہے ہیں۔ اس صورتحال نے ان کی روزمرہ زندگی کو متاثر کیا ہے، لوگ باہر جانا چھوڑ چکے ہیں اور کئی عوامی تقریبات منسوخ کردی گئی ہیں۔
فوجی اہلکاروں کو ریچھ پکڑنے کے لیے اسٹیل کے پنجروں کو نصب کرنے، ان کی جانچ اور منتقلی کا کام سونپا گیا ہے۔ ان پنجروں میں پھنسنے والے ریچھوں کو بعد ازاں تربیت یافتہ شکاری فائر کرکے ہلاک کرتے ہیں تاکہ ان کی آبادی قابو میں رکھی جا سکے۔
مزید پڑھیں: ماں مار کر بچے لے جانا اور دیگر عوامل ریچھوں کو پاکستان سے مٹا رہے ہیں
ماہرین کے مطابق ریچھوں کی بڑھتی تعداد آب و ہوا میں تبدیلی کے باعث قدرتی خوراک کی کمی اور دیہی آبادی میں کمی جیسے عوامل انسانوں اور ریچھوں کے درمیان براہِ راست تصادم بڑھا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جاپان ریچھوں کے حملے فوج تعینات وی نیوز.
ذریعہ
ذریعہ: WE News
کلیدی لفظ: جاپان ریچھوں کے حملے فوج تعینات وی نیوز ریچھوں کے رہے ہیں
پڑھیں:
ایرانی جزیرے پر امریکی حملے کے بعد ایران کا جوابی وار، بحرین، عراق اور قطر میں سائرن بج گئے
امریکی فوج کی جانب سے ایرانی جزیرے قشم پر کارروائی کے دعوے کے بعد ایران نے خطے میں موجود امریکی مفادات اور فوجی تنصیبات کو نشانہ بنانے کا اعلان کرتے ہوئے جوابی حملوں کا دعویٰ کیا ہے۔
امریکی سینٹرل کمانڈ (سینٹ کام) کے مطابق امریکی افواج نے قشم جزیرے میں موجود ایک ایرانی فوجی تنصیب کو نشانہ بنایا۔
امریکی حکام کا کہنا ہے کہ یہ کارروائی ایران کی جانب سے میزائل اور ڈرون حملوں کے ردعمل میں کی گئی۔
سینٹ کام کے مطابق امریکی اور اتحادی دفاعی نظام نے متعدد ایرانی میزائل اور ڈرون راستے میں ہی تباہ کر دیے۔
امریکی بیان میں یہ دعویٰ بھی کیا گیا کہ ایران کی جانب سے داغے گئے بعض بیلسٹک میزائل اپنے اہداف تک پہنچنے میں ناکام رہے۔
کویت کی جانب فائر کیے گئے دو میزائل راستے میں گر گئے جبکہ بحرین کی طرف بڑھنے والے تین میزائل امریکی اور بحرینی فورسز نے فضا میں ہی تباہ کر دیے۔
اسی دوران امریکی فوج نے ایک ایسے آئل ٹینکر کو بھی ناکارہ بنانے کا دعویٰ کیا ہے جو مبینہ طور پر ایرانی جزیرے خارگ کی جانب رواں تھا۔
امریکی حکام کے مطابق مذکورہ جہاز پر بوٹسوانا کا پرچم لہرا رہا تھا۔
مزید پڑھیںایران کے ساتھ مذاکرات جاری ہیں، ڈونلڈ ٹرمپ
امریکا، اسرائیل کو جارحیت کے دوران ایرانی فضائی دفاع نے بھاری نقصان پہنچایا، ایرانی کمانڈر
دوسری طرف ایرانی پاسدارانِ انقلاب نے امریکی کارروائی کا فوری جواب دینے کا اعلان کرتے ہوئے کہا ہے کہ قشم میں کمیونیکیشن انفراسٹرکچر کو نشانہ بنانے کے بعد امریکی فوجی اڈوں پر میزائل اور ڈرون حملے کیے گئے ہیں۔
ایرانی ذرائع ابلاغ کے مطابق جوابی کارروائی میں بحرین میں موجود امریکی ففتھ فلیٹ کے ہیڈکوارٹر، بعض فضائی تنصیبات اور ہیلی کاپٹر مراکز کو ہدف بنایا گیا۔
پاسدارانِ انقلاب کا کہنا ہے کہ امریکی حملوں کا جواب دینا ناگزیر تھا اور خطے میں کسی بھی جارحیت کا بھرپور ردعمل دیا جائے گا۔
عرب میڈیا کے مطابق بحرین، کویت اور عراق میں سیکیورٹی الرٹ جاری کر دیا گیا ہے جبکہ بحرین کے مختلف علاقوں میں خطرے کے سائرن بھی بجائے گئے۔
بحرینی وزارتِ داخلہ نے شہریوں کو احتیاطی تدابیر اختیار کرنے کی ہدایت کی ہے۔
ادھر ایرانی میڈیا نے دعویٰ کیا ہے کہ آبنائے ہرمز کے قریب ایک ایرانی آئل ٹینکر کو نشانہ بنائے جانے کے بعد پاسداران انقلاب نے ایک بحری جہاز پر میزائل حملہ کیا۔
ایرانی حکام کا کہنا ہے کہ آبنائے ہرمز کی سلامتی کو خطرے میں ڈالنے کی قیمت امریکا کو چکانا پڑے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ