فٹبال کی دنیا کا سب سے بڑا اعزاز، “بیلن ڈی اور” فرانسیسی کھلاڑی نے جیت لیا
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
دنیا کے مقبول ترین فٹبال ایوارڈ ’بیلن ڈی اور‘ کی تقریب پیرس میں منعقد ہوئی، جس میں فرانس کے فارورڈ عثمانے ڈیمبلے نے بہترین مرد کھلاڑی کا ایوارڈ اپنے نام کر لیا۔
28 سالہ ڈیمبلے نے گزشتہ سیزن میں شاندار کارکردگی کا مظاہرہ کرتے ہوئے 53 میچز میں 35 گول اسکور کیے، جس کی بنیاد پر انہیں یہ اعزاز دیا گیا۔ بیلن ڈی اور جیتنے کے لیے ڈیمبلے کا نام اسپین کے نوجوان اسٹار لامین یمال کے ساتھ نامزد کیا گیا تھا، تاہم کامیابی ڈیمبلے کے حصے میں آئی۔
خواتین کے مقابلے میں یہ ایوارڈ اسپین کی اسٹار کھلاڑی ایتانا بونماٹی نے جیتا، جو مسلسل تیسری بار بیلن ڈی اور جیتنے والی پہلی خاتون کھلاڑی بن گئی ہیں۔ ان کی یہ کامیابی نہ صرف انفرادی کارکردگی کی عکاسی کرتی ہے بلکہ اسپین کی خواتین فٹبال ٹیم کی بڑھتی ہوئی برتری کو بھی ظاہر کرتی ہے۔
بیلن ڈی اور ایوارڈ دنیا بھر میں فٹبال کا سب سے معتبر اعزاز سمجھا جاتا ہے۔ یہ ایوارڈ فرانس فٹبال کی جانب سے سال کے بہترین کھلاڑی کو دیا جاتا ہے اور اس کا فیصلہ دنیا کے مختلف ممالک سے تعلق رکھنے والے 180 صحافیوں کے ووٹوں سے ہوتا ہے۔ اس روایت کو دہائیوں سے فٹبال میں اعلیٰ ترین اعزاز کی حیثیت حاصل ہے۔
واضح رہے کہ بیلن ڈی اور کے ریکارڈ یافتہ کھلاڑیوں میں لیونل میسی سب سے آگے ہیں جنہوں نے یہ ایوارڈ 8 بار جیتا ہے، جبکہ پرتگال کے کرسٹیانو رونالڈو 5 مرتبہ یہ اعزاز اپنے نام کر چکے ہیں۔ ڈیمبلے کی جیت اس بات کا اشارہ ہے کہ فٹبال کی دنیا میں ایک نئی نسل تیزی سے اپنی جگہ بنا رہی ہے۔
ذریعہ: Jasarat News
کلیدی لفظ: بیلن ڈی اور
پڑھیں:
راولپنڈی شیردل لیگی راہنما سجاد خاں کے اعزاز میں پروقار تقریب کا انعقاد
data-id="863a0a8" data-element_type="widget" data-widget_type="theme-post-content.default">
سعودی عرب میں پاکستان مسلم لیگ ن کے رہنما سردار شعیب کی جانب سے راولپنڈی کے شیر دل لیگی راہنما سجاد خاں کے اعزاز میں پروقار تقریب کا انعقاد کیا گیا جس میں سفارتخانہ پاکستان کے افسر سمیت پاکستان مسلم لیگ ن کے عہدیدران نے بھرپور شرکت کی۔ تقریب سے خطاب کرتے ہوئے سجاد خان نے وزیر اعظم پاکستان میاں شہباز شریف کے حالیہ دورۂ قطر کو خوش آئند اور اہم قرار دیا ہے۔ انہوں نے کہا کہ امیر قطر کے ساتھ ملاقات نہ صرف دونوں برادر ممالک کے درمیان تعلقات کو مزید مضبوط بنانے کا ذریعہ بنی ہے بلکہ امت مسلمہ کو درپیش مسائل پر بھی مثبت پیش رفت ہے تقریب سے میزبان سردار شعیب ،چوہدری مجید ،زاہد سندھوخادم بجاڑ،راجہ یعقوب اسد رومی , ناصر محمود سرور خان نے کہا کہ وزیر اعظم نے قطر کی قیادت کے ساتھ گفتگو میں جس جرات مندانہ انداز میں اسرائیلی جارحیت کی مذمت کی ہے، وہ پوری امت مسلمہ کے جذبات کی عکاسی کرتا ہے۔ اس اقدام سے دنیا کو یہ پیغام گیا ہے کہ پاکستان ہمیشہ ناانصافی اور ظلم کے خلاف کھڑا ہے ان کا مزید کہنا تھا کہ پاکستان اور قطر کے تعلقات ہمیشہ برادرانہ اور مثالی رہے ہیں، اور یہ دورہ دونوں ممالک کے درمیان سیاسی، معاشی اور دفاعی تعلقات کو مزید وسعت دینے کا باعث بنے گا وزیر اعظم شہباز شریف کا مؤقف امت مسلمہ کے اتحاد اور پاکستان کی جراتمندانہ خارجہ پالیسی کی نمائندگی کرتا ہے۔
3 برس میں 30 لاکھ پاکستانی نے ملک چھوڑ کر چلے گئے