شاہ رخ خان کے ساتھ دیپیکا پڈوکون کا نیا سفر، فلم ’کنگ‘ کی شوٹنگ کا آغاز
اشاعت کی تاریخ: 20th, September 2025 GMT
بالی وڈ اداکارہ دیپیکا پڈوکون نے اپنے مداحوں کو بڑی خوشخبری دی ہے۔ انہوں نے شاہ رخ خان کے ساتھ اپنی نئی فلم ’کنگ‘ کی شوٹنگ کا آغاز کر دیا ہے، جس کی جھلک انہوں نے انسٹاگرام پر شیئر کی۔
View this post on Instagram
A post shared by दीपिका पादुकोण (@deepikapadukone)
دیپیکا نے شوٹنگ کے پہلے دن کی تصویر پوسٹ کی جس میں وہ شاہ رخ خان کا ہاتھ تھامے نظر آئیں۔ اداکارہ نے ساتھ ایک جذباتی نوٹ بھی لکھا:
’تقریباً 18 سال پہلے فلم ’اوم شانتی اوم‘ کی شوٹنگ کے دوران شاہ رخ خان نے مجھے پہلا سبق دیا تھا کہ فلم بنانے کا تجربہ اور تعلقات اس کی کامیابی سے زیادہ اہم ہیں۔ میں نے یہ سبق ہمیشہ یاد رکھا، اور شاید یہی وجہ ہے کہ آج ہم اپنی چھٹی فلم ایک ساتھ بنا رہے ہیں‘۔
یہ بھی پڑھیں:فلم ’کالکی 2‘ سے دیپیکا پڈوکون کی علیحدگی، وجہ اسکرپٹ میں تبدیلی یا معاوضے کا تنازع؟
فلم ’کنگ‘ دیپیکا اور شاہ رخ خان کی چھٹی مشترکہ فلم ہے۔ اس سے قبل دونوں نے ’اوم شانتی اوم، چنئی ایکسپریس، ہیپی نیو ایئر، پٹھان‘ اور ’جوان‘ میں ایک ساتھ اداکاری کی تھی، جو سبھی ناظرین کو بے حد پسند آئی تھی۔
واضح رہے کہ یہ پیش رفت ایسے وقت میں ہوئی ہے جب دیپیکا پڈوکون کو حال ہی میں پربھاس کی فلم ’کالکی 2898 اے ڈی‘ کے سیکوئل سے نکال دیا گیا۔
فلم ساز ادارے وائیانتی موویز نے اپنے بیان میں کہا کہ غور و فکر کے بعد انہوں نے اداکارہ سے علیحدگی کا فیصلہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پربھاس دپیکا پاڈیکون شاہ رخ خان کالکی کنگ.ذریعہ: WE News
کلیدی لفظ: پربھاس شاہ رخ خان دیپیکا پڈوکون شاہ رخ خان
پڑھیں:
اسلام آباد میں چین-پاکستان گدھا صنعت فورم کا آغاز
اسلام آباد میں چین-پاکستان گدھا صنعت کی ترقی سے متعلق فورم کا آغاز ہو گیا، جس کا مقصد دونوں ممالک کے درمیان زرعی تعاون کو فروغ دینا اور گدھا صنعت میں جدید تحقیق، سرمایہ کاری اور عملی اشتراک کو فروغ دینا ہے۔
یہ فورم چائنا چیمبر آف کامرس ان پاکستان اور سانگ یانگ انڈسٹریل گروپ کے اشتراک سے منعقد کیا گیا، جبکہ چینی سفارتخانے اور پاکستان کی وزارت قومی غذائی تحفظ و تحقیق کی سرپرستی حاصل تھی۔
فورم میں ماہرین اور محققین نے گدھوں کی نسلی بقا، صحت مند افزائش، چین اور پاکستان میں گدھا صنعت کی ترقی، اس کے ضمنی مصنوعات کے مؤثر استعمال، ڈیجیٹل ٹیکنالوجی کے اطلاق، اور برانڈ سازی و مارکیٹنگ کی حکمت عملیوں پر تفصیلی تبادلہ خیال کیا۔
فورم سے خطاب کرتے ہوئے پاکستان میں چینی ناظم الامور شی یوان چیانگ نے کہا کہ گدھا صنعت میں تعاون نہ صرف زرعی شعبے میں تنوع لانے کا ایک اہم ذریعہ ہے بلکہ چین اور پاکستان کے درمیان اقتصادی تعاون کو گہرائی دینے کا ایک نیا موقع بھی ہے۔
فورم کے دوران چین اور پاکستان کے درمیان عملی تعاون کو فروغ دینے کے لیے کئی معاہدوں کا تبادلہ بھی ہوا، جو مستقبل میں مشترکہ منصوبہ بندی، سرمایہ کاری اور ٹیکنالوجی منتقلی کی راہیں ہموار کریں گے۔
اشتہار
سندھ میں سیلاب: گھوٹکی میں 20 سے زائد دیہات زیر آب، بالائی سندھ میں کچے کے کئی گاؤں ڈوب گئے