جنرل اسمبلی کے اجلاس میں ذہنی صحت مرکز بحث
اشاعت کی تاریخ: 26th, September 2025 GMT
اسلام آباد (اُردو پوائنٹ ۔ UN اردو۔ 26 ستمبر 2025ء) اقوام متحدہ کی جنرل اسمبلی کے اعلیٰ سطحی ہفتے میں پہلی مرتبہ دماغی صحت کی نگہداشت پر ایک اجلاس ہونے جا رہا ہے۔ 25 ستمبر کو عالمی رہنما اصولوں کا ایسا مجموعہ طے کرنے کے لیے بات چیت کریں گے جس سے ذہنی مسائل کا شکار افراد کی مدد کے لیے بین الاقوامی اقدامات کو فروغ ملے گا۔
اگرچہ گزشتہ برسوں میں ذہنی صحت کا موضوع بارہا اقوام متحدہ میں زیربحث آیا ہے لیکن اس ضمن میں یہ اجلاس خاص اہمیت رکھتا ہے۔
اس موقع پر امراض قلب، سرطان، ذیابیطس اور دائمی تنفسی مسائل سمیت غیر متعدی بیماریوں کی روک تھام اور ان پر قابو پانے کے لیے بات چیت بھی کی جائے گی۔غیر متعدی بیماریاں دنیا بھر میں موت اور جسمانی معذوری کا بڑا سبب ہیں۔
(جاری ہے)
ایسی کئی بیماریوں کا آپس میں گہرا تعلق ہوتا ہے اور بہت سے افراد کو یہ بیک وقت لاحق ہوتی ہیں جس کی وجہ سے انہیں دیکھ بھال کے مربوط طریقہ کار کی ضرورت پڑتی ہے۔
غیرمعمولی طبی مسئلہعالمی ادار صحت (ڈبلیو ایچ او) میں غیر متعدی بیماریوں اور ذہنی صحت سے متعلق شعبے کی قائم مقام ڈائریکٹر ڈاکٹر دیوورا کیسل نے کہا ہے کہ ادارہ اب پہلی مرتبہ وثوق سے کہہ سکتا ہے کہ دنیا میں ایک ارب سے زیادہ لوگ ذہنی صحت کے مسائل کا شکار ہیں۔
انہوں نے بتایا ہے کہ ڈپریشن سب سے عام ذہنی بیماری ہے جس میں مبتلا صرف نو فیصد افراد کو ہی طبی مدد ملتی ہے جبکہ نفسیاتی عوارض میں مبتلا تمام لوگوں میں سے صرف 40 فیصد افراد کو ہی علاج میسر آتا ہے۔
اس کا مطلب یہ ہے کہ رکن ممالک کو مزید اور بہتر طریقے اپنانا ہوں گے تاکہ وہ ایسی خدمات تیار کر سکیں جو نہ صرف دستیاب ہوں بلکہ آسانی سے حاصل بھی کی جا سکیں۔ فی الوقت جہاں یہ سہولیات موجود ہیں وہاں بھی اکثر لوگ ان تک رسائی حاصل نہیں کر پاتے چاہے اس کی وجہ اخراجات ہوں، فاصلہ یا دیگر طبی سہولیات سے انضمام کی کمی اس کا سبب ہو۔سماجی بدنامی بھی ذہنی مسائل سے متاثرہ افراد کو مدد لینے سے روکنے کا سبب ہوتی ہے۔
اس اجلاس میں منظور کیے جانے والی سیاسی اعلامیہ کا مقصد علم کے تبادلے کو فروغ دینا اور مالی وسائل میں اضافہ کرنا ہے۔ڈاکٹر کیسل کے مطابق، رکن ممالک نے فیصلہ کیا ہے کہ وہ بعض ایسے مسائل کے حل پر زور دیں گے جو تمام غیر متعدی بیماریوں میں مشترک ہیں لیکن کچھ ایسے پہلو بھی اجاگر کیے جائیں گے جو ذہنی صحت سے مخصوص ہیں جن میں بچوں اور نوجوانوں کی ذہنی صحت، خودکشی کی روک تھام، اور مقامی سطح پر ذہنی صحت کی خدمات کے فروغ کی کوششیں شامل ہیں۔
ذہنی و جسمانی امراض میں تعلقتمباکو نوشی، شراب کا مضر استعمال، جسمانی سرگرمی کی کمی، غیر صحت مند خوراک اور فضائی آلودگی غیر متعدی بیماریوں کے پھیلاؤ کی بڑی وجہ ہیں ۔ تشخیص، علاج اور دیکھ بھال کی سہولیات تک محدود رسائی بھی ان کا ایک بڑا سبب سمجھی جاتی ہے۔
ڈاکٹر دیوورا کیسل کے مطابق، ذہنی اور جسمانی بیماریوں کے خطرات میں نمایاں حد تک مماثلت پائی جاتی ہے۔
ایسے طرزِ زندگی کو فروغ دینا دونوں طرح کی بیماریوں سے نمٹنے کے لیےموثر ہے جس میں جسمانی سرگرمی، متوازن خوراک اور تمباکو و شراب نوشی سے پرہیز شامل ہو۔ان کا کہنا ہے کہ اب اس معاملے میں سیاستدانوں کے اپنا کردار ادا کرنے کا وقت آ گیا ہے۔ گزشتہ چند سال میں ذہنی صحت کی اہمیت کے بارے میں بہت کچھ کہا اور سنا گیا ہے اور اب اس حوالے سے عملی عزم کی ضرورت ہے۔
دنیا کو ایسے رہنما درکار ہیں جو اس بات کو سمجھتے ہوں کہ ایسے مسائل، طریقہ کار اور نظام موجود ہیں جنہیں نافذ کر کے ذہنی صحت کی سہولیات تک رسائی ممکن بنائی جا سکتی ہے چاہے وہ صحت مند طرزِ زندگی کا فروغ ہو یا انفرادی طور پر علاج اور دیکھ بھال کی فراہمی ہو۔ اس میں ان افراد کا کردار بھی شامل ہونا چاہیے جو خود ذہنی صحت کے مسائل سے دوچار رہے ہوں۔25 ستمبر کو ہونے والا اجلاس ذہنی صحت کے مسائل اور غیر متعدی بیماریوں کو عالمی ایجنڈے پر واضح طور پر شامل کرنے کا موقع ہو گا۔
اجلاس کے اعلامیہ میں درج ذیل اقدامات کو ترجیح بنایا جائے گا:
بنیادی صحت کی دیکھ بھال: ہر فرد کے لیے ذہنی صحت کے مسائل کی روک تھام، تشخیص اور علاج کی بنیادی سہولیات تک رسائی کو یقینی بنانا۔ضروری ادویات اور طبی ٹیکنالوجی:اس بات کی ضمانت دینا کہ یہ محفوظ، مؤثر اور اعلیٰ معیار کی حامل ہوں۔پائیدار مالی وسائل کی فراہمی: بالخصوص کم اور متوسط آمدنی والے ممالک کے لیے مالی مدد کو یقینی بنانا۔غیرمتعدی بیماریوں اور ذہنی صحت کے مشترکہ خطرات اور ان کے علاج کی ضرورت کا اعتراف:ان بیماریوں سے متاثرہ افراد کی آرا کو سننا اور پالیسی سازی میں ان کے تجربات کو شامل کرنا۔بین الاداری تعاون: صحت صرف دوا پر منحصر نہیں ہوتی بلکہ اس میں غذائیت، ماحول، قانون سازی اور معیشت بھی شامل ہیں۔صحت کے لیے نقصان دہ خارجی عوامل سے نمٹنا: ان میں فضائی آلودگی، غیر صحت مند خوراک کی تشہیر، تمباکو نوشی کا فروغ اور مضر سماجی و اقتصادی حالات شامل ہیں۔عالمی سطح پر شعور کی بیداری: ذہنی صحت اور غیر متعدی بیماریوں کے بارے میں عالمی سطح پر آگاہی پیدا کرنا۔یہ نکات عالمگیر صحت عامہ میں بہتری لانے اور ایک جامع، منصفانہ نظام صحت قائم کرنے کی سمت میں اہم قدم ہوں گے۔.
ذریعہ
ذریعہ: UrduPoint
کلیدی لفظ: تلاش کیجئے غیر متعدی بیماریوں ذہنی صحت کے مسائل دیکھ بھال افراد کو صحت کی کے لیے
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ