فائنل کے لیے مکمل تیار ہیں، حکمت عملی طے ہے: سلمان علی آغا
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
دبئی: قومی ٹی ٹوئنٹی کرکٹ ٹیم کے کپتان سلمان علی آغا نے کہا ہے کہ ٹیم فائنل کے لیے مکمل طور پر تیار ہے اور جانتی ہے کہ میچ میں کیا کرنا ہے۔
قومی ٹی ٹوئنٹی کرکٹ ٹیم کے کپتان سلمان علی آغا نے یہ بات بنگلادیش کے خلاف سپر فور مرحلے کے اہم میچ میں 11 رنز کی شاندار کامیابی کے بعد کہی، جس کے بعد پاکستان نے ایشیا کپ کے فائنل کے لیے کوالیفائی کر لیا ہے۔ فائنل میں قومی ٹیم کا سامنا روایتی حریف بھارت سے ہوگا۔
میچ کے بعد گفتگو کرتے ہوئے قومی ٹی ٹوئنٹی کرکٹ ٹیم کے کپتان سلمان علی آغا نے کہا کہ اگر آپ ایسے میچز جیتتے ہیں تو آپ واقعی خاص ٹیم ہیں۔ ہمارے بولرز نے شاندار بولنگ کی اور فیلڈرز نے بہترین کارکردگی دکھائی۔ شاہین آفریدی نے ابتدا سے دباؤ بنایا۔ ہم جانتے ہیں کہ فائنل میں کیا کرنا ہے اور ہم تیار ہیں۔”
یہ ملاقات تاریخی اہمیت کی حامل ہے کیونکہ 28 ستمبر اتوار کو ایشیا کپ کی 41 سالہ تاریخ میں پہلی بار پاکستان اور بھارت فائنل میں آمنے سامنے ہوں گے، ایشیا کپ 2025 میں پاکستان اور بھارت کے درمیان اب تک دو مقابلے ہو چکے ہیں، جن میں دونوں بار پاکستان کو شکست کا سامنا کرنا پڑا۔
ایشیا کپ کے اب تک 16 ایڈیشنز میں بھارت سب سے زیادہ 8 بار فاتح رہا، سری لنکا نے 6 بار جبکہ پاکستان نے 2 بار ٹرافی جیتی ہے۔ شائقین کرکٹ کے لیے 28 ستمبر کو فائنل دیکھنا ایک تاریخی لمحہ ہوگا، جب پہلی بار ایشیا کپ کے فائنل میں پاکستان اور بھارت کی ٹیمیں مقابل ہوں گی۔
واضح رہے کہ ایشیا کپ کے سپر فور مرحلے کے آخری میچ میں آج بھارت اور سری لنکا کی ٹیمیں مدمقابل آئیں گی۔ سری لنکن ٹیم سپر فور مرحلے میں ابتدائی دو ناکامیوں کے بعد ایونٹ سے باہر ہو چکی ہے، لہٰذا بھارت اور سری لنکا کے درمیان ہونے والا میچ محض رسمی حیثیت رکھتا ہے۔
ذریعہ: Jasarat News
کلیدی لفظ: ایشیا کپ کے سلمان علی فائنل میں کے لیے کے بعد
پڑھیں:
جوناگڑھ پر بھارت کے غاصبانہ قبضے کو 78 سال مکمل
ریاست جوناگڑھ کا پاکستان سے الحاق جوناگڑھ اسٹیٹ کونسل کی منظوری سے ہوا تھا، تاہم بھارتی سیاستدان سردار ولبھ بھائی پٹیل نے نواب آف جوناگڑھ پر دباؤ ڈال کر فیصلہ بدلنے پر اصرار کیا اسلام ٹائمز۔ ریاست جوناگڑھ پر بھارت کے غاصبانہ قبضے کو 78 سال مکمل ہو گئے۔ 1947ء میں کئی خود مختار ریاستیں بھارت کے غیر قانونی قبضے کا شکار ہوئیں، جس میں ریاست جوناگڑھ بھی شامل تھی۔ ریاست جوناگڑھ کا پاکستان سے الحاق جوناگڑھ اسٹیٹ کونسل کی منظوری سے ہوا تھا، تاہم بھارتی سیاستدان سردار ولبھ بھائی پٹیل نے نواب آف جوناگڑھ پر دباؤ ڈال کر فیصلہ بدلنے پر اصرار کیا، بھارت کو اس پر منہ کی کھانا پڑی اور اس نے ریاست پر زبردستی غیر قانونی تسلط قائم کر لیا۔بھارتی فوج نے جوناگڑھ میں قتلِ عام، عصمت دری اور مسلمانوں کی املاک کو نقصان پہنچایا۔ وزارتِ انسانی حقوق کے مطابق بھارت کی جابرانہ حکومت میں اقلیتوں پر مظالم کا سلسلہ آج بھی جاری ہے۔
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ