کراچی پولیس میں تقرریاں و تبادلے، 4 ایس ایچ اوز اور ایک ڈی ایس پی تعینات، ایک تھانیدار معطل
اشاعت کی تاریخ: 12th, August 2025 GMT
کراچی:
کراچی پولیس میں اعلیٰ سطح پر تقرریوں اور معطلی کا عمل جاری ہے۔ حالیہ تبدیلیوں کے تحت چار ایس ایچ اوز اور ایک ڈی ایس پی کو نئی ذمہ داریاں سونپی گئی ہیں.
جب کہ ایک ایس ایچ او کو معطل کر کے ایس ایس پی آفس رپورٹ کرنے کا حکم دے دیا گیا ہے۔
پولیس حکام کے مطابق جاری کردہ اعلامیے کے تحت انسپکٹر فہد حسن کو ایس ایچ او یوسف پلازہ تعینات کر دیا گیا، انسپکٹر آفتاب عباسی کو ایس ایچ او ایف بی انڈسٹریل ایریا کا چارج دے دیا گیا۔
انسپکٹر زاہد کمبوہ کو ایس ایچ او سولجر بازار مقرر کیا گیا، سب انسپکٹر عرفان میو کو ایس ایچ او مدینہ کالونی تعینات کیا گیا، جب کہ ڈی ایس پی یامین گجر کو کمپلین سیل، ضلع ویسٹ کی ذمہ داری سونپی گئی ہے۔
ادھر ایس ایچ او زمان ٹاؤن غلام نبی آفریدی کو مبینہ غفلت یا دیگر وجوہات کی بنیاد پر معطل کر کے ایس ایس پی آفس ویسٹ رپورٹ کرنے کی ہدایت جاری کی گئی ہے۔
.ذریعہ: Express News
کلیدی لفظ: کو ایس ایچ او ایس پی
پڑھیں:
سندھ میں ڈینگی کا وار جاری، ایک اور ہلاکت کے بعد اموات 27 تک پہنچ گئیں
data-id="863a0a8" data-element_type="widget" data-widget_type="theme-post-content.default">
سندھ میں ڈینگی وائرس کی صورتحال تشویشناک صورت اختیار کر گئی ہے، گزشتہ 24 گھنٹوں کے دوران سندھ میں ڈینگی وائرس کے باعث ایک شخص کے جاں بحق ہونے کی اطلاع ملی ہے۔
صوبائی محکمہ صحت کے مطابق گزشتہ 24 گھنٹوں کے دوران ڈینگی کے باعث مزید ایک ہلاکت رپورٹ ہوئی ہے، جس کے بعد صوبے میں جاں بحق افراد کی مجموعی تعداد 27 ہو گئی ہے۔
تازہ ترین رپورٹ کے مطابق گزشتہ روز صوبے بھر میں ڈینگی کے ایک ہزار 212 نئے کیسز سامنے آئے، جن میں سب سے زیادہ کیسز کراچی اور حیدرآباد سے رپورٹ ہوئے۔
محکمہ صحت کے اعداد و شمار کے مطابق کراچی میں 765 جبکہ حیدرآباد میں 447 نئے مریضوں کی تصدیق ہوئی۔ رواں ماہ سندھ میں ڈینگی کے مجموعی کیسز کی تعداد 7 ہزار 173 تک جا پہنچی ہے۔ تازہ ہلاکت حیدرآباد میں رپورٹ ہوئی، جہاں چند روز قبل بھی ایک 19 سالہ نوجوان لڑکی ایس آئی ڈی ایچ اینڈ آر سی اسپتال میں ڈینگی کے باعث دم توڑ گئی تھی۔
صحت کے ماہرین کے مطابق ڈینگی بخار اگرچہ براہِ راست ایک شخص سے دوسرے میں منتقل نہیں ہوتا، تاہم بیماری کے ابتدائی دنوں میں متاثرہ مریض وائرس کو ایڈیز مچھر تک منتقل کر سکتا ہے، جو بعد ازاں دوسرے افراد کو متاثر کرتا ہے۔
ماہرین نے شہریوں سے اپیل کی ہے کہ گھروں، دفاتر اور گلی محلوں میں صفائی کا خاص خیال رکھیں، پانی جمع نہ ہونے دیں اور مچھر دانیوں اور ریپلینٹ اسپرے کا استعمال یقینی بنائیں۔
ادھر راولپنڈی اور اسلام آباد میں بھی ڈینگی کی صورتحال سنگین ہوتی جا رہی ہے، جہاں اسپتال مریضوں سے بھر چکے ہیں اور مزید کیسز کی آمد کا سلسلہ جاری ہے۔ ماہرین کے مطابق احتیاطی تدابیر پر عمل ہی ڈینگی کے پھیلاؤ کو روکنے کا مؤثر ذریعہ ہے۔
اسلام آباد: جموں کشمیر لبریشن فرنٹ کے چیئرمین یاسمین ملک کی اہلیہ مشال ملک پریس کانفرنس کررہی ہیں