سندھ: ڈینگی کے مریضوں کی تعداد میں بڑا اضافہ، ایک دن میں 727 نئے کیسز رپورٹ
اشاعت کی تاریخ: 10th, November 2025 GMT
سندھ ہیلتھ ڈپارٹمنٹ نے اتوار کی شب تصدیق کی ہے کہ گزشتہ 24 گھنٹوں میں سندھ میں ڈینگی کے 727 نئے کیسز سامنے آئے ہیں، جس کے بعد صوبے میں ڈینگی کے مریضوں کی مجموعی تعداد میں اضافہ ہو گیا ہے۔
میڈیا پر جاری اعداد و شمار کے مطابق، کراچی ڈویژن میں 1,919 ٹیسٹ کیے گئے جن میں سے 269 مثبت پائے گئے، جبکہ حیدرآباد ڈویژن میں 1,359 ٹیسٹ کیے گئے اور 458 افراد ڈینگی سے متاثر ہوئے۔
یہ بھی پڑھیے: راولپنڈی میں ڈینگی کے 11 نئے کیسز رپورٹ، مجموعی تعداد 1372 تک پہنچ گئی
گزشتہ 24 گھنٹوں میں 103 نئے مریض سرکاری ہسپتالوں میں داخل ہوئے جبکہ پرائیویٹ اسپتالوں میں 72 نئے داخلے ہوئے۔ اس دوران 150 مریض صحتیاب ہو کر اسپتالوں سے ڈسچارج ہوئے۔
سندھ ہیلتھ ڈپارٹمنٹ کے مطابق، اس وقت 271 ڈینگی کے مریض سرکاری اور 171 پرائیویٹ ہسپتالوں میں زیرِ علاج ہیں۔ صوبائی سطح پر اس ماہ اب تک ڈینگی کے مریضوں کی تعداد 6,708 ہو گئی ہے، جبکہ اس سال اب تک مجموعی طور پر 12,284 کیسز رپورٹ ہوئے ہیں۔
یہ بھی پڑھیے: اسلام آباد: گزشتہ 24 گھنٹے کے دوران ڈینگی کے 24 نئے کیسز، زیر علاج مریضوں کی تعداد 64 ہوگئی
سرکاری اسپتالوں میں ڈینگی کے مریضوں کے لیے کل 987 بیڈز مختص کیے گئے ہیں، جن میں کراچی میں 256، حیدرآباد میں 165 اور باقی سندھ کے اضلاع میں 566 بیڈز شامل ہیں۔ پرائیویٹ اسپتالوں میں 443 بیڈز ڈینگی کے مریضوں کے لیے مختص کیے گئے ہیں، جن میں کراچی میں 164، حیدرآباد میں 213 اور دیگر اضلاع میں 66 بیڈز شامل ہیں۔
صوبائی ڈینگی نگرانی نیٹ ورک اس وقت 34 لیبارٹریز سے ڈیٹا حاصل کر رہا ہے۔ صوبائی صحت حکام نے عوام سے اپیل کی ہے کہ وہ پانی جمع ہونے والے مقامات کو صاف کریں، کنٹینرز کو ڈھانپیں اور مچھروں کی افزائش کو روکنے کے لیے احتیاطی تدابیر اپنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈینگی سندھ محکمہ صحت.
ذریعہ
ذریعہ: WE News
کلیدی لفظ: ڈینگی ڈینگی کے مریضوں میں ڈینگی کے مریضوں کی نئے کیسز کیے گئے کے لیے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا